កាលពីថ្ងៃទី ០៨ ខែកញ្ញា ឆ្នាំ២០១៣ នេះគណៈកម្មាធិការជាតិរៀបចំការបោះឆ្នោត (គជប) បានប្រកាសជាផ្លូវការនូវចំនួន អាសនៈ ដែលគណបក្សនយោបាយទទួលបាននៅក្នុងរដ្ឋសភានោះ គឺគណបក្សប្រជាជនកម្ពុជាទទួលុបាន ៦៨ អាសនៈ និង គណបក្ស សង្គ្រោះ ជាតិទទួលបាន៥៥អាសនៈ ដូច តួលេខដែលមន្ត្រីរាជរដ្ឋាភិបាលបានប្រកាសនៅមុនពេលដែល គជប បាន ប្រកាស នៅ ពេលនេះ ។
ការប្រកាសលទ្ធផលអាសនៈរបស់ គជប បានធ្វើឱ្យមជ្ឈដ្ឋានប្រជារាស្ត្រជាម្ចាស់ សន្លឹកឆ្នោតភាគច្រើន មានការខកចិត្តយ៉ាង ខ្លាំង ចំពោះលទ្ធផល បែបនេះ ដែលហាក់បីដូចជា មានការគ្រោងទុកជាមុនរបស់ គជប ហើយសូម្បីតែក្រុម ប្រឹក្សាធម្មនុញ្ញ ក៏ សម្រេចមិន ដោះស្រាយបណ្តឹងរបស់គណបក្សសង្គ្រោះជាតិ ដែលធ្វើឱ្យអ្នកគាំទ្រ គណបក្សជំទាស់មួយនេះ បញ្ចោញប្រតិកម្ម នៅតាមទីសាធា រណៈ ថាដូចជាពុំមានយុត្តិធម៌ក្នុងការដោះស្រាយទៅតាមច្បាប់ នោះឡើយ ។
ចំណែកឯគណបក្សប្រជាជនដែលទទួលបានអាសនៈ ៦៨ នោះក៏ហាក់បីដូចជា មិនសប្បាយចិត្ត នឹងទទួលយកលទ្ធផល ទាំង ក្តីក្រៀមក្រោះ ហាក់បីដូចជាពុំរីករាយដូចការឈ្នះឆ្នោតសម្រាប់អាណត្តិទី ៤ កន្លងមក ។ សមាជិក-សមាជិកាគាំទ្រគណបក្ស កាន់ អំណាចហាក់បីដូចជាមិនមានភាពស្វាហាប់ក្នុងការប្រារឰពិធីជប់លៀងអបអរនូវជ័យជំនះរបស់ខ្លួនដូចអាណត្តិ កន្លងមក នោះដែរ ។
លទ្ធផលបានប្រកាសដោយ គជប ត្រូវបានមេដឹកនាំគណបក្ស សង្គ្រោះជាតិ កំពុងតែធ្វើការពិចារណា ទទួលយកឬយ៉ាង ណា នោះទេ។ ក៏ប៉ុន្តែមហាបាតុកម្មអហិង្សា ដោយប្រើប្រាស់របៀបស្មឹងស្មាធ បានធ្វើឱ្យអ្នកគាំទ្រគណបក្សជំទាស់មួយនេះ មាន ការខកចិត្តយ៉ាង ខ្លាំងដោយពុំសមតាមគោលបំណងក្នុងការតវ៉ា ដើម្បីរកឱ្យឃើញពីការពិតនៃដំណើរការបោះឆ្នោត ព្រមទាំង លទ្ធផលនៅពេលនេះ ផងដែរ ។ មេដឹកនាំគណបក្សសង្គ្រោះជាតិបានប្រកាសថា នឹងធ្វើមហាបាតុកម្មបីយប់បីថ្ងៃ ចាប់ពីថ្ងៃទី ១៥ រហូតដល់ថ្ងៃទី ១៧ ដើម្បីតវ៉ារកភាពយុត្តិធម៌ មួយដ៏ពិតប្រាកដនោះ ។ ជាការពិតបាតុករ គាំទ្រគណបក្សជំទាស់ មួយនេះ ពុំមានចេតនាបំផ្លិចបំផ្លាញទ្រព្យ សម្បត្តិប្រជាពលរដ្ឋនៅពេលដង្ហែក្បួនបាតុកម្មនោះឡើយ ។ បាតុករទាំងអស់គ្រាន់តែចង់ សម្តែង នូវឆន្ទៈ របស់ខ្លួនធ្វើការទាមទារអ្វី ដែលគេចង់បានតែប៉ុណ្ណោះ ។
មជ្ឈដ្ឋានគណបក្សសង្គ្រោះជាតិបានបង្ហើបថា អាចនឹងមានការបន្តធ្វើមហាបាតុកម្មធ្វើការតវ៉ា ចំពោះលទ្ធផលនៃការ បោះ ឆ្នោត ដែល ប្រកាសដោយ គជប កន្លងមក ព្រោះភាពមិនប្រក្រតីយ៉ាងច្រើន បានកើតមានឡើង នៅពេលដែលធ្វើការ ពិនិត្យ កញ្ចប់សន្លឹកឆ្នោត ឡើងវិញនោះ បានបង្ហាញឱ្យមជ្ឈដ្ឋានជាតិនិងអន្តរជាតិមើលឃើញផងដែរ ។ តែទោះជាយ៉ាងណាក៏ គជប បានប្រកាសលទ្ធផល ជាផ្លូវការរួចទៅហើយថា គណបក្សប្រជាជនកម្ពុជាទទួលបាន៦៨អាសនៈ និងគណបក្សសង្គ្រោះជាតិ ទទួលបាន ៥៥ អាសនៈ នៅ ក្នុងរដ្ឋសភានីតិកាលទី ៥ នេះ ។ ទោះជាយ៉ាងណាក៏ម្ចាស់សន្លឹកឆ្នោតភាគច្រើនបាន សម្តែងនូវ ការខកចិត្តជាពិសេសអ្នកគាំទ្រ គណបក្សសង្គ្រោះជាតិ ។
ទោះបីជាគណបក្សសង្គ្រោះជាតិបង្ហាញជំហរនឹងបន្តមហាបាតុកម្មតទៅទៀតយ៉ាងណាក៏ដោយក៏គេមិនរំពឹងថា អាចធ្វើការ អូសបន្លាយ សភាពការណ៍នយោបាយធ្វើឱ្យជាប់គាំងដូចឆ្នាំ ១៩៩៨ នោះឡើយ ព្រោះព្រះរាជសារព្រះមហាក្សត្រខ្មែរបាន បង្ហាញយ៉ាងច្បាស ់ដោយស្នើឱ្យគណបក្សនយោបាយទាំងអស់ ព្រមទាំងប្រជារាស្ត្រ មានការស្ងប់ស្ងាត់ ទទួលយកលទ្ធផល ដែលប្រកាសដោយគជប កាលពីថ្ងៃទី ០៨ ខែកញ្ញា កន្លងមកនេះ ។ ប្រសិនបើព្រះមហាក្សត្រព្រះអង្គយាងជាព្រះរាជអធិបតី ក្នុងការប្រកាសសុពលភាព អ្នក តំណាង រាស្ត្រនោះ គណបក្សសង្គ្រោះ ជាតិពិតជាមិនអាចអវត្តមានបាននោះឡើយ ៕
