ខេត្តព្រះសីហនុ៖យោងប្រភពពីមន្រ្តី គយខ្សឹបខ្សៀវថា លោក ទុំ ណូ ប្រធា នសាខាគយនិងរដ្ឋាករខេត្តព្រះសីហនុ ដែលធ្លាប់មាន រឿងអាស្រូវកាលពីកាន់ ដំណែង ប្រធានសាខាគយ នៅខេត្តប៉ៃលិន បានដើរ អួតអាងប្រាប់មន្ត្រីគយ និងមន្ត្រីនៃស្ថាប័នផ្សេងៗ ឲ្យដឹង ពីការជះទឹកលុយទៅឲ្យមេធំៗអគ្គនាយ កគយនិងរដ្ឋាករ រាប់សែនដុល្លារដើម្បី បាន តូ ឡើងកាន់តំណែង ជា ប្រធានសាខាគយខេត្តព្រះសីហនុនេះ បាន បើគ្មានការជះលុយ ឲ្យមេទេ គាត់មិន អាចអង្គុយ នៅកន្លែងខ្លាញ់បានស្រួល បែបនេះឡើយ ។
ករណីបែកធ្លាយរឿង អាស្រូវលោក ទុំ ណូ យកលុយទៅជះមេធំអគ្គនាយ កគយនិងរដ្ឋាករ រាប់សែនដុល្លារ បានល្បីសាយភាយដូចប្រហុយត្រូវបែកពា ង្គតៗគ្នា ដូចទឹកបាក់ទំនប់អ៊ីចឹង ធ្លាយ ចេញពីខេត្តប៉ៃលិន រហូតដល់ ខេត្តព្រះសីហនុ ។
ករណីបែកធ្លាយរឿងអួតជះលុយ នេះបានលេចលឺ និងដឹងដល់មេៗនៅខាងលើ លោក ទុំ ណូ មេ សាខាគយខេត្តព្រះសី ហនុ ភ័យ បញ្ជាឲ្យកូនចៅ ដើរ បិទ បាំង មិនអោយសារព័ត៌មាន ចុះឡើយ ព្រោះខ្លាចលោក គុណ ញឹម ខឹង អស់តំណែង ប៉ុន្តែទោះបីជាព្យាយាមបិទបាំងយ៉ាង ណាក៏ដោយក៏ព័ត៌មាននេះបាន បែកធ្លាយ អស់ទៅ ហើយដែរ ។
ប្រភពមន្ត្រីបានទម្លាយបន្តឲ្យដឹងថា ចាប់តាំងពីលោកទុំ ណូ បានចូលកាន់ តំណែងប្រធានសាខាគយនិងរដ្ឋាករខេត្តព្រះសីហនុភ្លាមគឺគាត់មិនដែលខ្វល់អំពីច្បាប់ទម្លាប់អ្វីទេនិយាយ រួមគឺបានរឹតបន្ដឹង និង ដាក់គំនាបមន្ត្រីអោយរាយការក្ដោបក្តាប់ប្រភពសេដ្ឋ កិច្ចគ្រប់ច្រកល្ហកទាំងអស់ ដើម្បីស្រង់ ដើមពីប្រភពចំណូលខ្មៅ ដែលកន្លង មកក្រុមមន្ត្រីគយខឹលខូចមួយចំនួនបានលាក់ទុកចែកគ្នាច្រកចូលហោប៉ៅផ្ទាល់ខ្លួននោះ ។
រាល់ទំនិញគេចពន្ធជាច្រើន របស់ឈ្មួញធំៗ នៅតែបន្តហូរចូល យ៉ាងគគ្រឹក គគ្រេងតាំងពីលោក មេគយរូបនេះ មកកាន់ ដំណែង ដែលវាហាក់បីដូចជាក្រុមឈ្មួញទាំងនោះបានដឹងពីចរឹក មេគយរូបនេះ ចូល ចិត្ត ស៊ី លុយ ក្រោម តុ អ៊ីចឹងហើយទើបក្រុមឈ្មួញធំៗសម្រុកនាំទំនិញគេចពន្ធ និងបង់ពន្ធមិនគ្រប់ចូលតាមខេត្តមួយនេះ។
មន្ត្រីបានលើកឡើងអោយដឹទៀតថា៖ភាពមិនប្រក្រតីនៃការនាំចូលគ្រប់ទំនិ ញចម្រុះដែលត្រូវបង់ពន្ធខ្ពស់ ជ្រកក្រោមការបង់ពន្ធទាបជាប្រភេទទំនិញចម្រុះ ឬគ្រឿងបន្លាស់ទំនិញថោកៗ ត្រូវលោកមេគយទុំ ណូស៊ីយ៉ាងត្រជាក់ល្ហឹមតែម្តង។
និយាយឲ្យចំ គឺអំពើពុករលួយ ជាខ្សែបណ្ដោយនេះគឺត្រូវបានលោកមេគយ ទុំ ណូ មិនបានកែរប្រែ ឫលុបបំបាត់នោះទេ បែរជាកំពុងតែរួមដៃគ្នាបន្តចាត់តាំងមន្ត្រីថ្នាក់ក្រោមចាស់ៗនោះឲ្យអនុ វត្តបន្តដាក់ការប្រមូលលុយគ្មានវិក័យប័ត្រ ពីក្រុមឈ្មួញនាំទំនិញខុសច្បាប់ និង បង់ពន្ធមិនគ្រប់ ដែលឆ្លងកាត់ផែ ទំនប់រលក ផែស្ទឹងហាវ ផែកែវផុសផែលោកឧកញ៉ា សូ ជុងហួរ និងរួមទាំង ផែឯកជនតូចៗ ក្តោមក្តាប់យ៉ាងណែនក្នុងដៃ ហើយចំណូលគ្មានវិក័ យប័ត្រប្រមាណ៧០%ត្រូវធ្លាក់ចូលហោប៉ៅ លោក ទុំ ណូ និងបក្ខពួក។
