ខេត្តកំពង់ចាមៈលោកវេងសាខុនរដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទបានបញ្ជាឲ្យមន្ដ្រីកសិកម្មរុក្ខាប្រមាញ់និងនេសាទរៀបចំ កិច្ចប្រជុំជាបន្ទាន់ដោយអញ្ជើញមន្ទីរពាក់ព័ន្ធនិងក្រុមហ៊ុនឬឈ្មួញ ប្រមូលទិញស្រូវពីកសិករ ដើម្បីសិក្សាអំពីបញ្ហាស្រូវចុះថ្លៃ ។
លោកបានធ្វើក្នុងពេលឱកាសដែលលោកអញ្ជើញចូលរួមក្នុងពិធី ប្រកាសតែងតាំងប្រធានមន្ទីរកសិកម្មរុក្ខាប្រមាញ់និងនេសាទខេត្ត កំពង់ចាមនៅសាលាខេត្តកំពង់ចាមនាព្រឹកថ្ងៃទី២៨ខែមករាឆ្នាំ២០១៩នេះ។
លោកបានលើកយកបញ្ហាតម្លៃស្រូវដែលកំពុងធ្លាក់ចុះនាពេលនេះ មកពិភាក្សានិងធ្វើការណែនាំដល់មន្រ្តីរកសិកម្មរុក្ខាប្រមាញ់និងនេ សាទឱ្យរៀបចំកិច្ចប្រជុំជាបន្ទាន់មួយពិសេសអភិបាលខេត្តដើម្បីសិ ក្សាពីបញ្ហារួចដាក់ចេញនូវយន្តការដោះស្រាយនិងចុះអន្តរាគមន៍ជូន ប្រជាពលរដ្ឋជាបន្ទាន់ជាពិសេសទប់ស្តាត់មិនឱ្យជនអគតិដែលយក ហេតុផលនៃការធ្លាក់ចុះតម្លៃស្រូវនាពេលនេះគឺបណ្តាលមកពីសហ ភាពអឺរ៉ុបយកពន្ធនាំចូលអង្ករពីកម្ពុជាចំនួន២០០ដុល្លារក្នុង១តោន។
ក្រសួងកសិកម្មរុក្ខាប្រម៉ាញ់និងនេសាទទើបបានចេញសេចក្តីណែនាំ នូវវិធានការលើកកម្ពស់ផលិតកម្មនិងធុរកិច្ចស្រូវអង្ករក្រោយពេល ដែលគណៈកម្មការអឺរ៉ុបសម្រេចយកពន្ធលើអង្កររបស់កម្ពុជាកាលពី ថ្ងៃទី ២៥ មករា ២០១៩ ថ្មីៗនេះ ។
ក្រសួងកសិកម្មបានធ្វើសេចក្ដីណែនាំឲ្យដឹងថាដើម្បីលើកកម្ពស់ធុរ កិច្ចស្រូវអង្ករពិសេសការជួយអន្តរាគមន៍ទប់ស្កាត់សភាពការណ៍នៃ ការធ្លាក់ចុះនៃតម្លៃស្រូវក្រសួងកសិកម្មរុក្ខាប្រមាញ់និងនេសាទស ម្រេចដាក់ចេញនូវវិធានការណែនាំចាំបាច់មួយចំនួនសម្រាប់អនុវត្ត បន្ទាន់ដូចជាអង្គភាពជំនាញក្រោមឱវាទក្រសួងត្រូវបន្តការស្រាវជ្រាវ បញ្ចេញប្រភេទពូជស្រូវក្រអូបប្រណិតនិងផលិតកម្មគ្រាប់ពូជស្រូវ ក្រអូបសុទ្ធតាមរយៈការផលិតនៅថ្នាក់សហគមន៍និងក្រុមកសិករ ផលិតគ្រាប់ពូជធ្វើយ៉ាងណាឱ្យមានគ្រាប់ពូជគ្រប់គ្រាន់និងតម្លៃសមរម្យ ដើម្បីពង្រីកផលិតកម្មស្រូវអង្ករក្រអូប ។ ជាមួយគ្នានេះស្នើវិស័យឯកជនចូលរួមដាក់ទុនវិនិយោគក្នុងការផលិត គ្រាប់ពូជស្រូវអង្ករក្រអូបដែលមានគុណភាពខ្ពស់ស្របតាមស្តង់ដារ និងតម្រូវការទីផ្សារ ។
