ស្ទឹងត្រែងៈក្រុមហ៊ុនស៊ីបាយអូថេកកំពុងកាប់បំផ្លាញព្រៃឡង់ក្នុង ឃុំសៀមបូកស្រុកសៀមបូកខេត្តស្ទឹងយោងលើអាជ្ញាប័ណ្ណដីសម្បទាន
ប្រភពព័ត៌មានបានឲ្យដឹងថាព្រៃឈើនៅខេត្តស្ទឹងត្រែងកំពុងតែកាប់ ដឹកជញ្ជូនយ៉ាងអានាធិបតេយ្យ។
បើតាមប្រភពប្រជាសហគមន៍រស់នៅទីនោះបានបង្ហើបឲ្យដឹងថា ឈ្មោះសុខជាដែលជាមេការគ្រប់គ្រងក្រុមហ៊ុនស៊ីបាយអូថេកបាន ដឹកនាំកម្មករក្រុមហ៊ុនបានកាប់បំផ្លាញដើមឈើផលិតជ័រទឹករបស់ ជនជាតិដើមភាគតិចអស់រាប់ពាន់ដើមគ្មានមន្ត្រីអាជ្ញាធរឬសមត្ថកិច្ច
និងមន្ត្រីបរិស្ថានចាត់វិធានការទប់ស្កាត់ឡើយក្រុមហ៊ុនស៊ីបាយអូ ថេកបានប្រើប្រាស់អាជ្ញាប័ណ្ណដីសម្បទានរបស់ខ្លួនប្រើប្រាស់ទៅ កាប់ឈើលើដីសហគមន៍ព្រៃឡង់ទៅវិញសព្វថ្ងៃកំពុងកាប់នៅឃុំ សៀមបូកស្រុកសៀមបូកខេត្តស្ទឹងត្រែងយ៉ាងពេញបន្ទុកព្រោះក្រុម ហ៊ុននេះអាងទៅលើមន្ត្រីបរិស្ថាននិងរដ្ឋបាលព្រៃឈើនៅពីក្រោយ ព្រមទាំងសមត្ថកិច្ច ជាអ្នកមើលផ្លូវឲ្យក្រុមហ៊ុនទៀតផង។
សកម្មភាពបំផ្លាញព្រៃឡង់នៅចំណុចអូរគ្រាក់កំពុងតែកាប់យ៉ាង រង្គាលគ្មានខ្លាចច្បាប់បន្តិចឡើយចំណែកឯលោកអភិបាលខេត្តស្ទឹង ត្រែងម៉ុមសារឿននិងមន្ទីរពាក់ព័ន្ធធ្វើប្រងើយដូចជាគ្មានខ្វល់មន្តិច ឡើយឬដឹងហើយធ្វើមិនដឹង។
ប្រភពមន្ត្រីតូចតាចបានបង្ហើបថាក្រុមហ៊ុនស៊ីបាយអូថេកមានដី សម្បទានសេដ្ឋកិច្ចចំនួនតែ4007ហិកតាតែប៉ុណ្ណោះ។
តែដីសម្បទានសេដ្ឋកិច្ចទាំងនោះមិនបានធ្វើតាមក្រសួងកសិកម្មឡើយ
ប្រជាពលរដ្ឋសំណូមពររដ្ឋមន្ត្រីក្រសួងបរិស្ថាននិងរដ្ឋមន្ត្រីក្រសួង កសិកម្មដាក់កម្លាំងថ្នាក់ជាតិចុះពិនិត្យជាពិសេសសម្តេចតេជោហ៊ុន សែនជួយមើលមន្ត្រីថ្នាក់ខេត្តកំពុងតែឃុបឃិតជាប្រព័ន្ធជាមួយ ក្រុមហ៊ុនស៊ីបាយអូថេកនេះឲ្យបានសុីជម្រៅផងព្រោះក្រុមហ៊ុនមួយ នេះកំពុងបង្កើនកម្មករឲ្យកាប់បំផ្លាញព្រៃឡង់ឲ្យរលាយហើយ៕