សម្ដេចតេជោ ហ៊ុន សែន នាយករដ្ឋមន្រ្តី នៃកម្ពុជាបានលើកឡើងថាទោះបីជាសម្ដេចមិនបានចូលរួមក្នុងពិធីបុណ្យភ្ឃុំបិណ្ឌ នៅឆ្នាំនេះក៏ដោយ ក៏សម្ដេចសប្បាយរីករាយជាមួយបងប្អូនប្រជាពលរដ្ឋ ដែលបានធ្វើបុណ្យយ៉ាងសប្បាយរីករាយនៅក្នុងឆ្នាំនេះ ដែលខុសប្លែកពីឆ្នាំទៅដែល យើងស្ថិតក្នុងស្ថាន ភាពដ៏អាក្រក់ នៃការឆ្លងកូវីដ១៩។
ក្នុងសារជាសំឡេងផ្ញើជូនជនរួមជាតិ នាព្រឹកថ្ងៃទី២៦ ខែកញ្ញា ឆ្នាំ២០២២ សម្ដេចតេជោ ហ៊ុន សែន បានថ្លែងថា សម្ដេចមានការរីក រាយដោយសារនៅក្នុងប្រទេស បងប្អូនជនរួមជាតិបានប្រារព្ធពិធីបុណ្យភ្ជុំបិណ្ឌប្រកប ដោយជោគជ័យ ជាមួយនិងការរក្សាបាននូវ សុវត្ថិភាពគ្រប់ផ្នែក ជាពិសេសគឺការពារបានដ៏ល្អប្រសើរមិនឱ្យមានការរីករាលដាលនៃជំងឺកូវីដ១៩។ សម្ដេចតេជោបន្តថា ក្នុងរយៈ ពេលចុងក្រោយមកដល់ថ្ងៃនេះ សម្ដេចបានទទួលព័ត៌មាន ពីថ្នាក់ដឹកនាំក្រសួងសុខាភិ បាលជាបន្តបន្ទាប់ សម្រាប់ព័ត៌មានទាក់ទងនឹង ការឆ្លងជំងឺកូវីដ១៩ប្រចាំថ្ងៃ គឺនៅក្នុងកម្រិតក្រោម ១០ករណី ឬលើសបន្តិចបន្តួច និងបានទទួលព័ត៌មានពីអត្រាចាក់វ៉ាក់សាំង ជាប្រចាំផងដែរ។ ជាងនេះទៀតសម្ដេចតេជោ ក៏នៅបន្តតាមដានកិច្ចការ ដែលរាយការណ៍ដោយសម្ដេចក្រឡាហោម ស ខេង ជាបន្តបន្ទាប់។ សម្ដេចតេជោគូសបញ្ជាក់ថា ទោះ បីជាសម្ដេចមិនបានចូលរួមក្នុងពិធីបុណ្យភ្ឃុំបិណ្ឌនៅឆ្នាំនេះក៏ដោយ ក៏សម្ដេច សប្បាយរីករាយជាមួយបងប្អូនប្រជាពលរដ្ឋ ដែលបានធ្វើបុណ្យយ៉ាងសប្បាយរីករាយនៅក្នុងឆ្នាំនេះ ដែលខុសប្លែកពីឆ្នាំទៅ ដែលយើងស្ថិតក្នុងស្ថានភាពដ៏អាក្រក់នៃការឆ្លងកូវីដ ១៩។ សម្ដេចតេជោនាយករដ្ឋមន្ត្រីបានឱ្យដឹងដែរថា សម្ដេចនឹងស្នាក់នៅ ទីក្រុងតូក្យូប្រទេសជប៉ុន រយៈពេលពីរយប់ ហើយនឹងត្រឡប់ទៅដល់ប្រទេសវិញនៅថ្ងៃទី២៨ ខែកញ្ញា ឆ្នាំ២០២២។ សម្ដេចតេជោ សង្ឃឹមថា នឹងវិលត្រឡប់ទៅដល់មាតុភូមិវិញដោយសុវត្ថិភាព បន្ទាប់ពីការចូលរួមបុណ្យសពអតីតនាយករដ្ឋមន្ត្រីជប៉ុន ស៊ីនហ្សូ អាបេ ហើយនៅទីនោះសម្ដេចក៏នឹងជួបពិភាក្សាការងាររយៈពេលខ្លី ជាមួយនឹងនាយករដ្ឋមន្ត្រីជប៉ុននៅព្រឹកថ្ងៃទី២៨ ខែកញ្ញា ផង ដែរ។គួរបញ្ជាក់ដែរថា នៅព្រឹកថ្ងៃទី២៥ ខែកញ្ញា ឆ្នាំ២០២២ បន្ទាប់ពីបានអញ្ជើញទស្សនាឈ្វេងយល់នៅ “មជ្ឈមណ្ឌល Fidel Castro” និងបន្ទាប់ពីបានស្នាក់អាស្រ័យបំពេញទស្សនកិច្ចផ្លូវ នៅរដ្ឋធានី ហាវ៉ាណា សាធារណរដ្ឋគុយបា រយៈពេល ២ថ្ងៃប្រកបដោយលទ្ធផល ដ៏ត្រចះត្រចង់រួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រាជរដ្ឋាភិ បាលកម្ពុជាបានអញ្ជើញធ្វើដំណើរចាកចេញពីរដ្ឋធានីហាវ៉ាណា សាធារណរដ្ឋគុយ បា ក្នុងដំណើរបន្តអញ្ជើញ ចូលរួមពីធីបុណ្ យសពថ្នាក់ជាតិ របស់ឯកឧត្តម អាបេ ស៊ិន ហ្សូ អតីតនាយករដ្ឋមន្រ្តីជប៉ុន នៅទីក្រុង តូក្យូ ប្រទេសជប៉ុន។ អញ្ជើញជូនដំណើរសម្តេចតេជោនាយករដ្ឋមន្រ្តី និងគណៈប្រតិភូនាអាកាសយានដ្ឋានអន្តរជាតិ Jose Marti រួមមាន ឯកឧត្តម លោកជំទាវ ជាឥស្សរជនជាន់ខ្ពស់ក្រសួងការបរទេសគុយបា និងឥស្សរជនការទូត របស់ព្រះរាជាណាចក្រកម្ពុជា ប្រចាំរដ្ឋធានីហាវ៉ាណា សាធារណរដ្ឋគុយបាជាច្រើនរូប។
សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជាបានលើកឡើងថាបើទោះបីសម្ដេចមិនបានចូលរួមក្នុងពិធីបុណ្យភ្ជុំបិណ្ឌ នៅឆ្នាំនេះក៍សម្ដេចសប្បាយរីករាយជាមួយបងប្អូនប្រជាពលរដ្ឋ ដែរ.!
Filed in: Uncategorized