ពាក់ព័ន្ធនឹងការកាត់បន្ថយថ្លៃដើមផលិតកម្មត្រូវជំរុញឱ្យបានខ្លាំងក្លា បន្ថែមទៀតនូវវិធានការបច្ចេកទេសផលិតកម្មដែលទទួលបានទិន្នផល ខ្ពស់និងចំណាយតិចរួមជាមួយនឹងការអនុវត្តទំនើបភាវូបនីយកម្មកសិកម្ម។ ជាមួយគ្នានេះត្រូវបានពិនិត្យកាត់បន្ថយថ្លៃចំណាយលើការធ្វើធូបនកម្ម តាមរយៈការបង្កើនចំនួនក្រុមហ៊ុនដែលមានសមត្ថភាពចូលរួមធ្វើការ ងារនេះឱ្យបានច្រើនមានការប្រកួតប្រជែងនិងយកកម្រៃសេវាទាបជាងមុន។ ក្នុងន័យនេះអគ្គនាយកដ្ឋានកសិកម្មត្រូវពិនិត្យសិក្សាឱ្យបានហ្មត់ចត់ និងជំរុញការងារនេះឱ្យបានឆាប់ ។ ម្យ៉ាងវិញទៀតដើម្បីសម្រួលដល់ការនាំចូលជីកសិកម្មថ្នាំកសិកម្មឱ្យ បានលឿននិងមានប្រសិទ្ធភាពជាងមុននាយកដ្ឋាននីតិកម្មកសិកម្ម ត្រូវសម្រួលបែបបទការនាំចូលជីកសិកម្មថ្នាំកសិកម្មនិងសម្ភារកសិ កម្មដទៃទៀតឱ្យកាន់តែប្រសើរជាងមុន ។ ជាមួយគ្នានេះត្រូវរៀបចំក្រុមការងារបច្ចេកទេសចម្រុះចុះពិនិត្យគុណ ភាពជីគីមីកសិកម្មនិងថ្នាំកសិកម្មដើម្បីធានាពីគុណភាពស្របតាម ស្តង់ ដារកំណត់ ។
អ្នកប្រមូលទិញស្រូវត្រូវបន្តធ្វើការទំនាក់ទំនងជាមួយធនាគារអភិវឌ្ឍន៍ ជនបទដើម្បីទទួលបានឥណទានប្រមូលទិញស្រូវពីកសិករសហគមន៍ កសិកម្មនិងមិនត្រូវយកហេតុផលនៃការដាក់វិធានការការពារទីផ្សារ របស់សហគមន៍អឺរ៉ុប មកទម្លាក់ថ្លៃទិញស្រូវពីកសិករឡើយ ។ ក្រុមហ៊ុននាំចេញអង្ករត្រូវពិនិត្យនិងធានាគុណភាពអង្ករក្រអូបឱ្យបាន សុទ្ធល្អមិនត្រូវលាយបន្លំអង្ករប្រភេទផ្សេងដែលនាំឱ្យអតិថិជនបាត់បង់ ជំនឿលើគុណភាពអង្ករក្រអូបកម្ពុជា ។
សហព័ន្ធស្រូវអង្ករកម្ពុជាគួរយកចិត្តទុកដាក់ជំរុញឱ្យសមាគមន៍ម៉ាស៊ីន កិនស្រូវខិតខំបង្កើនសមត្ថភាពកែច្នៃអង្ករឱ្យមានគុណភាពបន្ថែមទៀត សម្រាប់បម្រើឱ្យទីផ្សារអន្តរជាតិពិសេសទីផ្សារប្រទេសចិនដែលមាន រហូតដល់ ៤០ ម៉ឺនតោន នាពេលបច្ចុប្បន្ននេះ ។ លើសពីនេះទៀតសហព័ន្ធស្រូវអង្ករកម្ពុជាគួរពិគ្រោះយោបល់ជាមួយ សមាជិករបស់ខ្លួនដើម្បីពិនិត្យលើបញ្ហាប្រឈមពីផលប៉ះពាល់នៃការ ដាក់វិធានការការពារទីផ្សារអង្កររបស់សហគមន៍អឺរ៉ុបរួចលើកសំណើ ឬសំណូមពរមកក្រុមការងារផ្នែកស្រូវ-អង្គរនៃវេទិការាជរដ្ឋាភិបាល-ផ្នែកឯកជនពិនិត្យនិងរកដំណោះស្រាយតាមរយៈការចាំបាច់៕