តាកែវ ៖ យោងតាមប្រភពពីក្រុមអាជីវករនិងក្រុមឈ្មួញដឹកជញ្ជូនទំនិញចេញពីស្រុកយួន ចូលមកស្រុកខ្មែរ បានបង្ហើបអោយដឹងថា លោក នាយប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិន បច្ចុប្បន្ននេះកំពុងសប្បាយចិត្តប្រមូលលុយក្រុមឈ្មួញនិងអាជីវករនាំទំនិញពីស្រុកយួនចូលមកស្រុកខ្មែរប្រព្រឹត្តអំពើពុករលួយយ៉ាងពេញបន្ទុក គឺដោយសារអាងខ្នងលោក ឈាង ផាន់ ណារ៉ា ស្នងការដ្ឋាននគរបាលខេត្តតាកែវ ចាំជួយបបិទបាំងភាពមិនប្រក្រតីទេីបហ៊ានធ្វេីអ្វីៗ តាមអំពេីចិត្ត។បើគ្មានការបេីកភ្លេីងខៀវពីសំណាក់មន្ត្រីធំៗ ឃុបឃិតគ្នា ជាប្រព័ន្ធទេនោះ គឺលោក នាយប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិន មិនអាចធ្វើអ្វីៗស្រេចតែចិត្តបានឡើយ។ ចំណែកឯ លោក ឈាង ផាន់ ណារ៉ា ស្នងការដ្ឋាននគរបាលខេត្តតាកែវ និងលោក អ៊ូច ភា អភិបាលខេត្តតាកែវ បានរក្សាភាពស្ងៀមស្ងាត់ផងដែរ។
ប្រភពពីក្រុមឈ្មួញនិងអាជីវករ នាំចូលទំនិញពីស្រុកយួន តាមច្រកទ្វារព្រំដែនអន្តរជាតិភ្នំដិនដដែលបានបង្ហេីបទៀតថា បើទោះបីពួកគេនាំចូលទំនិញបង់ពន្ធគយត្រឹមត្រូវ ក៏ចៀសមិនផុតពីបង់លុយលើតុក្រោមតុ តាមការកំណត់របស់លោក នាយប៉ុស្តិ៍ច្រកនេះមិនអាចតវ៉ាបាន។
បើតាមប្រភពពីមន្ត្រីពាក់ព័ន្ធនៅច្រកទ្វារព្រំដែនអន្តរជាតិភ្នំដិន ខេត្តតាកែវ បានបន្តអោយដឹងទៀតថា មកដល់ពេលនេះ លោក នាយប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិន នៅតែប្រើតួនាទី អំណាចគាបសង្កត់ប្រមូលលុយតាមរបៀបពុករលួយដោយគ្មានញញើតអ្វីទាំងអស់។ហើយឈ្មួញគ្រាក់ៗ សម្រុកដឹកជញ្ជូនទំនិញច្រើនប្រភេទ ចេញពីស្រុកយួន ចូលមកស្រុក ខ្មែរ តាមច្រកទ្វារព្រំដែនអន្តរជាតិភ្នំដិន គឺជាប្រភពចំណូលដ៏សំខាន់របស់លោកនាយប៉ុស្តិ៍នគរបាលភ្នំដិន ដែលមានខ្នងបង្អែកររឹងមាំ ទេីបមិនហ៊ានប៉ះពាល់ ទុក្ខអោយក្ដោបសេដ្ឋកិច្ចម្នាក់ឯង បានលុយដាក់ក្នុងហោប៉ៅធ្វើមានបានសុខស្រួលយ៉ាងរំភើយ។
ហេតុនេះហើយទើបមានការអំពាវនាវដល់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការដ្ឋាននគរបាលជាតិ មិនគួរមើលរំលងភាពអសកម្មរបស់លោកឈាង ផាន់ ណារ៉ា ស្នងការដ្ឋាននគរបាលខេត្តតា កែវ និងលោក អ៊ូច ភា អភិបាល ខេត្តតាកែវ បបណ្តែតបណ្តោយអោយលោក នាយប៉ុស្តិ៍នគរ បាលច្រកទ្វារព្រំដែនអន្តរជាតិភ្នំដិន ប្រព្រឹត្តអំពេីពុករលួយ តទៀតនោះទេ។
ទន្ទឹមនឹងនេះដែរឈ្មួញដែលនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ចេញពីស្រុកយួនចូលមកស្រុកខ្មែរដូចជា៖ មាន់ ត្រី បន្លែ ផ្លែឈើ ដូង ធូរ៉េន សាវម៉ាវ ជាដើម ក៏ជាប្រភពចំណូល របស់លោក នាយប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិនបានសហការជាមួយ សមត្ថ កិច្ចពាក់ព័ន្ធកំពុងសាងភាពល្បីល្បាញខាងពុករលួយ យ៉ាងពេញបន្ទុក ប្រចាំនៅច្រកទ្វារព្រំដែនអន្តរជាតិភ្នំដិនចចាក់ឬសដុះស្លែ។
ដែលបញ្ហានេះថ្នាក់ដឹកនាំក្រសួងមហាផ្ទៃ និងស្ថាប័នពាក់ព័ន្ធមិនគួរបណ្ដែតបណ្ដោយតទៅទៀតទេ ព្រោះអំពើពុករលួយរបស់លោក នាយប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិន និងសមត្ថកិច្ចពាក់ព័ន្ធប្រចាំច្រកនេះ ត្រូវបានលាតត្រដាងជាបន្តបន្ទាប់៕មានត