មណ្ឌលគីរី ៖ ប្រភពពីមន្ត្រីនៅច្រកទ្វារអន្តរជាតិ ដាក់ដាំ អត់លិតបានខ្សឹបបង្ហើបអោយដឹងនាពេលថ្មីៗនេះ ថា មានមេឈ្មួញចាស់ វស្សា២រូប កំពុងសម្រុកដឹក ជញ្ជូនបទល្មើសផលអនុ ផលព្រៃឈើ តាមរថយន្តប៉ែន និងរថយន្តធុនដ្រាវិញ ចេញពីស្រុកកោះញ៉ែកនិងស្រុកពេជ្រាដាយកទៅលក់ នៅប្រទេសវៀតណាមយ៉ាងពេញបន្ទុកក្នុងមួយរយៈ ចុងក្រោយនេះមេឈ្មួញទាំងពីរ ឈ្មោះ រិទ្ធ សាមូម និងឈ្មោះ ភារម្យ មានទំនាក់ទំនងជិតស្និទ្ធជាមួយជំនាញមន្ត្រី រដ្ឋបាលព្រៃ ឈើនិងសមត្ថកិច្ច ជំនាញពាក់ព័ន្ធ ក្នុង ខេត្តមណ្ឌលគិរីទើបមិនចាត់វិធានការបង្ក្រា បហើយសម្ងំទទួលផលប្រយោជន៍ ជាថ្នូរ មិនបង្រ្កាប។
ហេតុនេះ លោក យូ សុធា នាយប៉ុស្តិ៍ នគរបាលអន្តោប្រវេសន៍ច្រកទ្វារអន្តរ ជាតិដាក់ដាំ ឃុបឃិតគ្នាបើកដៃ អោយមេឈ្មួញឈ្មោះ រិទ្ធ សាមូម និងឈ្មួញឈ្មោះ ភារម្យ និងឈ្មួញផ្សេងៗទៀតដឹកជញ្ជូនផលអនុផលព្រៃឈើខុសច្បាប់ទៅលក់នៅប្រទេសវៀតណាមតាមច្រកទ្វារអន្តរជាតិ ដាក់ដាំ ទាំង យប់ទាំងថ្ងៃ ដោយរលូន ចំណែក ឯលោក ប្រធាន មន្ទីរកសិកម្ម ខេត្តមណ្ឌលគីរី និងលោកប្រធានបរិស្ថានខេត្តមណ្ឌលគីរី ក៍ស្ងំស្ងៀមឈឹងទុក អោយមេឈ្មួញឈើ រិទ្ធិ សាមូម និង ឈ្មួញ ភារម្យ ហ៊ាន ធ្វើអ្វីៗ តាមអំពើចិត្ត។ ចំពោះ លោក ថង សាវ៉ុន អភិ បាលខេត្តមណ្ឌគីរី លោក ឡោ សុខា ស្នងការដ្ឋាននគរបាលខេត្តមណ្ឌលគិរី
រួមទាំង លោក ហែម បូណារ៉ែល មេបញ្ជាការ កងរាជអាវុធហត្ថ ខេត្តមណ្ឌលគិរី មើលមិនឃើញត្រចៀកមិន ឮ ក៍រក្សាភាពស្ងៀមស្ងាត់ផងដែរ ។
ប្រភពពីមន្ត្រីនគរបាលក្នុងស្នងការ ដ្ឋាននគរបាលខេត្តមណ្ឌលគិរី មួយចំនួនបានបង្ហើបអោយដឹងទៀតថា បើគ្មានការបើកដៃពីសំណាក់លោក ឡោ សុខា ស្នងការនគរបាលខេត្ត មណ្ឌល គិរីនោះទេ គឺលោក យូ សុធា នាយប៉ុស្តិ៍នគរ បាលអន្តោប្រវេសន៍ច្រកទ្វារអន្តរជាតិ ដាក់ដាំ មិនហ៊ានបើកបារ៉ាស់អោយបុគ្គល រិទ្ធ សាមូម និង ភារម្យ នេះដឹកជញ្ជូនផលអនុផលព្រៃឈើទៅ លក់នៅប្រទេសវៀតណាមបានយ៉ាងគំហុកនោះទេ ។
ដូច្នេះហើយប្រជាពលរដ្ឋ រស់នៅក្នុងស្រុកកោះញ៉ែក និងស្រុកពេជ្រាដា សូមអំពាវនាវដល់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយុទ្ធពលខេមរៈភូមិន្ទនិងជាមេបញ្ជាករកងរាជ អាវុធហត្ថលើផ្ទៃប្រទេស ចាត់វិធានការបង្រ្កាប ធន ធានធម្មជាតិ រួមទាំង ឯកឧត្តម សាយ សំអាលរដ្ឋមន្រ្តីក្រសួង បរិស្ថាន សូមឯកឧត្តម មេត្តាចាត់ វិធានការមេឈ្មួញជើងខ្លាំងឈ្មោះ រិទ្ធ សាមូមនិងឈ្មួញឈ្មោះ ភារម្យ នេះផង ព្រោះរាល់ថ្ងៃនេះបើកដំណើរការធ្វើសកម្មភាពដឹកជញ្ជូនផលអនុផលព្រៃឈើខុសច្បាប់ឆ្លងដែនចេញទៅលក់នៅប្រទេស វៀត ណាមតាមច្រកទ្វារអន្តរជាតិដាក់ដាំ យ៉ាងគឃ្លើនមិនថាថ្ងៃឬយប់ឡើយ៕មានត
កក្រើកទៀតហើយមេឈ្មួញចាស់វស្សាពីរនាក់មាន ឈ្មោះ រិទ្ធ សាមូម និងឈ្មោះ ភារម្យ កំពុងបង្កើនពលរដ្ឋចូលព្រៃកាប់ដឹកជញ្ជូនឈើឆ្លងដែនទៅលក់នៅប្រទេសវៀតណាមតាមច្រកទ្វារអន្តរជាតិ ដាក់ដាំ ដោយរលូន អាជ្ញាធរមានសមត្ថកិច្ចជំនាញពាក់ព័ន្ធខេត្តមណ្ឌលគីរីមិនហ៊ានបង្រ្កាប.!
Filed in: សង្គម