ខេត្តព្រះសីហនុ៖ មជ្ឈដ្ឋានអ្នកច្បាប់ប្រាកដបានដឹងច្បាស់ហើយថា គោល ការណ៍នៅកម្ពុជា គេមិនតម្រូវឲ្យពលរដ្ឋ ខ្មែរចូលទៅលេងល្បែងស៊ីសងនៅក្នុង “កាសុីណូ”នោះឡើយក្នុងនោះបើពលរដ្ឋខ្មែរសុំចូលបម្រើការងារ ឬសុំច្បាប់បើកអាជីវកម្មបើក”កាស៊ីណូ”គឺជារឿងត្រឹមត្រូវ ប៉ុន្តែបើមានពល រដ្ឋខ្មែរចូលលេងល្បែងសុីសងទាំងនោះ គឺជារឿងខុសច្បាប់អនុញ្ញាត។ ដោយឡែកបុគ្គលដែលហ៊ានបើកដៃឲ្យពលរដ្ឋខ្មែរចេញចូលលេងល្បែងសុីសងគ្រប់ប្រភេទ នៅក្នុង កាស៊ីណូយីហោ”ហួយ ហ័រ”មួយកន្លែងនេះនៅក្នុងក្រុងព្រះសីហនុ ខេត្តព្រះសី ហនុ ប្រហែល មានខ្នងបង្អែករឹងមាំ ហើយ ទើបហ៊ានបើកដៃអោយពលរដ្ឋ ខ្មែចេញចូលលេងល្បែងតាមទំនើងចិត្ត! បែរជា អាជ្ញាធរនិងសមត្ថកិច្ចមូលដ្ឋាន និងគណ:កម្មការគ្រប់គ្រងល្បែងពាណិជ្ជ កម្ម កម្ពុជា “គ.ល.ក”ខេត្តព្រះសីហនុ រក្សាភាពស្ងៀមស្ងាត់ ។
ជាមួយគ្នានេះដែរ”កាសុីណូយីហោ “ហួយ ហ័រ”ក្រុងព្រះ សីហនុ ខេត្តព្រះសី ហនុ កំពុងបើកដំណើរការឲ្យពលរដ្ឋខ្មែរចូលលេងល្បែងសុីសងគ្រប់ប្រភេទ យ៉ាងពេញបន្ទុក ចូល លេងទាំងយប់ទាំងថ្ងៃតែម្តង ធ្វើអោយមហាជនរិះគន់ ដាក់ការសង្ស័យថា បើគ្មានការឃុបឃិតគ្នាជាប្រព័ន្ធ ជាមួយមន្ត្រីពាក់ព័ន្ធគ្រប់ជាន់ថ្នាក់នោះទេ!ក៏ ម្ចាស់កាសុីណូនិងបក្សពួករបស់ខ្លួនមិនអាចសាងភាពល្បីល្បាញ ខាងបើកល្បែងសុីសង គ្រប់ប្រភេទ នៅក្នុង”កាស៊ីណូ”នៅលើទឹកដី ក្រុងព្រះសីហនុ ខេត្តព្រះសីហនុ បានឡើយ។
មជ្ឈដ្ឋានខាងក្រៅនិងប្រជាពលរដ្ឋ ក្នុងក្រុងព្រះសីហនុ គេសង្កេតឃើញ ពលរដ្ឋខ្មែរ ជាច្រើននាក់ បន្តចេញចូលលេង ល្បែងគ្រប់ប្រភេទ នៅក្នុង “កាស៊ីណូយីហោ”ហួយ ហ័រ” មួយកន្លែងក្នុងក្រុងព្រះសីហនុ ខេត្តព្រះសីហនុ ពិតជាធម្មតា សូម្បីតែអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានឬគណៈ កម្មការគ្រប់គ្រងល្បែងពាណិជ្ជ កម្ម កម្ពុជា”គ.ល.ក” មិនចុះអនុវត្តទប់ស្កាត់ និងបង្ក្រាបនោះទេ។
ប្រជាពលរដ្ឋរស់នៅសព្វថ្ងៃនេះ មានការព្រួយបារម្ភ និងភាពភ័យខ្លាច យ៉ាងខ្លាំង ចំពោះសុខទុក្ខ និងសុវត្ថិភាព គ្រួសារ របស់ពួកគាត់់ព្រោះថា ទីណា មានល្បែងស៊ីសងទីនោះកើត មាននូវអំពើចោរកម្ម និងបទល្មើសផ្សេងៗ ដូចជា ចោរលួច ចោរឆក់ និងចោរប្លន់ ចោរគាស់ផ្ទះ ប្រើអំពើហិង្សាក្នុងគ្រួសារ គ្រឿងញៀនដើម ចមកើតចេញពីល្បែងស៊ីសងនេះឯង។
អង្គភាពសារព័ត៌មានយើងខ្ញុំ ធ្វើការផ្សព្វផ្សាយនេះជាសារ ដើម្បីពាំនាំដំណឹងអំពីសកម្មភាព ក៏ដូចព្រឹត្តិការណ៍ ក្នុងការជំរាបជូន ដល់ស្ថាប័នពាក់ព័ន្ធឲ្យបានជ្រាប ជុំវិញនូវករណី នេះ។ទីបញ្ចប់នេះប្រជាពលរដ្ឋ រស់នៅក្រុងព្រះសីហនុស្នើដល់ ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុនិងលោក ម៉ាង សុីណេត អភិបាល នៃគណៈអភិបាលខេត្តព្រះសី ហនុ ចាត់កម្លាំងក្រោមឱវាទ ចុះទប់ស្កាត់និងបង្រ្កាបផងទាន។ ដោយសារ”កាស៊ី ណូយីហោ”ហួយ ហ័រ”មួយកន្លែង ស្ថិតក្នុងភូមិសាស្ត្រខាងលើបើកអោយពលរដ្ឋខ្មែចេញចូលលេងល្បែងសុីសងយ៉ាងគគ្រឹកគគ្រេងផ្ទុយពីច្បាប់អនុញ្ញាតរំលោភលើគណ:កម្មការគ្រប់ គ្រងល្បែងពាណិជ្ជកម្មកម្ពុជា “គ.ល.ក” ដើម្បី ពង្រឹង សន្តិសុខ សង្គម៕
