ភ្នំពេញ៖ តាមប្រភពសេចក្តីរាយការណ៍ ពីប្រជាពលរដ្ឋរស់នៅភូមិជ្រៃកោង បានអោយដឹងថា មានទីតាំងល្បែងសុីសង ជល់មាន់និងឡូតូខុសច្បាប់តាមប្រព័ន្ធ អនឡាញ មួយកន្លែងស្ថិតនៅភូមិជ្រៃ កោង សង្កាត់ចោមចៅ២ ខណ្ឌពោធិ៍ សែនជ័យ រាជធានីភ្នំពេញកំពុងបើកដំណើរការអោយក្រុមញៀនល្បែងចេញចូលលេងយ៉ាងគគ្រឹក គគ្រេង រីឯ អាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់! គេមិនទាន់ឃើញចាត់កម្លាំងក្រោមឱវាទចុះមកទប់ស្កាត់និងបង្រ្កាបនោះទេ! ប្រឆាំងបទបញ្ជានាយករដ្ឋមន្ត្រី។
ប្រភពបានបន្តអោយដឹងថា បុគ្គលដែលហ៊ានបើកល្បែងសុីសងជល់មាន់និងឡូតូខុសច្បាប់តាមប្រព័ន្ធអនឡាញមួយកន្លែងនេះស្ថិតនៅក្នុងសង្កាត់ចោមចៅ ២ ខណ្ឌពោធិ៍សែនជ័យ កំពុងបើកដំណើរការអោយក្រុមញៀនល្បែងលេងយ៉ាងពេញបន្ទុករាល់ថ្ងៃ ដែលធ្វើអោយមហាជនដាក់ការសង្ស័យថា អាជ្ញាធរនិងសមត្ថកិច្ចមូលដ្ឋាន បើកភ្លើងខៀវអោយដំណើរការល្បែងសុីសងហើយមើលទៅ ? ទើបគ្មានការទប់ស្កាត់និងបង្រ្កាបនោះ។ទីតាំងល្បែងជល់មាន់និងឡូតូខុសច្បាប់តាមប្រព័ន្ធអនឡាញ ដែលកំពង់បើកអោយក្រុមញៀនល្បែងលេងយ៉ាងអនាធិ បតេយ្យនេះដែលធ្វើអោយប្រជាពលរដ្ឋរស់នៅមូលដ្ឋានមានការព្រួយបារម្ភភ័យខ្លាច បញ្ហាអសន្តិសុខ សង្គម និងអំពើចោរកម្មចោរលួច.ចោរ ឆក់.ចោរប្លន់.ចោរគាស់ផ្ទះនិងប្រើអំពើហិង្សាគ្រូសារគ្រឿង ញៀនជាដើមចមកើតចេញពីល្បែងសុីសងនេះឯង។
ជុំវិញបញ្ហាខាងលើប្រជាពលរដ្ឋក៏ដូចមហាជនលើកឡើងថា តើឯណាទៅពាក្យស្លោកគោលនយោបាយភូមិ. ឃុំ. សង្កាត់. មានសុវត្ថិភាពទាំង៧ចំណុច ដែលរាជរដ្ឋាភិបាលបានដាក់ ចេញដោយក្រសួងមហាផ្ទៃ ដាក់ចេញដើម្បីអោយមន្ត្រីថ្នាក់ ក្រោមជាតិអនុវត្តទប់ស្កាត់និងបង្ក្រាបទីតាំងបនល្បែងស៊ីសង គ្រប់ប្រភេទអោយមានប្រសិទ្ធភាព កាល ពីកន្លងមកនោះ?។
ហេតុនេះហើយទើបប្រជាពលរដ្ឋរស់នៅក្នុងមូលដ្ឋានខាងលើស្នើដល់លោក ឃួង ស្រេង អភិបាល រាជធានីភ្នំពេញ.លោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញនិងលោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ មេត្តាចាត់កម្លាំងជំនាញក្រោមឱវាទចុះ ទប់ស្កាត់និងបង្រ្កាប ទីតាំងល្បែងជល់មាន់និងឡូតូខុសច្បាប់តាមប្រព័ន្ធអន ឡាញ មួយកន្លែងស្ថិតក្នុងភូមិសាស្ត្រខាងលើនេះផងទាន។
គួរបញ្ជាក់ថាកាលពីថ្ងៃទី១៨ ខែកុម្ភ: ឆ្នាំ ២០២៤ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បន្តវេនបានចេញបទបញ្ជាដល់អភិបាល រាជធានី ខេត្តទាំងអស់នូវទូទាំងប្រទេសត្រួត ពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សង សំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចមូល ដ្ឋានសង្កាត់ចោមចៅ២ បណ្ដោយមានល្បែងសុីសងមាន់ជល់និងឡូតូខុសច្បាប់តាមប្រព័ន្ធអនឡាញស្ថិតនៅភូមិជ្រៃ កោង សង្កាត់ចោមចៅ២ ខណ្ឌពោធិ៍ សែនជ័យ រាជធានីភ្នំពេញ មិនព្រមទប់ស្កាត់និងបង្ក្រាបនោះទេ៕មានត
