ខេត្តមណ្ឌលគិរី៖បើទោះជាប្រមុខរដ្ឋាភិបាល បញ្ជារឲ្យមន្រ្តីថ្នាក់ក្រោមទប់ស្កាត់និងបង្រ្កាប បទល្មើសព្រៃឈើក៏ដោយខេត្តមណ្ឌលគិរីដែលគ្រប់គ្រងដោយលោកស្វាយ សំអ៊ាងចៅហ្វាយខេត្តនិងលោក ឡោ សុខាដែលជាស្នងការ ឃើញថាបទល្មើសព្រៃឈើពេញទាំងខេត្តហាក់ដូចជាមើលមិនឃើញ។
ប្រភពពីមន្រ្តីខេត្តបានបង្ហើបប្រាប់ឲ្យ ដឹងថា លោក ស្វាយ សំអ៊ាងអភិបាលខេត្តនឹង លោកឡោ សុខា ស្នងការសង្ស័យទទួលកញ្ចប់ពីឈ្មួញប្រព្រឹត្តបទល្មើសព្រៃឈើរួចហើយ បានជាសកម្មភាពនៃការដឹកជញ្ជូនឈើប្រណិតតាមរថយន្តឡង់គ្រីស័រ ជាច្រើនគ្រឿងសម្រុកដឹកជញ្ជូនឆ្លងដែនទៅប្រទេសវៀតណាមបានយ៉ាង គគ្រឹកគគ្រេងតាមច្រកទ្វេភាគីណាំលៀហៅប៉ុស្តិ៍៧នឹងច្រករបៀងអូរ
តាំកនដោយមិនមានការបង្រ្កាប។
ប្រជាសហគម៍ការពារព្រៃឈើឃុំប៊ូស្រាបានលើកឡើងថាជាក់ស្តែង រថយន្តឡង់គ្រីស័រ ជាច្រើនគ្រឿងសម្រុកដឹកជញ្ជូនឆ្លងដែនទៅប្រទេសវៀតណាមបានយ៉ាងរលូនតាមច្រកទ្វេភាគីណាំលៀរហៅប៉ុស្តិ៍៧ នឹងច្រករបៀងអូរតាំកន ដោយគ្មានការ បង្ក្រាបទប់ស្កាត់ពីសំណាក់មន្ត្រីជំនាញពាក់ពន្ឋ័នោះឡើយ ។
ប្រភពបានឲ្យដឹងថា ការធ្វើរចរាចរណ៌ដឹកជញ្ជូនឈើត្រូវបានធ្វើឡើងទាំងយប់ទាំងថ្ងៃ គឺបានរត់ឆ្លងកាត់មុខបញ្ជារការដ្ឋានកងរាជអាវុធហត្ថស្រុកពេជ្រាដា និងអធិការដ្ឋាននគរបាលស្រុកពេជ្រាដា យ៉ាងពេញទំហឹង។
ប្រភពពីសមត្ថកិច្ចក្នុងខេត្តបានឲ្យដឹងទៀតថា សកម្មភាពដឹកជញ្ជូនឈើតាមច្រកខាងលើ គឺភាគច្រើនក្រុមឈ្មួញជា ឧកញ៉ា មន្រ្តីកងកម្លាំងសមត្ថកិច្ចធំៗ ដោយមិនហ៊ានបញ្ចេញឈ្មោះនោះឡើយ តែគេប្រើមនុស្ស ម្នាក់ ជាអ្នកមើលការខុសត្រូវតាមក្បួនរថយន្ត និងរត់ការជួបសមត្ថកិច្ចពាក់ពន្ឋ័ នានា។
ពាក់ពន្ឋ័ការដឹកជញ្ជូនឈើឆ្លងដែនខុសច្បាប់ ខាងលើនេះគេសង្ស័យលោក ស្វាយ សំអ៊ាង នឹងលោក ឡោ សុខា ស្នងការខេត្តមណ្ឌលគិរី បើកភ្លើងខៀវឲ្យឈ្មួញ ទើបមានការនាំចេញលក់នៅវៀតណាម តាមច្រកទាំងនោះយ៉ាងរលូន ដោយមិនខ្វល់ពី
បទបញ្ជា(សម្តេច ហ៊ុន សែន)ប្រកាសឲ្យបង្រ្កាបបទល្មើសព្រៃឈើនាពេលកន្លងទៅ។
ប្រជាពលរដ្ឋក្នុងខេត្តទាំងមូល ដែលជាម្ចាស់ឆ្នោត ទទូចសូមឲ្យ (សម្តេចតេជោ ហ៊ុន សែន) ជួយមើលអភិបាលខេត្ត លោកស្វាយ សំអ៊ាង លោក ឡោ សុខាស្នងការខេត្តមណ្ឌលគិរីដែលកំពង់ឃុបឃិតជាមួយឈ្មួញ បំផ្លាញ់សម្បត្តិធនធានធម្មជាតិព្រៃឈើ។
បើសម្តេច មិនទប់ស្កាត់ឲ្យទាន់ពេលវេលានោះទេ ព្រៃឈើនៅប៉ែកភាគ ឦសាន្តប្រាកដជារលាយហិនហោច ដោយសារស្នាដៃមេឈ្មួញនឹងមន្រ្តីឃុបឃិតប្រព្រឹត្តពុករលួយជាក់ជាមិនខានឡើយ។ពាក់ព័ន្ធបញ្ហាខាងលើគេហទំព័រ(www.enn-tv.com)យើងខ្ញុំរង់ចាំពន្យល់បកស្រាយពីលោកសារឿន ម៉ាប់ អាជ្ញាធរនិងជំនាញពាក់ព័ន្ធ៕