មណ្ឌលគិរី ៖ មន្រ្តីប៉ូលិសនៃស្នងការដ្ឋាននគរបាលខេត្តមណ្ឌលគិរីម្នាក់បានបាត់បង់ជីវិត ដោយសារជិះម៉ូតូធ្លាក់ទឹកបឹងជម្រៅ ជាង ១០ ម៉ែត្រ ។ ត្រង់ចំណុចទំនប់ក្រោម ស្ថិតក្នុងភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ថ្ងៃទី ១៣ ខែធ្នូឆ្នាំ២០១៣។
បើតាមប្រភពព័ត៌មានពីកន្លែងកើតហេតុ បានអោយដឹងថា ជនរងគ្រោះជិះម៉ូតូ ម៉ាកស្មាស់ស៊េរី២០០៨ ក្នុងទិសខាងកើតទៅលិច ។ មកដល់ចំណុចកើតហេតុបានគេឮម៉ូតូរោទិ៍យ៉ាងខ្លាំងបណ្តាលឲ្យម៉ូតូហោះទៅមុខហួសផ្លូវធ្លាក់ ចូលអាងស្តុកទឹកមានជម្រៅជាង១០ម៉ែត្រ ទាំងមនុស្សទាំងម៉ូតូ ។ បន្ទាបពីហេតុការណ៍នេះកើតឡើង ប្រជាពលរដ្ឋដែលរស់នៅជិតកន្លែងកើតហេតុបាននាំគ្នាជួយសង្គ្រោះជនរងគ្រោះដែរ តែ រកមិនឃើញទាំងមនុស្សនិងម៉ូតូ រហូតមកដល់ម៉ោងជាង៨ ព្រឹក ថ្ងៃទី១៤ ខែធ្នូ ឆ្នាំ២០១៣ ទើបសមត្ថកិច្ចនិងប្រជាពលរដ្ឋបានរកឃើញ ហើយស្រង់យកមកធ្វើកោសល្យវិច័យ ។
សមត្ថកិច្ចនបានឲ្យដឹងថា ជនរងគ្រោះមានឈ្មោះ បឿយ ចាន់ថន ភេទប្រុស អាយុ៥០ឆ្នាំ មានតួនាទីជានាយរងការិយាល័យអន្តរាគមន៍ នៃស្នងការដ្ឋាននគរបាលខេត្តមណ្ឌលគិរីមានទីលំនៅភូមិដើមស្រល់សង្កាត់មនោរម្យក្រុងសែនមនោរម្យ។បច្ចុប្បន្ន សាកសពជនរងគ្រោះត្រូវបាន ក្រុមគ្រួសារយកមកធ្វើបុណ្យតាមប្រពៃណីនៅគេហដ្ឋាន ៕