ត្បូងឃ្មុំ ៖ យោងតាមប្រភពរាយការណ៍ពីក្រុមឈឈ្មួញនិងអាជីវករបានអោយដឹងថា ចាប់តាំងពីលោក ម៉ែន ស៊ីថា ត្រូវបានតែង តាំងជាប្រធានការិយា ល័យគយច្រកទ្វារព្រំដែនអន្តរ ជាតិត្រពាំងផ្លុងដែលស្ថិតនៅភូមិត្រពាំងផ្លុង ឃុំត្រពាំងផ្លុង ស្រុកពញា ក្រែក ខេត្តត្បូងឃ្មុំ រួចមកគឺមន្ត្រីគយរូបនេះប្រើតួនាទីនិងអំណាចប្រព្រឹត្តអំពើពុករលួយយ៉ាងពេញបន្ទុក។
ប្រភពបានបន្តអោយដឹងទៀតថាដោយសារលោក ម៉ែន ស៊ីថា ចំណាយដើមទុនយ៉ាងច្រើនសន្ធឹកសន្ធាប់ ក្នុងការទទួលបានតំណែងថ្មីជាប្រធានការិយាល័យគយច្រកទ្វារព្រំដែនអន្តរជាតិត្រពាំងផ្លុងជំនួសលោក អ៊ួន សុវណ្ណារ៉ា ប្រើគ្រប់វិធីសាស្ត្រដើម្បីប្រមូលលុយតាមរបៀបពុកររលួយស្រង់ដើមតាមអំពើចិត្តរបស់ខ្លួន។ហេតុនេះហើយទើបឈ្មួញធំៗជាច្រើននាក់អាចនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់តាមច្រកទ្វារព្រំដែនអន្តរជាតិត្រពាំងផ្លុងកាន់តែច្រើនឡើងៗហើយលោក ម៉ែន ស៊ីថា តែងប្រើឈ្មោះមន្ត្រីគយធំៗនៅក្នុងអគ្គនាយកនៃអគ្គនាយកដ្ឋានគយនិងរដ្ឋាករកម្ពុជាដើម្បីបិទ បាំងភាពមិនប្រក្រតីរបស់ខ្លួនផងដែរ។ ដូច្នេះក្រោយពេលតែងតាំងជាប្រធានការិយា ល័យគយច្រកទ្វារព្រំដែនអន្តរជាតិតត្រពាំងផ្លុងកាលពីថ្មីកន្លងទៅរួចមកនេះលោក ម៉ែន ស៊ីថា ហ៊ានប្រព្រឹត្តរបៀបអំពើពុករលួយដោយគ្មានញញើតអ្វីទាំងអស់។
ដែលបញ្ហានេះហើយទើបមានការអំពាវនាវដល់លោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មេត្តាចាត់វិធានការទទប់ស្កាត់ភាពមិនប្រក្រតីពុករលួយរបស់លោក ម៉ែន ស៊ីថា ប្រធានការិយាល័យគយច្រកទ្វារព្រំដែនអន្តរជាតិត្រពាំងផ្លុងផង។ព្រោះលោក គុណ ញឹម ដែលជាអគ្គនាយកនៃអគ្គនា យកដ្ឋានគយនិងរដ្ឋាករកម្ពុជាត្រូវបានគេដឹងថាជាអ្នកបើកដៃអោយលោក ម៉ែន ស៊ីថា ធ្វើអ្វីៗតាមអំពើចិត្ត។
ប្រភពពីមន្ត្រីគយនិងភ្នាក់ងារគយក្នុងខេត្តត្បូងឃ្មុំបានអោយដឹងទៀតថា ចាប់តាំងពីលោក ម៉ែន ស៊ីថា ទទួលបានតំណែងជាប្រធានការិយាល័យគយច្រកទ្វារព្រំដែនអន្តរ ជាតិត្រពាំងផ្លុងមមកដោយមានការ ឃុប ឃិតអោយឈ្មួញធំៗបង់ពន្ធតាមរបៀបម៉ៅការហើយឈ្មួញទាំងនោះអាចនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់កាន់តែច្រើនឡើងៗសបញ្ជាក់ឃើញថាភាពមិនប្រក្រតីរបស់លោក ម៉ែន ស៊ីថា ប្រធានការិយាល័យគយច្រកទ្វារព្រំដែនត្រពាំងផ្លុងកំពុងធ្វើអោយរដ្ឋត្រូវខាតបង់ចំណូលពន្ធយ៉ាងច្រើនក្នុងមួយខែៗហើយមន្ត្រីគយជំនិតៗក្រោមឱវាទរបស់លោក ម៉ែន ស៊ីថា គគាបសង្កត់យកលុយលើតុក្រោមតុពីក្រុមឈ្មួញតូចតាចតាមអំពើចិត្ត។
ដូចនេះលោក ឱម យ៉ិនទៀង ប្រធានអង្គភាពប្រឆាំងអំពើពពុករលួយគួរដាក់មន្ត្រីចុះធ្វើការស៊ើបអង្កេតទៅលើភាពមិនប្រក្រតីពុករលួយររបស់លោកម៉ែន ស៊ីថា មេការិយា ល័យគយច្រកទ្វារព្រំដែនអន្តរជាតិត្រពាំងផ្លុងនិងបក្ខពួកអោយបានស៊ីជម្រៅផងទាន។
ពាក់ពន្ធ័ព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក ម៉ែន សុីថា ប្រធានការិយាល័យគយនិងរដ្ឋាករច្រកទ្វារព្រំដែនអន្តរជាតិត្រពាំងផ្លុង រាល់ម៉ោងធ្វើការ៕
