ភ្នំពេញ៖ តាមប្រភពពីប្រជាពលរដ្ឋរស់ នៅភូមិអូរអណ្ដូង១ បានអោយដឹងថា មានទីតាំងបង្កប់លួចលាក់បើកល្បែងស៊ី សងមាន់ជល់និងឡូតូខុស ច្បាប់តាមប្រព័ន្ធអនឡាញនៅចំណុចខាងក្រោយវត្តព្រែកប្រា ស្ថិតនៅក្នុងភូមិអូរអណ្តូង១ សង្កាត់ព្រែកប្រា ខណ្ឌច្បាអំពៅ រាជធានីភ្នំពេញ ម្ចាស់ទីតាំងបើកល្បែងសុីសងមាន់ជល់និងឡូតូខុសច្បាប់មានឈ្មោះ ផា កំពុងបើកដំណើរការអោយក្រុម ញៀនល្បែងលេងយ៉ាងគគ្រឹក គគ្រេង រីឯអាជ្ញាធរនិងសមត្ថកិច្ចមូលដ្ឋានរក្សាភាពស្ងៀមស្ងាត់!បណ្ដោយអោយបុគ្គលឈ្មោះ ផា ម្ចាស់ទីតាំងល្បែងសុីសងមាន់ ជល់និងឡូតូបើកអោយក្រុមញៀនល្បែងលេងយ៉ាងពេញបន្ទុក គេមិនទាន់ឃើញសមត្ថកិច្ចនិងអាជ្ញាធរមូលដ្ឋានចុះមក ទប់ស្កាត់និងបង្រ្កាបនៅឡើយទេ! ធ្វើអោយមហាជនរិះគន់ដាក់ការសង្ស័យថាឆ្នាំងបាយរបស់អាជ្ញាធរនិងសមត្ថកិច្ចមូលដ្ឋានទេដឹង? បានជាធ្វើព្រងើយកន្តើយបែបនេះ ។
ប្រជាពលរដ្ឋរស់នៅមូលដ្ឋានខាងលើស្នើដល់លោកឃួង ស្រេង អភិបាលរាជធានីភ្នំពេញលោកឧត្តមសេនីយ៍ឯក ជួន ណា រិ្ទន ស្នងការនគរបាលរាជធានីភ្នំពេញលោក ចេង មុន្នីរ៉ា អភិបាលខណ្ឌច្បារអំពៅ និងលោកវរសេនីយ៍ឯកម៉ៅ សឿត អធិការនគរបាលខណ្ឌច្បារអំពៅ ចាត់កម្លាំងក្រោមឱវាទចុះពិនិត្យទប់ស្កាត់និងបង្រ្កាបទីតាំងខាងលើនេះអោយមានប្រសិទ្ធភាពផង ដើម្បីរក្សាសុខសុវត្ថិភាពជូនដល់ប្រជាពលរដ្ឋដែលរស់នៅក្បែរទីតាំងនោះនិងរក្សានៅពាក្យស្លោក ភូមិ ឃុំ សង្កាត់មានសុវត្ថិភាពទាំង៧ ចំណុច គ្មានអំពើ លួច ឆក់ ប្លន់និងករណីផ្សេងៗ ដែលប្រមុខរាជរដ្ឋាភិបាលដាក់ជូនឲ្យមន្ត្រីថ្នាក់ក្រោមជាតិអនុវត្តអោយមានប្រសិទ្ធភាពនោះ។
គួររំលឹកថាកាលពីថ្ងៃ ទី១៨ ខែកុម្ភៈ ឆ្នាំ ២០២៤ សម្តេចបវរធិបតីហ៊ុន ម៉ាណែត បានដាក់បទបញ្ជាឲ្យអភិបាលរាជធានីខេត្តទាំងអស់នូវទូទាំងប្រទេស ត្រួតពិនិត្យជាបន្ទាន់លើបនល្បែងសុីសងគ្រប់ប្រភេទផ្សងសំណាងនិងកន្លែងចែក ចាយ នូវប្រភេទថ្នាំ ដែលមានសារធាតុ ញៀន ខុសច្បាប់គ្រប់ប្រភេទ នូវទូទាំងប្រទេស គ្មានការលើកលែង ។ ដោយ ឡែកអាជ្ញាធរនិងសមត្ថកិច្ចមូលដ្ឋានសង្កាត់ ខណ្ឌ បណ្ដោយអោយបុគ្គលឈ្មោះ ផា បើកដំណើរការល្បែងសុីសងមាន់ជល់និងឡូតូខុសច្បាប់បើកអោយក្រុមញៀនល្បែងលេងយ៉ាងគគ្រឹក គគ្រេងមិនព្រមបង្រ្កាប៕បឋម