ខេត្តត្បូងឃ្មុំ៖ល្បែងស៊ីសងជល់មាន់.បៀអាប៉ោងបើកលេងគគ្រឹក គគ្រេងចាញ់ឈ្នះរាប់មុឺនដុល្លារក្នុងមួយថ្ងៃៗត្រូវបានប្រជាពលរដ្ឋ ដែលរស់នៅភូមិអន្លង់ជ្រៃឃុំកក់ស្រុកពញាក្រែកខេត្តត្បូងឃ្មុំមាន ការព្រួយបារម្មណ៍យ៉ាងខ្លាំងចំពោះល្បែងសុីសងមួយកន្លែងនេះ។
បច្ចុប្បន្នល្បែងស៊ីសងជាច្រើនប្រភេទកំពុងត្រូវគេបើកលេងយ៉ាងគគ្រឹកគ្រេងនៅខាងក្រោយកាស៊ីណូភូមិយើងដែលជ្រកក្រោមស្លាកយីហោកាស៊ីណូដែលគេស្គាល់ឈ្មោះស្រ៊ុនអ្នកគ្រប់គ្រងនិងមេការ ធំឈ្មោះ ណាន ជាអ្នកកាងល្បែងស៊ីសងទាំងនោះ។
ប្រជាពលរដ្ឋបានលើកឡើងទៀតថាដោយសារល្បែងស៊ីសងដូចជា មាន់ជល់.បៀនិងអាប៉ោងត្រូវគេបើកលេងក្នុងទ្រង់ទ្រាយធំក្នុងមូល ដ្ឋានបានកើតមានបទល្មើសផ្សេងៗយ៉ាងពេញបន្ទុកដូចជាអំពើចោរ កម្ម និងអំពើហិង្សាក្នុងគ្រួសារ ជាដើម។ ប្រជាពលរដ្ឋបន្តទៀតថាបច្ចុប្បន្ននៅក្នុងមូលដ្ឋានពួកគាត់មានករណីចោរលួចគោក្របីអ្នកស្រុកស្ទើរជារៀងរាល់ថ្ងៃហើយអ្នកភូមិខ្លះបានយកប្លង់ដីប្លង់ផ្ទះទៅបញ្ចាំដើម្បីយកលុយលេងល្បែងស៊ីសងចាញ់អស់ជាបន្តបន្ទាប់។បើតាមការឲ្យដឹងពីមន្ត្រីអាជ្ញាធរមូលដ្ឋានថ្នាក់ភូមិថ្នាក់ស្រុកក្នុងភូមិអន្លង់ជ្រៃឃុំកក់ថាពួកគេគ្មានលទ្ធភាពបង្ក្រាបល្បែងស៊ីសងដែលកើតឡើងយ៉ាងរាលដាលធ្វើឲ្យប៉ះពាល់ដល់សន្តិ សុខសង្គមនោះទេព្រោះអ្នកបើកល្បែងស៊ីសងមានអំណាចខ្លាំងហ៊ានធ្វើអ្វីៗតាមអំពើចិត្តរបស់ខ្លួន។
ជាក់ស្ដែងទាំងលោកជាមច័ន្ទសោភ័ណចៅហ្វាយខេត្តត្បូងឃ្មុំនិងលោក ឧត្តមសេនីយ៍ទោប៉ែនរ័ត្នស្នងការនគរបាលខេត្តត្បូងឃ្មុំក៏មិនហ៊ានប៉ះពាល់អ្នកបើកល្បែងស៊ីសងមាន់ជល់.បៀនិងអាប៉ោងខុសច្បាប់ដែលជ្រកក្រោមស្លាកកាស៊ីណូខាងក្រោយភូមិយើងនោះដែរបើទោះបីប្រជាពលរដ្ឋព្រួយបារម្ភអំពីបញ្ហាអសន្តិសុខសង្គមដូចជាចោរលូច.ឆក់.ប្លន.កើតមានជាហូរហែរ។ ដូច្នេះប្រជាពលរដ្ឋសំណូមពរដល់សម្តេចក្រឡាហោមសខេងឧប នាយករដ្ឋមន្រ្តីរដ្ឋមន្រ្តីក្រសួងមហាផ្ទៃនិងនាយឧត្តមសេនីយ៍នេត សាវឿនអគ្គស្នងការនគរបាលជាតិចាត់វិធានការបង្ក្រាបល្បែងស៊ីសងសង្វៀន.មាន់.បៀ. និងអាប៉ោងក្នុងភូមិអន្លង់ ជ្រៃឃុំកក់ស្រុក ពញាក្រែក ខេត្តត្បូងឃ្មុំ ជាបន្ទាន់។
មជ្ឈដ្ឋាននានាបានរិះគន់ថា ប្រហែលអាជ្ញាធរនិងស្នងការ.មេPMក្នុងខេត្តត្បូងឃ្មុំបានទទួលផលប្រយោជន៍ជាប្រចាំពីអ្នកបើកល្បែងស៊ីសងហើយទើបមិនបង្រ្កាបអាចធ្វើអ្វីៗទៅដោយរលូន។
មហាជនបានរិះគន់ចំៗថាលោកប៉ែនរ័ត្នស្នងការនគរបាលខេត្តត្បូង ឃ្មុំក៏ដូចជាលោកជាមច័ន្ទសោភ័ណចៅហ្វាយខេត្តត្បូងឃ្មុំនិងលោក វ៉ាសារិទ្ធមេPខេត្តត្បូងឃ្មុំប្រហែលត្រូវថ្នាំសណ្ដំលោកស្រ៊ុនអ្នកគ្រប់ គ្រងល្បែងសុីសងដ៏ធំនៅខាងក្រោយផ្ទះសំណាក់ភូមិយើងទើបមិនហ៊ានបង្ក្រាបល្បែងស៊ីសងទាំងនោះ។
ល្បែងសុីសងសង្វៀនមាន់ជល់.បៀនិងអាប៉ោងបើកលេងគគ្រឹក គគ្រេងផ្គើននិងបទបញ្ជារសម្ដេចក្រឡាហោមសខេងគោលនយោ បាយភូមិ-ឃុំ មានសុវត្ថិភាពទាំង៩ចំណុច។
ពាក់ព័ន្ធនូវការរិះគន់បើកល្បែងសុីសងដែលជ្រកក្រោមស្លាកកាសុី ណូខាងលើ(www.enn-tv.com)យើងមិនអាចសុំការ ពន្យល់ពីអាជ្ញាធរសម្ថកិច្ចពាក់ពន្ធ័ក្នុងខេត្តបាននោះទេ៕