ខេត្តកណ្ដាល ៖សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់បទបញ្ជាអោយ អភិបាលរាជធានី ខេត្ត ទាំង២៥ ខេត្ត.ក្រុងអោយបិទបនល្បែងសុីសងខុសច្បាប់គ្រប់ប្រភេទ ទូទាំងប្រទេសអោយខាន តែបាន បើទោះបីទីតាំងនោះមានខ្នងបង្អែកធំប៉ុនណាក៍ដោយ។ ប៉ុន្តែដោយឡែកម្ចាស់ “កាស៊ីណូយីហោGrand Dragon “និង”កាស៊ីណូយីហោ Galaxy” ពីកន្លែងនេះនៅតែគឃ្លើនបើកអោយពលរដ្ឋខ្មែរចេញចូលលេងល្បែងសុីសងជល់មាន់ បៀរអាប៉ោង និងហ្គេមបាញ់ត្រី ខុសច្បាប់ យ៉ាងគគ្រឹកគគ្រេងពេញទំហឹង នៅក្នុងទឹកដី ឃុំសំពៅពូន ស្រុកកោះធំ ខេត្តកណ្តាល អាជ្ញាធរនិង សមត្ថកិច្ចជំនាញពាក់ព័ន្ធក្នុងមូលដ្ឋានមិនទាន់បង្រ្កាបនៅឡើយទេ?គេសង្ស័យថា បានទទួលលាភសក្ការៈពីម្ចាស់បនល្បែងទាំងពីកន្លែងនោះទេដឹង? ទើបបាននាំគ្នារក្សាភាពស្ងៀមស្ងាត់។
បើតាមប្រភពសេចក្តីរាយការណ៍ពីប្រជាពល រដ្ឋរស់នៅក្នុងមូលដ្ឋានបានអោយដឹងថា បច្ចុប្បន្ននេះមានម្ចាស់ “កាស៊ីណូយីហោ Grand Dragon “និងម្ចាស់ “កាស៊ីណូយីហោGalaxy” ពីកន្លែងនេះនៅតែបើក ចំហរអោយពលរដ្ឋ ខ្មែរមកពីគ្រប់មជ្ឈដ្ឋានចូល លេងល្បែងសុីសងខុសច្បាប់ គ្រប់ប្រភេទ យ៉ាងគគ្រឹក គគ្រេងពេញទំហឹង ហើយនាំគ្នាស្រែកហ៊ោកញ្ជៀវយ៉ាងអនាធិប តេយ្យ ធ្វើអោយបងប្អូនប្រជាពលរដ្ឋរស់នៅក្បែរនោះមានការព្រួយបារម្ភនិងភ័យខ្លាច បញ្ហាអសន្តិសុខសង្គម និងអំពើចោរកម្មដូចជា៖ ចោរលួច.ឆក់.ប្លន់.គាស់ផ្ទះនិងប្រើអំពើរហឹង្សាគ្រួសារ ដើមចមកើតចេញពីល្បែងសុីសងនេះ ឯង ។
ដូច្នេះប្រជាពលរដ្ឋមូលដ្ឋានខាងលើសូមការអន្តរាគមន៍ពី សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សូមមេត្តាចាត់មន្ត្រីនគរបាលដែលពាក់ព័ន្ឋក្រមឱវាទ ចុះធ្វើការត្រួតពិនិត្យនិងបង្រ្កាប!ទីតាំងបនល្បែងសុីសងខុស ច្បាប់ គ្រប់ប្រភេទ នេះកំពុងលំហូបើកចំហរអោយប្រជាពល រដ្ឋខ្មែរចូលលេងល្បែងក្នុង “កាស៊ីណូ”ពីកន្លែងនេះផងទាន ។
ហេតុនេះលោក គង់ សោភ័ណ្ឌ អភិបាលខេត្តកណ្តាលនិងលោក ឈឿន សុចិត្ត ស្នងការនគរបាលខេត្តកណ្តាល រួមទាំងលោក សំ តុលា មេបញ្ជាការកងរាជអាវុធហត្ថខេត្តកណ្ដាលមិនទាន់ធ្វើការបង្រ្កាបទីតាំង “កាសុីណូយីហោGrand Drgon” និង “កាសុីណូយីហោ GaIaxy “ទាំងពីរដែលបើកចំហរអោយពលរដ្ឋខ្មែរចូលលេងល្បែងអោយមាន ប្រសិទ្ធភាពអោយស្របតាមគោលនយោបាយភូមិ ឃុំ អោយមានសុវត្ថិភាពទាំង៧ចំណុចដែលបានដាក់ចេញអោយអនុវត្តន៍នោះ ៕