កាលពីម៉ោងជាង ២ រសៀល ថ្ងៃទី ១៨ ខែមិថុនា ឆ្នាំ ២០១៣ នៅក្នុងគ្រោះថ្នាក់ចរាចរណ៍ រថយន្តក្រុងអូឡាំពិក អ៊ិចប្រេស និងរថយន្ត CRK បុកគ្នានៅត្រង់ ចំណុចភូមិព្រះ នង្គ័លស្រុកស្ទោង ខេត្តកំពង់ធំ នៅលើផ្លូវជាតិលេខ ៦ មានមនុស្ស ៤ នាក់ បានស្លាប់ និង ៩ នាក់របួសស្រាលធ្ងន់នៅក្នុង គ្រោះថ្នាក់ចរាចរណ៍នោះ ។
លោក យ៉ង សំ អធិការស្រុកស្ទោង បានឱ្យដឹងថា គ្រោះថ្នាក់ចរាចរ កាលពីម៉ោងជាង ២ រសៀល នៅ លើកំណាត់ផ្លូវជាតិលេខ ៦ខាងរថយន្ត CRV ឆេះរួញតួរថយន្តមើលលែងស្គាល់ ហើយមនុស្ស ៦ នាក់ លើរថយន្ត ដែលបើកបរដោយស្រីម្នាក់ បាន ស្លាប់ ៣ នាក់ របួសធ្ងន់ ២ នាក់ និងរបួសស្រាលម្នាក់ ។ ឯខាងរថយន្តអូឡាំពិកអ៊ិច ប្រេស ដែលផ្ទុកភ្ញៀវបរទេសចំនួន ១៥ នាក់នោះ មានរងរបួសធ្ងន់ភ្ញៀវ ២ នាក់ របួសស្រាល ៣ នាក់ ស្លាប់ព្រូឡានខ្មែរ ម្នាក់ហើយ អ្នកបើកបរបាក់ជើង ។
លោកអធិការបានបញ្ជាក់ថា សរុបក្នុងហេតុកាណ៍នេះ មានអ្នកស្លាប់ ៤ នាក់ របួសធ្ងន់ ៥ នាក់ និងរបួសស្រាល ៤ នាក់ ក្នុង នោះ មានជនជាតិចិន ២ នាក់ របួសធ្ងន់ ដែលសមត្ថកិច្ចបញ្ជូនភ្លាមៗ ទៅកាន់មន្ទីរពេទ្យស្រុកស្ទោងជាមួយ គ្នា ។
លោកប្រាប់ថា ៖ ខ្ញុំឃើញរថយន្ត CRV ត្រូវឆេះរួញចូលគ្នាអស់ ហើយអ្នកជិះក្នុងរថយន្តក៏ស្លាប់ជិតអស់ ឯអ្នក របួសធ្ងន់ អាច នឹងស្លាប់ខ្លះទៀត ។ ខ្ញុំកំពុងតែទាក់ទងទៅក្រុមហ៊ុនរថយន្តក្រុងថា មានជនបរទេសប៉ុន្មាននាក់ ? ព្រោះ មានជនបរទេស របួសធ្ងន់ តែ ២ នាក់ទេ ដឹកទៅពេទ្យ ។
តាមសមត្ថកិច្ចឱ្យដឹងថា រថយន្តក្រុងអូឡាំពិក អ៊ិចប្រេស ពាក់ស្លាក លេខភ្នំពេញ 3B-6344 ឯរថយន្ត CRV ពាក់ស្លាកលេ ខភ្នំពេញ 2B-2797 រថយន្តទាំងពីរបើកបរក្នុងទិសដៅផ្ទុយគ្នា ទៅមកភ្នំពេញ ខេត្តសៀមរាប ។ ប៉ុន្តែមកដល់ចំណុចកើតហេតុ ខាងរថយន្ត ក្រុងបានបន្ថែមល្បឿនបើកជែងចូលរំលោភចំណែកផ្លូវម្ខាងទៀត ក៏ជ្រុលទៅបុករថយន្ត CRV ទំហឹងតែម្តង ទើប បណ្តាលឱ្យរងគ្រោះថ្នាក់ដ៏អាណោចអាធ័មយ៉ាងនេះ ៕
