ឧកញ៉ា គង់ ក្រឹងចំណាយលុយ រាប់លានដុល្លាក្នុងមួយខែៗឲ្យ មន្ត្រីអាជ្ញាធរនិងសមត្ថកិច្ចជំនាញ ជាថ្នូរនិងការសម្រុកដឹកជញ្ជូនឈើ ចេញទៅស្រុកយួនរាល់យប់ថ្ងៃ.!

ក្រចេះ៖បទល្មើសព្រៃឈើខ្នាតធំដែលរូបភាពខាងក្រៅជាកណ្ដៀរ ពូនដំបូកកំពុងឆ្លងដែនចេញទៅយួនរាល់ថ្ងៃយ៉ាងគម្ហុកតាមច្រក របៀងដេ២,ដេ៣ស្រុកស្នួលខេត្តក្រចេះមន្ត្រីជំនាញគ្មានលទ្ធភាពបង្ក្រាប។
ទោះបីជាសម្ដេចតេជោបានដាក់បទបញ្ជាឲ្យទប់ស្កាត់យ៉ាងណាក្ដី គឺមន្រ្តីថ្នាក់ក្រោមហាក់មិនយកចិត្តទុកដាក់អនុវត្តន៍បែជាសាបដូចទឹកទន្លេ។
ទទឹមគ្នានោះស្រាប់តែលេចធ្លាយប្រភពថាលោកឧកញ៉ាគង់ក្រឹង បានបង់លុយឲ្យមន្ត្រីអាជ្ញាធរនិងសមត្ថកិច្ចជំនាញជាថ្នូរនិងការបើក ភ្លើងខៀវឲ្យដឹកជញ្ជូនបទល្មើសព្រៃឈើឆ្លងដែនទៅយួនតាមច្រក របៀងដេ២ ដេ៣ ខាងលើទាំងយប់ ថ្ងៃយ៉ាងគគ្រឹកគគ្រេង?។
ប្រភពពីអ្នកស្និតនិងលោកគង់ក្រឹងបានលួចបង្ហើបថាជារៀងរាល់ខែ លោកគង់ក្រឹងតែងតែចំណាយលុយអស់រាប់សែនដុល្លារសម្រាប់រត់ ការជាមួយមន្ត្រីអាជ្ញាធរសមត្ថកិច្ចជំនាញក៏ដូចជាអ្នកកាសែតមួយ ចំនួនផងដែរដើម្បីជាថ្នូរនិងការដឹកជញ្ជូនឈើចេញទៅស្រុកយួន ទាំងថ្ងៃទាំងយប់?ដោយមិនញញើតនិងបទបញ្ជាសម្ដេចតេជោហ៊ុន សែននោះទេ។ប្រភពដដែលបានបង្ហើបថាបង់ឲ្យលោក ឧត្ដមសេនីយ៍ឯកហុងវីណុលអនុប្រធានគណៈកម្មការថ្នាក់ជាតិចុះ ទប់ស្កាត់បទល្មើសព្រៃឈើប្រចាំគោលដៅក្នុង១ខែ១០,០០០$! លោក វ៉ា ថន អភិបាលខេត្តក្រចេះ១ខែ៥,០០០$! ។
ក្នុងនោះលោកគង់គឹមនីអភិបាលស្រុកស្នួល១ខែ២០,០០០$ចាប់ ពីខែមករាឆ្នាំ២០១៨មកគឺច្រើនជាងគេព្រោះសំអាងថាខ្លួនស្និតនិង ថ្នាក់ដឹកនាំកំពូលៗ។ឯលោក សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ១ខែ៣,០០០$លោកលន់សុផាត ស្នងការខេត្តក្រចេះ១ខែ៣,០០០$!លោកជាបញ្ញានាយសង្កាត់ រដ្ឋបាលព្រៃឈើស្រុកស្នួល ១ខែក៏៣,០០០$ ដែរ! ។
ពាក់ព័ន្ធប្រភពបែកធ្លាយកញ្ចប់ផលប្រយោជន៍ខាងលើគេហទំព័រ www.enn-tv.comយើងអាចសុំការពន្យល់បកស្រាយពីអា ជ្ញាធរសមត្ថកិច្ចជំនាញពាក់ព័ន្ធបាននោះទេ៕