ប្រភពពីក្រុមឈ្មួញដឹកជញ្ជូនទំនិញនិងដឹកជញ្ជូនឈើឆ្លងកាត់មុខស្ថានីយ៍ជញ្ជីងថ្លឹងរថយន្តនៅស្រុកបាធាយបានឲ្យដឹងថាសម្រាប់រថយន្តដឹកឈើធុនធំភ្លៅ៤ត្រូវបង់ក្នុងមួយជើងចាប់ពី១០ម៉ឺនរៀលទៅ១៥ម៉ឺនរៀល ដោយមិន ចាំ បាច់ចូលថ្លឹងអ្វីទាំងអស់។ ចំណែករថយន្តដឹកស៊ីម៉ងត៍និងដឹកទំនិញផ្សេងៗក៏ត្រូវចូលបង់លុយឲ្យក្រុមមន្ត្រីរបស់លោកហេងផល្លាក្នុងមួយជើងពី៦ម៉ឺនទៅ១០ម៉ឺនរៀលផងដែរហើយសម្រាប់រថយន្តដឹកអុសត្រូវបង់ក្នុងមួយជើងពី៦ម៉ឺនរៀលទៅ១០ម៉ឺនរៀលទើបអាចឆ្លងកាត់ស្ថានីយ៍ថ្លឹងរថយន្តនោះដោយគ្មានការរំខានហើយមិនបាច់ចូលថ្លឹងនោះទេ។ អាចនិយាយបានថាលោកហេងផល្លានិងបក្ខពួកកំពុងប្រែក្លាយជញ្ជីងថ្លឹងរថយន្តឲ្យទៅជាជញ្ជីងថ្លឹងលុយព្រោះថ្នាក់ដឹកនាំក្រសួងសាធារ ណការនិងដឹកជញ្ជូនជាពិសេសលោកសេងឈួនប្រធានជញ្ជីងថ្លឹង រថយន្តទូទាំងប្រទេសក៍កំពុងសប្បាយប្រមូលលុយតាមរបៀបពុករលួយ។
មន្ត្រីរាជការនៅក្នុងមន្ទីរសាធារណការនិងដឹកជញ្ជូនខេត្តកំពង់ចាម បានឲ្យដឹងថាបច្ចុប្បន្នលោកហេងផល្លាប្រធានស្ថានីយ៍ជញ្ជីងថ្លឹង រថយន្តលើផ្លូវជាតិលេខ៦Aភូមិជានាឃុំជានាស្រុកបាធាយខេត្តកំពង់ ចាមនិងបក្ខពួកឃុបឃិតគ្នាប្រព្រឹត្តអំពើពុករលួយកាន់តែខ្លាំងឡើងៗ ជាងមុនទៅទៀត។ ប្រភពបានឲ្យដឹងទៀតថាលោក ហេង ផល្លានិងបក្ខពួកមិនដែលធ្វើការផាកពិន័យម្ចាស់រថយន្តធំៗដឹកជញ្ជូនទំនិញលើសទម្ងន់ឬតកន្ទុយតទ្រុងខុសលក្ខណៈបច្ចេកទេសនោះ ឡើយហើយពួកគេគិតតែពីរឿងប្រមូលលុយចែកគ្នាធ្វើមានធ្វើបាន យ៉ាងសុខស្រួល។ ការដែលលោក ហេង ផល្លា ហ៊ានធ្វើអ្វីៗ តាមអំពើចិត្តគឺមានការឃុបឃិតបើកដៃពីសំណាក់ប្រធានមន្ទីរសា ធារណការខេត្តកំពង់ចាមផងដែរទើបអ្វីៗអាចប្រព្រឹត្តទៅដោយរលូន។
ប្រភពដែលស្និទ្ធនឹងលោកហេងផល្លាបានឲ្យដឹងថាប្រធានមន្ទីរសា ធារណការនិងដឹកជញ្ជូនខេត្តកំពង់ចាមក៏ដូចជាលោកស៊ុនចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនគឺជាបង្អែករឹងមាំរបស់លោក ហេង ផល្លា ក្នុងការប្រព្រឹត្តអំពើពុករលួយ។ មន្ត្រីនៅក្នុងមន្ទីរសាធារណការនិងដឹកជញ្ជូនខេត្តកំពង់ចាមបានឲ្យដឹងទៀតថាលោកហេងផល្លាតែងប្រើប្រាស់ឈ្មោះលោកស៊ុនចាន់ ថុលរដ្ឋមន្ត្រីក្រសួងសាធារណការនិងដឹកជញ្ជូនដើម្បីការពារអំពើពុក រលួយនិងទង្វើមិនប្រក្រតីរបស់ខ្លួនដោយគ្មានសេចក្ដីអៀនខ្មាស។ បញ្ហានេះគឺជារឿងដែលលោកគួចចំរើនអភិបាលខេត្តកំពង់ចាមនិងលោកស៊ុនចាន់ថុលរដ្ឋមន្ត្រីក្រសួងសាធារណការមិនគួរមើលរំលងតទៅទៀតទេព្រោះលោកហេងផល្លាល្បីល្បាញខាងប្រព្រឹត្តអំពើពុក រលួយជាយូរមកហើយ។ ពាក់ព័ន្ធព័ត៌មានខាងលើគេហទំព័រ(www.enn-tv.com) យើងមិនអាចសុំការពន្យល់បកស្រាយពីលោកហេងផល្លាប្រធាន ជញ្ជីងថ្លឹងរថយន្តស្រុកបាធាយខេត្តកំពង់ចាមនិងបក្ខពួកបាននោះទេ៕