ភ្នំពេញ ៖ ល្បែងកន្ទុយលេខមួយកន្លែងដែលកើតមានក្នុងភូមិក្បាលស្ពានខ្ពស់ សង្កាត់គីឡូម៉ែត្រលេខ ៦ ផ្លូវជាតិលេខ ៥ ខណ្ឌប្ញស្សីកែវ រាជធានីភ្នំពេញ ។
ប្រភពព័ត៌មានពីប្រជាពលរដ្ឋដែលរស់នៅក្បែរល្បែងឆ្នោតកត់កន្ទុយលេខមួយកន្លែង ដែលគេស្គាល់ឈ្មោះយ៉ាងច្បាស់នោះ គឺជារបស់ លោក ញ៉ែម សៀក រហស្សនាម ០៥ ប៉ូលិសខណ្ឌប្ញស្សីកែវ ។
ប្រជាពលរដ្ឋបានបន្តទៀតថា ចំពោះលោកអភិបាលខណ្ឌ ឃ្លាំង ហួត តែងតែចុះមកបង្ក្រាបល្បែងស៊ីសង ផ្សេងៗជារៀងរាល់លើក ដែលស្របទៅនឹងគោលនយោបាយភូមិ-ឃុំ សង្កាត់មានសុវត្ថិភាព បានធ្វើឱ្យកើតមាន ដូចជា ចោរឆក់ ចោរប្លន់ និងអំពើហិង្សាក្នុងគ្រួសារ ។
ប្រជាពលរដ្ឋនៅក្នុងខណ្ឌប្ញស្សីកែវទាំងអស់ សំណូមពរដល់លោកអភិបាលខណ្ឌ ឃ្លាំង ហួត ចាត់វិធាន កន្លែងមេឆ្នោតកន្ទុយលេខជាមន្ត្រីប៉ូលិសរូបនេះ ដែលថ្លើមធំហ៊ានបើកល្បែងកន្ទុយលេខយ៉ាងអនាធិបតេយ្យ ជារៀងរាល់ថ្ងៃបែបនេះ ធ្វើឱ្យមជ្ឈដ្ឋានមួយចំនួនបានរិះគន់ថា លោក ញ៉ែម សៀក រហស្សនាម ០៥ ជាមន្ត្រី ប៉ូលិសខណ្ឌប្ញស្សីកែវ ដើរបង្ក្រាបគេឯងគ្រប់គ្នា បែរជាខ្លួនឯងហ៊ានបើកកន្លែងកត់កន្ទុយលេខទៅវិញ ៕