កំពង់ចាម៖ ប្រភពពីអ្នករកស៊ីដឹកជញ្ជូនទំនិញឆ្លងកាត់ផ្លូវជាតិលេខ៦Aតែងតែរអ៊ូរទាំអំពីករណីមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តថ្នល់ កែងនៅចំណុចភូមិជាលា ឃុំជាលា ស្រុកបាធាយ ខេត្តកំពង់ចាមថាស្ថានីយ៍ជញ្ចីងថ្លឹងរថយន្តផ្លូវជាតិលេខ៦A ប្រែក្លាយទៅជាស្ថានីយ៍ជញ្ចីងថ្លឹងលុយទាំងយប់ទាំងថ្ងៃបើទោះប្បីជារថយន្តទាំងនោះដឹកមិនលើសទម្ងន់ក៏ជៀសមិនផុតពីមន្ត្រីនៅស្ថានីយ៏ជញ្ជីងថ្លឹងររថយន្តដែលប្រចាំ ការនៅនៅនោះគាបយកតាមទំនើងចិត្ត ។
ប្រភពពីក្រុមឈ្មួញតូចធំដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្ដផ្លូវជាតិលេខ ៦Aបានឲ្យដឹងថា រថយន្ត ដឹកលេីសទម្ងន់ឬមិនលេីសទម្ងន់ប្រធានស្ថានីយ៍ជញ្ជីងថ្លឹងតម្រូវឲ្យបង់លុយតាមការ កំណត់មិនអាចតវាបានដោយ មានការបើកដៃពីសំណាក់លោក សុខ លឹម ហៀង ប្រធានមន្ទីរសាធារណការ និង ដឹកជញ្ជូនខេត្តកំពង់ចាមផងដែរទើបប្រធានស្ថានីយ៍ជញ្ជីងថ្លឹងរថយន្តហ៊ានធ្វេីអ្វីៗតាមអំពេីចិត្ត។
បើតាមប្រភពពីមន្ត្រីមន្ទីរសាធារណការនិងដឹកជញ្ជូនខេត្តកំពង់ចាម បានបង្ហើបអោយដឹងថា ដោយសារមានការឃុប ឃិតគ្នាជាប្រព័ន្ធពីថ្នាក់ដឹកនាំមន្ទីរ ទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្តនេះរកវិធីសាស្រ្តគ្រប់បែបយ៉ាងដើម្បីប្រមូលលុយឲ្យបានច្រើន ពីព្រោះវាជាមុខមាត់របស់ស្ថានីយ៍ជញ្ជីងថ្លឹងរថយន្ត ផងនិងមានចំណូលដាក់ក្នុងហោ ប៉ៅ ចែកគ្នាធ្វើមានធ្វើបានយ៉ាងសុខស្រួល ផង។ ក្រុមអ្នកបើក រថយន្តភាគច្រើនបានព្យាយាមបើកគេចវាងតាមផ្លូវផ្សេងព្រោះតែមន្ត្រីនៅប្រចាំការនៅស្ថានីយ៍ជញ្ជីងថ្លឹងរថយន្តមួយកន្លែងនេះទារ លុយច្រើនៗពេកបើទោះប្បីជាមានការលើសទម្ងន់បន្តិចបន្តួចក៏ដោយ។
ជាងនេះទៅទៀតបើរថយន្តដឹកមិនលើសទម្ងន់ក៏មិនត្រូវហាមាត់លូកដៃសុំលុយថ្លៃបាយទឹកកាហ្វេប្រចាំថ្ងៃ ព្រោះអ្នករកស៊ីដឹកទំនិញទទួលស្គាល់ថា ការ ដឹកជញ្ជូនអាចមានលើសទម្ងន់បន្តិចបន្តួច ប៉ុន្តែមិនអាចលើសដល់ថ្នាក់រាប់តោននោះទេ ។រីឯពួកមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តបន់ឲ្យតែមានរថយន្តដឹកលើសទម្ងន់ដើម្បីសង្កត់ កយកលុយតែប៉ុណ្ណោះ។បញ្ហាពួកមន្ត្រីនៅស្ថានីយ៍ជញ្ជីងថ្លឹងរថយន្តនៅទីនេះពិតជាបង្កឲ្យមានការក្តៅ ក្រហាយដល់អ្នករកស៊ីដឹកជញ្ជូនទំនិញនានាពិសេសពួកអ្នកដឹកទំនិញមួយចំនួនឆ្លៀតឱកាសវាងផ្លូវ ដែលបណ្ដាលឲ្យផ្លូវដ៍ទៃទៀតនឹងស្ពានខូចខាតជាបន្ដបន្ទាប់។
បញ្ហានេះហើយក្រុមអ្នកបើកបររថយន្តនឹងឈ្មួញរកសុីដឹកជញ្ជូនទំនិញតូចធំសូមស្នើដល់លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូននិងលោក សេង ឈួន រដ្ឋលេខាធិការក្រសួងសាធារណៈការនិងដឹកជញ្ជូននិងជានុប្រធានគណៈកម្មការសម្របសម្រួលស្ថានីយ៍ជញ្ជីងថ្លឹងរថយន្តចល័តទូទាំងប្រទេស រួមនឹងលោក អ៊ុន ចាន់ដា អភិបាលខេត្តកំពង់ចាម ជាពិសេសលោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ប្តេជ្ញាលុបបំបាត់អំពើពុករលួយតាមដងផ្លូវនោះ មិនគួរបណ្ដែតបណ្ដោយឲ្យប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ ៦Aនិងបក្សពួកនៅភូមិសាស្រ្តខាងលើប្រែក្លាយទៅជាជញ្ជីងថ្លឹងលុយទាំងយប់ទាំងថ្ងៃតាម អំពើចិត្តតទៅទៀតបានឡើយ ៕