ខេត្តរតនៈគីរី ៖ នៅថ្ងៃទី១៣ ខែធ្នូ ឆ្នាំ២០១៣ វេលាម៉ោង៤និង៣០នាទីល្ងាច កងកំលាំងសមត្ថកិច្ចចំរុះខេត្តរតនគិរីដឹកនាំ ដោយលោក ជា សុភ័ក្រ ព្រះរាជអាជ្ញាអមសាលាដំបូងខេត្តរតនគិរីបានដឹកនាំកងកំលាំងចំរុះចុះបង្រ្កាបបទល្មើសឈើ ប្រណិតនៅចំនុចផ្ទះលោកប្រិយ ច្រំ ឋានជាស្នងការរងខេត្តដែលបានជួលអោយទៅឈ្មោះស៊ីនជនជាតិវៀតណាម បើកធ្វើសិប្បកម្មខ្នាតយក្ស ដែលស្ថិតនៅក្នុងភូមិអូរកន្តិល សង្កាត់បឹងកន្សែង ក្រុងបានលុង ខេត្តរតនគិរី។
តាមប្រភពព័ត៌មានបានអោយដឹងថា ឈ្មួញជនជាតិវៀតណាមរូបនេះមិនត្រឹមតែបើកសិប្បកម្មខ្នាតធំ ប៉ុណ្ណោះទេថែមទាំងបានរកស៊ីជួញដូរឈើប្រណិតគ្រប់ប្រភេទ ដឹកជញ្ជូនតាមគ្រប់រូបភាពនៃរថយន្តធុនទំនើបៗយក ទៅប្រទេសវៀតណាមទៀតផង បច្ចុប្បន្នកំលាំងសមត្ថកិច្ចចំរុះក៏ដូចជាជំនាញរដ្ឋបាលព្រៃឈើកំពុងតែធ្វើសកម្មភាព យ៉ាងក្តៅគគុកដើម្បីចុះបង្ក្រាបបទល្មើសទាំងអស់នេះ។ ប៉ុន្តែរាល់ការបង្ក្រាបបទល្មើសនេះសមត្ថកិច្ចតែងតែបិទទ្វារ មិនអោយអ្នកសារព័ត៌មានចូលទៅវិញ នេះសរបញ្ជាក់អោយឃើញថា សមត្ថកិច្ចយើងខ្លាចអ្នកសារព័ត៌មានទំលុះនូវ អាថ៍កំបាំងដ៏សំខាន់នោះហើយមើលទៅ ។ នៅក្នុងការបង្ក្រាបនេះ សមត្ថកិច្ចដែលចុះឆែកឆេផ្ទះថៅកែធំឈ្មោះលោកស៊ីននេះចាប់បានឈើ ប្រណិតប្រភេទធ្នង់ និងនាងនួនបានចំនួនបីរឺម៉កម៉ូតូ និងមួយរថយន្តកែឆ្នៃបញ្ជូនទៅរដ្ឋបាលព្រៃឈើខេត្ត និងធ្វើសំ ណុំបែបបទបន្សល់ទុកជាភស្តុតាង។
សូមបញ្ជាក់ថា ថៅកែធំឈ្មោះស៊ីនរូបនេះបានរកស៊ីបទល្មើសជាច្រើនខែឆ្នាំមកហើយ មិនដែលឃើញសមត្ថ កិច្ចណាចាប់បានឡើយ ហើយថៅកែរូបនេះមិនដែលចេះខ្លាចក្រែងសមត្ថកិច្ចណាទេ។
បច្ចុប្បន្ននេះ ឈើមិនទាន់ដឹកជញ្ជូនចេញពីផ្ទះថៅកែនោះអស់នៅឡើយទេ ហើយកងកំលាំងសមត្ថកិច្ចក៏កំ ពុងតែបន្តដឹកជញ្ជូនចេញជាបន្តទៀតយកទៅកាន់រដ្ឋបាលព្រៃឈើ ៕