ខេត្តរតនគិរី ៖ តាមប្រភពរាយការណ៍ ពីក្រុងបានលុងខេត្តរតនគីរីបានអោយដឹងថា មានទីតាំងល្បែងស៊ី សងខុសច្បាប់ដូចជា៖ បៀរ អាប៉ោង យូគី និងល្បែងជល់មាន់ តាមប្រព័ន្ធអនឡាញ កំពុងដំណើរការបើកលេងគគ្រឹក គគ្រេងអានាធិបតេយ្យនៅជិតស្តាតពហុ គីឡានិងជាអតីត ពេទ្យពហុព្យាបាល ២៤/ម៉ោង ស្ថិតនៅក្នងភមិទេសអន្លុង សង្កាត់បឹងកន្សែង ក្រុងបានលុង ដែលមានឈ្មោះ អូនធំ ជាម្ចាស់ទីតាំងនេះ។ហើយបានជួលទីតាំងទៅអោយឈ្មោះសុខ គឹមសាន អតីតម្ចាស់សង្វៀនមាន់ ជល់នៅច្រកអូរយ៉ាដាវ បើកល្បែងសុី សងច្រើនប្រភេទដំណើរការយ៉ាងរលូន ។អាជ្ញាធរសមត្ថកិច្ចក្នុងមូលដ្ឋានមិនហ៊ានធ្វើការបង្ក្រាបអោយ ស្របតាម គោលនយោបាយភូមិ សង្កាត់មានសុវត្ថិភាពទាំង ៧ចំណុច របស់រាជរដ្ឋាភិបាលដែលបានដាក់ចេញអោយអនុវត្តន៍ដោយក្រសួងមហាផ្ទៃនោះទេ ។
បើតាមប្រភពពីប្រជាពល រដ្ឋនៅភូមិទេសអន្លុងសង្កាត់បឹងកន្សែងក្រុងបានលុងខេត្តរតនគីរីបានអោយដឹងថា បុគ្គលឈ្មោះសុខ គឹមសាន បើកល្បែង សុីសងខុសច្បាប់យ៉ាងពេញបន្ទុក ហើយនៅតែបន្តគៀងគរជួបជុំគ្នាបើកលេងល្បែងជារៀងរាល់ថ្ងៃ គេមិនដែលឃើញអាជ្ញាធរនិងសមត្ថកិច្ចពាក់ព័ន្ធនៅក្នុងមូលដ្ឋានចុះមកបង្រ្កាបម្តងណាឡើយប្រហែល បុគ្គល សុខ គឹមសាន ម្ចាស់ទីតាំងបានផ្ដល់ប្រយោជន៍ ខែ ថ្ងៃ អស់ហើយទេដឹង? បានទីតាំងល្បែងមួយកន្លែងនេះបើកលេងមិនខ្លាចញញើតអាជ្ញាធរនិងសមត្ថកិច្ចក្នុងមូលដ្ឋានទាល់តែសោះ!
ប្រជាពលរដ្ឋរស់នៅក្នុងមូលដ្ឋានមានការព្រួយបារម្ភបញ្ហាអសន្តិសុខសង្គម ចោរកម្ម ចោរលូច ចោរឆក់ ចោរប្លន់ ចោរគាស់ផ្ទះនិងប្រើអំពើហិង្សាគ្រួសារកើតមានគួរអោយកត់សម្គាល់ជាដើម ចមចេញពីល្បែងសុីសងនេះ ឯង។
ពាក់ព័ន្ធល្បែងសុីសងបំពុលសង្គមខាងលើប្រជាពលរដ្ឋសូមអំពាវនាវដល់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរ បាលជាតិមេត្តាពិនិត្យមន្រ្តីថ្នាក់ក្រោមបណ្តោយអោយមានល្បែងសុីសងក្នុងមូលដ្ឋានមិនបង្ក្រាប ជាពិសេសលោក ញ៉ែម សំអឿន អភិបាល ខេត្តរតនគិរី លោកឧត្តមសេនីយ៍ទោ យិន ចំណាន ស្នងការនគរ បាលខេត្តរតនគីរីនិងលោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី គួរចាត់កម្លាំងជំនាញធ្វើការបង្ក្រាបទីតាំងល្បែងដែលមានម្ចាស់ឈ្មោះ សុខ គឹមសាន ខាងលើអោយមានប្រសិទ្ធភាពស្របតាមគោលនយោបា យ ភូមិ ឃុំ សង្កាត់មានសុវត្ថិភាព ៧ ចំណុចផងទាន ៕
ល្បែងសុីសងបៀអាប៉ោងយូគីនិងមាន់ជល់តាមប្រព័ន្ធអនឡាញបើកលេងនៅចំកណ្ដាលក្រុងបានលុង អាជ្ញាធរសមត្ថកិច្ចក្នុងមូលដ្ឋានមិនហ៊ានបង្រ្កាបនោះទេ គេសង័្សយឆ្នាំងបាយ.!
Filed in: សង្គម