ភ្នំពេញ ៖ តាមប្រភពសេចក្តីរាយការណ៍ ពីប្រជាពលរដ្ឋរស់ នៅក្បែរទីតាំងល្បែងបានអោយដឹងថា បុគ្គលដែលហ៊ានបើកល្បែងសុីសងខុសច្បាប់តាមប្រព័ន្ធអ៊ីនធឺណេត មួយកន្លែង នៅក្បែរ មជ្ឈមណ្ឌលថែរក្សាសម្ផសផ្កាយប្រាក់ ប្រ ហែល៤០ ទៅ៥០ ម៉ែត្រ ផ្លូវលេខ ១៥០ សង្កាត់ផ្សារដេប៉ូទី២ ខណ្ឌទួល គោក រាជធានីភ្នំពេញ ប្រហែល មានខ្នងបង្អែក រឹងមាំ ហើយមានឥទ្ធិពល ទើបហ៊ានធ្វើអ្វីៗតាមទំនើងចិត្តបែបនេះ។
ជាងនេះទៅទៀត ទីតាំងល្បែងសុីសងខុសច្បាប់តាមប្រព័ន្ធ អ៊ីនធឺណេត មួយកន្លែងក្នុងសង្កាត់ផ្សារដេប៉ូទី២ ខណ្ឌ ទួលគោក កំពុងបើកដំណើរការអោយក្រុមញៀនល្បែងលេងយ៉ាងពេញ បន្ទុកពោលគឺបើកលេងទាំង យប់ទាំងថ្ងៃតែម្តង! តែគេមិន ដែលឃើញមន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះអនុវត្តច្បាប់ទប់ស្កាត់និងបង្ក្រាបឡើយ! ខណៈបនល្បែងសុីសងខុសច្បាប់ នៅតែបន្តបើកលេងយ៉ាងអនាធិបតេយ្យ។
មហាជនក៏ដូចប្រជាពលរដ្ឋរស់នៅក្នុងមូលដ្ឋាន សង្កាត់ផ្សារដេប៉ូទី២ ខណ្ឌ ទួលគោក នាំគ្នាដាក់ការសង្ស័យថា មន្រ្ដីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន មួយចំនួនប្រព្រឹត្តអំពើពុករលួយ សម្ងំទទួលលាភសក្ការៈ ខ្លះៗពី ម្ចាស់ទីតាំងល្បែងសុីសងខុសច្បាប់ មួយកន្លែងនេះ រួចហើយមើលទៅ ? ទើបមាន បើកល្បែងសុីសងតាមប្រព័ន្ធ អ៊ីន ធឺណេត ទុកឲ្យក្រុមញៀនល្បែងប្រុស ស្រី ក្មេង ចាស់ ចូលលេងយ៉ាងគគ្រឹក គគ្រេង គ្មានការឬទប់ស្កាត់និងបង្រ្កាប ទាល់តែសោះ។ប្រភពដដែលបានបន្ថែម ថា ក្តីកង្វល់របស់ប្រជាពលរដ្ឋរស់ នៅសព្វថ្ងៃនេះ មានភាពភ័យ ខ្លាចយ៉ាងខ្លាំង ចំពោះសុខទុក្ខ សុវត្ថិភាព គ្រួសារ របស់ពួកគាត់់ ព្រោះថាទីណា មានល្បែង ស៊ី សង ទីនោះមិនយូរ មិនឆាប់ កើតមាននូវ អំពើចោរកម្ម និងបទល្មើសផ្សេងៗ ដូចជា លួច ឆក់ ប្លន់ជាពិសេសអំពើហិង្សា ក្នុងគ្រួសារគ្រឿងញៀនជាដើម ចមកើតចេញពីល្បែងសុីសងនេះឯង។
សារព័ត៌មានយើងខ្ញុំធ្វើការផ្សព្វផ្សាយនេះ ដើម្បីពាំនាំដំណឹងអំពីសកម្មភាពក៏ដូចព្រឹត្តិការណ៍ ក្នុងការជំរាបជូនដល់ស្ថាប័នពាក់ព័ន្ធឲ្យបានជ្រាប់!ដូច្នេះប្រជាពលរដ្ឋស្នើដល់ ឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញនិងលោក ឃួង ស្រេង អភិបាលរាជធានីភ្នំពេញ ចាត់កម្លាំងមន្ត្រីជំនាញក្រោមឱវាទចុះទប់ស្កាត់និងបង្រ្កបបុគ្គលដែលហ៊ានបើកល្បែងសុីសងខុសច្បាប់តាមប្រព័ន្ធ អ៊ីនធឺណឹត មួយកន្លែងនេះដែលស្ថិតនៅក្នុងភូមិ សាស្ត្រខាងលើនេះផង ដើម្បីពង្រឹង សន្តិសុខសង្គម។
គួររំលឹកថាកាលពីថ្ងៃទី១៨ ខែកុម្ភ:ឆ្នាំ ២០២៤ សម្ដេចមហាបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា បន្តវេនបានចេញបទបញ្ជាដល់ អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជា បន្ទាន់ លើទីតាំងបនល្បែងសុីសងគ្រប់ប្រភេទផ្សងសំណាងគ្មានការលើកលែង។ដោយឡែកអាជ្ញាធរនិងសមត្ថកិច្ចមូលដ្ឋានបណ្ដែត បណ្ដោយអោយមានល្បែង សុីសងអ៊ីនធឺណេតខុសច្បាប់ក្នុងមូល ដ្ឋានខ្លួនគ្រប់គ្រងមិនព្រមធ្វើការទប់ស្កាត់និងបង្រ្កាបអោយស្របតាមគោលនយោបាយ ភូមិ ឃុំ សង្កាត់ មានសុវត្ថិ ភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃនោះទេ៕មានត