ភ្នំពេញ)៖បុរស២នាក់រងរបួសធ្ងន់ធ្ងរក្នុងសភាពដាច់ដៃដាច់ជើងខ្ទេច មានជីវិតរស់ក៏ទាំងវេទនាបន្ទាប់ពីរថយន្តបែនដឹកដីយុីឌុបបើកកិន អូសម៉ូតូជាច្រើនម៉ែត្រ។ហេតុការណ៍នេះកើតឡើងកាលពីវេលាម៉ោង៧ព្រឹកថ្ងៃទី១៨ខែមករា ឆ្នាំ២០១៩ស្ថិតនៅតាមបណ្តោយផ្លូវជាតិលេខ៣ភូមិវត្តស្លែងសង្កាត់ ពងទឹក ខណ្ឌដង្កោ។
ប្រភពនៅកន្លែងកើតហេតុបានឲ្យដឹងថាមុនកើតហេតុជនរងគ្រោះ ជិះម៉ូតូឌុបគ្នាពីជើងទៅត្បូងលុះដល់ចំណុចកើតហេតុត្រូវបានរថយន្ត បង្កបើកច្រាសទិសបុកកិនអូសជាច្រើនម៉ែត្របណ្តាលឲ្យជនរងគ្រោះ ដាច់ដៃ ដាច់ជើងខ្ទេច ។
ពលរដ្ឋម្នាក់បានទូរស័ព្ទហៅរថយន្តសង្រ្គោះរបស់អង្គភាព៧១១កង ពលតូចលេខ៧០ទៅជួយអន្តរាគមន៍ដឹកយកជនរងគ្រោះទៅសង្រ្គោះ នៅមន្ទីរពេទ្យព្រះកុសុមៈ ។
ប្រភពដដែលបានបន្តទៀតថាជនរងគ្រោះឈ្មោះអុឹងណុយភេទប្រុស អាយុ៣៨ឆ្នាំកសិកររស់នៅភូមិកណ្តឹងតូចឃុំកណ្តឹងស្រុកបាទីខេត្ត តាកែវ របួសក្នុងសភាពដាច់ដៃ ជើងខ្ទេច ។
ជនរងគ្រោះជិះម៉ូតូ មួយគ្រឿងម៉ាក ហុងដា សេ១២៥សេរី២០០៨ពណ៌ខ្មៅពាក់ស្លាកលេខភ្នំពេញ1Z137០និងរួមដំណើរដោយឈ្មោះរឿនកញ្ញាភេទប្រុសអាយុ១៩ឆ្នាំមាន ទីលំ នៅ ជាមួយគ្នា បែកដាច់ប្រអប់ជើង ។ ចំណែករថយន្តបង្កម៉ាកហុីយ៉ាន់ដាយបែនយុីឌុបដឹកដីពណ៌សពាក់ ស្លាក លេខ បាត់ដំបង 3A-1851ជារថយន្តរបស់ក រុមហ៊ុនការដ្ឋាន ធ្វើផ្លូវជាតិលេខ៣ ។បច្ចុប្បន្នរថយន្តនិងម៉ូតូ ត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍ជើង គោកក្រុងភ្នំពេញ ដើម្បីកសាងសំណុំរឿងតាមនីតិវិធី ៕
