ខេត្តមណ្ឌលគិរី៖រថយន្តមួយគ្រឿងសង្ស័យដឹកលើសទម្ងន់ហើយ ខូចម៉ាស៊ីនទៅមុខលែងរួចរអឹលថយក្រោយរេចង្កូតកាច់ក្បាលជាប់ គាំងទទឹងផ្លូវបង្ករឱ្យមានការកកស្ទះចរាចរណ៍ទាំងព្រឹកព្រហៀម។
ហេតុការណ៍បានកើតឡើងនៅវេលាម៉ោងប្រមាណជា០៧និង១០ នាទីព្រឹកថ្ងៃអាទិត្យ៧រោចខែបុស្សឆ្នាំចសំរឹទ្ធិស័កព.ស២៥៦២ត្រូវ នឹងថ្ងៃទី២៧ខែមករាឆ្នាំ២០១៩នៅលើកំណាត់ផ្លូវជាតិលេខ៧៦ ចំណុច(អូរអើយក្នុងភូមិអណ្ដូងក្រឡឹងឃុំសែនមនោរម្យស្រុកអូរ រាំងខេត្តមណ្ឌលគិរី។
ប្រភពពីអ្នកបើកបរបានប្រាប់ថារថយន្តនេះដឹកដំឡូងមីចេញពីទី រួមខេត្តមណ្ឌលគិរីឆ្ពោះទៅស្រុកកែវសីមាលុះមកដល់ចំណុចកើត ហេតុស្រាប់តែម៉ាស៊ីនខូចកណ្ដាលផ្លូវទើបធ្វើអោយរថយន្តឡើង ទួលមិនរួចក៍រអិលថយក្រោយបត់ក្បាលជាប់កណ្តាលផ្លូវតែម្តង សំណាងហើយរថយន្តមិនធ្លាក់ទៅខាងក្រោម។
ទោះមានការអះអាងពីអ្នកបើកបររថយន្តថារថយន្តដឹកដំឡូងមីក៏ ដោយក៏សមត្ថកិច្ចខេត្តមណ្ឌលគិរីនៅតែធ្វើការឆែកឆេរដដែលដោយ សង្ស័យថារថយន្តនេះអាចនឹងមានបង្កប់ឈើខុសច្បាប់នៅពីក្រោម។
តាមប្រភពបានឱ្យដឹងថាតាំងពីម៉ោង០៧ព្រឹករហូតមកដល់ម៉ោង ១២និង០០នាទីថ្ងៃដដែលនេះរថយន្តធន់យក្សដែលខូចទទឹងផ្លូវ ជាតិនោះនៅមិនទាន់មានការអូសចេញឬដោះស្រាយរកមធ្យោបាយ សំរាប់រថយន្តដទៃទៀតចរាចរណ៍ឆ្លងកាត់បានឬសមត្ថកិច្ចធ្វើការ ឆែកឆេរនៅឡើយទេ។
ប្រភពពីសមត្ថកិច្ចដែលស្ថិតនៅក្នុងដែនជម្រកសត្វព្រៃកែវសីមា ថានឹងធ្វើការឆែកឆេររថយន្តដឹកដំឡូងមីនោះឱ្យបានជាក់លាក់តើ មានអ្វីបង្កប់នៅពីក្រោមដំឡូងមីនោះដែឫយ៉ាងណា។
ខណៈរថយន្តធន់ធំនេះកំពុងជាប់គាំងនោះក៏មានប្រភពរាយការណ៍ ពីក្នុងភូមិសាស្ត្រឃុំពូជ្រៃស្រុកពេជ្រាដាមកថាមានរថយន្តធន់ធំចំ នួន០៨គ្រឿងទៀតក៏កំពុងតែសំងំលាក់ខ្លួនត្រៀមនិងធ្វើចរាចរណ៍ លើផ្លូវជាតិលេខ៧៦នេះ។
ប៉ុន្តែនៅយប់នោះកាលៈទេសៈមិនអំណោយផលដល់ការធ្វើចរាច រណ៍ របស់រថយន្តធន់ធំនោះ។
ប្រភពដដែលថារថយន្តទាំង០៨គ្រឿងខាងលើដឹកឈើចេញពីក្រុម ហ៊ុនលឹមរ៉ូយ៉ាល់ ដែលមានទីតាំងនៅក្នុងស្រុកកោះញែក ។
មានការលើកឡើងនិងការិះគន់ថាការដឹកជញ្ជូនឈើរបស់ក្រុមរថ យន្តទាំង៨គ្រឿងនោះកំពុងបង្ករការបំផ្លាញផ្លូវជាតិលេខ៧៦ជាច្រើន កន្លែងព្រោះតែមានការផ្ទុកលើសចំណុះហើយគេក៏មានការសង្ស័យ ដែរថាបើសិនជារថយន្តនោះមានច្បាប់អនុញ្ញាតដឹកឈើត្រឹមត្រូវតាម លក្ខណៈស្តង់ដាហើយនោះហេតុអ្វីចាំបាច់ពួនសម្ងំរង់ចាំឱកាសល្អ ដើម្បីលួចចេញពីទឹកដីនៃខេត្តមណ្ឌលគិរីបែបនេះទៅវិញ? ។មតិប្រជាពលរដ្ឋជាច្រើនបានរិះគន់ថាក្រុមហ៊ុនលឹមរ៉ូយ៉ាល់មួយនេះ តែងតែឈ្លាតឱកាសដឹកជញ្ជូនឈើជាញឹកញាប់មិនសូវលោះពេលនោះទេ៕