ករណីទំនិញពន្ធសំខាន់ៗ ថ្លៃៗមួយចំនួនធំ ត្រូវបានគយក្រោមការគ្រប់គ្រងរបស់លោក ទុំ ណូ បង្វែរមកបង់ត្រឹមតែ ៣០ទៅ៤០ ភាគរយប៉ុណ្ណោះ។
ការសម្រេចពន្ធ ទៅលើមុខទំនិញផ្សេងៗគឺមានសិទ្ធិស្វ័យសម្រេចលើតែបបូរ មាត់មេគយថ្មី ដែលបានធ្វើឱ្យថវិការ រដ្ឋ ធ្លាក់ចូលទៅក្នុងហោប៉ៅ លោក ទុំ ណូ និងបក្ខពួកជាអ្នករៀបចំថ្មីទាំងអស់។
ហើយដែលទង្វើបែបនេះបាននាំឲ្យរដ្ឋត្រូវខាតបង់ ចំណូលពន្ធ រាប់សឹបលានដុល្លារ ក្នុងមួយខែៗ ។
សូមបញ្ជាក់ថាកាលពីព្រឹកថ្ងៃទី៩ខែមករាឆ្នាំ២០១៧ នៅសាលាខេត្តព្រះសីហនុ លោក នួន ច័ន្ទរិទ្ធអគ្គនាយករងនៃអគ្គនាយដ្ឋានគយនិងរដ្ឋាករតំណាងឲ្យលោក គុណ ញឹមបានធ្វើជាអធិប តីប្រកាសដោះដូរ និង តែងតាំង ទុំ ណូ ជាប្រធានសា ខាគយខេត្តព្រះសី ហនុជំ នួស លោក យ៉ឹក យូ ប្រធា ន សាខាគយខេត្តព្រះសីហ នុ អោយប្តូរទៅជាប្រធាន សាខាគយ កំពង់ ផែអន្តរ ជាតិក្រុងព្រះសីហនុជំនួសលោក គិន លី វិញដែលត្រូវដាក់ឲ្យចូលនិវត្តន៍នោះ ។
លោក ទុំ ណូ អតីតប្រធាន សាខាគយនិងរដ្ឋាករខេត្តប៉ៃលិន ដែលល្បីធ្លាប់ សាងកំហុសយ៉ាងច្រើនសន្ធឹកសន្ធាប់ ក្នុងការធ្វើឲ្យបាត់ចំណូលពន្ធ មិនត្រូវបានដាក់ពិន័យ បែរជាត្រូវបាន តែងតាំង ជាប្រធានសាខាគយនិងរដ្ឋាករ ខេត្តព្រះសីហនុ ជំនួសលោក យ៉ឹក យូ នេះជាឧទាហរណ៍ស្រាប់។
មន្រ្តីដ៏ដែលបានលើកឡើងថា ក្រោយ ពីមានការ ផ្លាស់ប្តូររួចក៏មានការបែកធ្លាយរឿង អាស្រូវថា ថ្នាក់លើមិនមាន គម្រោងតែងតាំងបុគ្គ ល ទុំ ណូ ទេ គឺមានអ្នកផ្សេងទៀត មកជំនួស កន្លែងនោះ ប៉ុន្តែមន្រ្តីខ្លះ លើក ឡើងថាលោក ទុំ ណូជះលុយរាប់សែនដុល្លារ បានជាគេចផុតពីការដកតំណែងដាក់ទណ្ឌកម្មហើយថែម ទាំងបានតំណែងជាប្រធានសាខាគយនិងរដ្ឋាករខេត្តព្រះ សីហនុទាំងមិនបាច់ប្រឹងទៀត ។
ប្រភពបង្ហើបថាលោក មេគយកូនកាត់ ទុំ ណូ ចាយលុយ តូ យកប៉ុស្តិ៍ខ្លាញ់នេះប្រដេញគ្នារហូតដល់ជាងកន្លះ លានដុល្លារ ពីអនុប្រធានសាខាគយម្នាក់ក្នុងខេត្តនេះ ។
វាពិតជាមិនធម្មតាមែនអ៊ីចឹងហើយបានជាគាត់ប្រឹងស្រង់ដើមនោះ ។
តើកំណែទម្រង់គយប៉ុន្មា នឆ្នាំទៅមុខទើបបានរីកចំរើននោះទេ បើមានតែ មុខមេគយដុះស្លែដដែលតែខាងប្រ ព្រឹត្តអំពើពុករលួយនោះ ។
ពាក់ព័ន្ធនូវការរិះគន់ខាងលើគេហទំព័រ (www.enn-tv.com) យើងខ្ញុំរងចាំនូវការពន្យល់បកស្រាយពី លោក ទំុ ណូប្រធាន សាខាគយ និងរដ្ឋាករខេត្តព្រះសីហនុរាល់ម៉ោងធ្វើការ៕
