ខេត្តកំពត ៖ ប្រភពពីឈ្មួញតូចតាចក៍ដូចជាប្រជាពលរដ្ឋរស់នៅក្បែរតំបន់ច្រកទ្វារព្រំដែនអន្តរជាតិព្រែកចាកក្នុងស្រុកកំពង់ត្រាច ខេត្តកំពត ដែលដឹក ទំទិញតាមម៉ូតូបន្តិចបន្តួច បានសម្តែងនូវការមិនពេញចិត្តចំពោះមន្ត្រីគយចល័ត.លក ដែលបានប្រេីជនសុីវិល ទារលុយតាមទំនើងចិត្តធ្វើឱ្យប៉ះពាល់ដល់សតិអារម្មណ៍និងចំណូលសម្រាប់ផ្គត់ផ្គង់ជីវភាពគ្រួសារផងដែរ។ពលរដ្ឋបានស្នើដល់អាជ្ញាធរខេត្តកំពតនិងលោក ជួប ចំរេីន ប្រធានសាខាគយនិងរដ្ឋាករខេត្តកំពតជួយពិនិត្យនិងដោះស្រាយធ្វើយ៉ាងណាឱ្យគយចល័ត.លក បន្ធូរបន្ថយការទារលុយដល់ពួក គាត់ ផង។
ប្រជាពលរដ្ឋរស់នៅឃុំឫស្សីស្រុកខាង លិច ស្រុកំពង់ត្រាច ខេត្តកំពត បានឱ្យដឹងថា សម្រាប់ប្រជាពលរដ្ឋដែលរស់ នៅក្បែរតំបន់ព្រំដែនសេដ្ឋកិច្ចគ្រួសារត្រូវពឹងផ្អែកទាំងស្រុងទៅលើការងារ ដឹកទំនិញលក់ដូរទំនិញបន្តិចបន្តួចពីប្រទេសវៀតណាម មានដូចជា ដឹកអយ ស្ទ័រ បង្គារ និងមឹក ជាដើម យកទៅលក់នៅខេត្តកែបនិងខេត្តកំពតហើយអ្នកខ្លះទៀតពឹងលើការងារស៊ីឈ្នួលដឹកជញ្ជូនទំនិញឱ្យគេប៉ុណ្ណោះ។
ជាទូទៅមួយថ្ងៃអាចដឹកបាន ១ ជើង ឬ ២ជើងទៅតាមការគុម្មង់របស់ម៉ូយតិច ឬច្រើន កាលពីមុន ការដឹកទំនិញពីច្រកទ្វារព្រំដែនអន្តរជាតិព្រែកចាក មេគយចល័ត.លក ជំនាន់មុន មិនបានយកពន្ធ លើទំនិញដឹកតាមម៉ូតូនោះទេ? ប៉ុន្តែមក ដល់ពេលផ្លាស់ប្តូរ មេនាយកដ្ឋានគយបង្ការនិងបង្ក្រាបនៃអគ្គនាយកដ្ឋានគយនិងរដ្ឋាករកម្ពុជា លោក នូ សុីថា ពេល នោះតម្រូវអោយបង់ពន្ធហើយដាក់ជន សុីវិលគាបយកលុយដោយសេរី! ក្នុងនោះមួយថ្ងៃពលរដ្ឋស៊ីឈ្នួលដឹកទំនិញតាមម៉ូតូអាចរកកម្រៃឈ្នួលបានចន្លោះពី ៥ម៉ឺនរៀល ទៅ ៧ម៉ឺនរៀល ខណៈដែលអ្នកដឹក ទំនិញយកមកលក់បន្តបានចំណេញច្រើនជាងនេះ។ ប៉ុន្តែរយៈពេលពីរបីខែកន្លងមកនេះ ក្រោយពេលមានការផ្លាស់ប្តូរមេគយចល័ត មន្ត្រីគយចល័ត.លក បានចាប់ផ្តើមយកលុយខ្ពស់តែម្តង ដោយរាប់កេសយកលុយ ក្នុង១កេសធំ ១ម៉ឺនរៀល កេសតូច ៥ ពាន់រៀល ដែលបានធ្វើឱ្យចំណូលពួកគាត់បានធ្លាក់ចុះ សល់ត្រឹមតែ២ ទៅ ៣ម៉ឺនរៀលក្នុងមួយថ្ងៃ ដែលបង្កផលពិបាកដល់ការផ្គត់ផ្គង់ជីវភាពរស់នៅប្រចាំថ្ងៃ ពិសេសការចំណាយទៅលើការសិក្សារៀនសូត្ររបស់កូនៗពួកគាត់។
ប្រជាពលរដ្ឋបានធ្វើស្នើដល់អាជ្ញាធរខេត្ត ពិសេសប្រធានសាខាគយ និងរដ្ឋករខេត្តកំពត ជួយពិនិត្យ និងដោះស្រាយធ្វើយ៉ាងណាឱ្យគយចល័ត.លក បន្ធូរបន្ថយការយកពន្ធ កុំឱ្យខ្ពស់ហួស ហេតុពេក។បច្ចុប្បន្ន អ្នកដឹកទំនិញតាមម៉ូតូ ទាំងយកទៅលក់បន្ត និងស៊ីឈ្នួល ដឹកឱ្យគេ ពេលដឹកមួយជើងតម្រូវអោយ បង់ពន្ធឱ្យគយចល័ត.លក ប៉ុន្តែការបង់ពន្ធនោះមិនមានចេញលិខិតស្នាមឬ វិក្ក័យបត្របញ្ជាក់ណាមួយអោយបានច្បាស់លាស់នោះឡើយ ហើយក៏គ្មានការកត់ត្រាបរិមាណទំនិញជាក់លាក់នោះដែរ។ ប្រជាពលរដ្ឋដែលដឹកទំទិញតាមម៉ូតូបានបញ្ជាក់ថា ចំពោះនគរបាលនិងសមត្ថកិច្ចគយដែលប្រចាំការនៅច្រកទ្វារអន្តរជាតិព្រែកចាក ពុំដែលទាម ទារឱ្យបង់ពន្ធទេសម្រាប់ពួកគាត់ដែល ដឹកតាមម៉ូតូមានតែការជួយសម្រួល ហើយអ្វីដែលពិបាកជាងគេ គឺ គយចល័ត. លក ដែលប្រើជនសុីវិលគាប យកលុយ។
ពាក់ព័ន្ធព័ត៌មាននឹងការលើក ឡើងរបស់ប្រជាពលរដ្ឋខាងលើ អំពីការយកពន្ធរបស់មន្ត្រីគយចល័យ.លក ប្រើជនស៊ីវិលយកលុយតាមទំនើងចិត្តនេះគេហទំព័រ (www.enn- tv.com)យើងខ្ញុំមិនអាចសុំការពន្យល់បកស្រាយពីលោកមេគយចល័ត.លក បាននៅឡើយទេ!ព្រោះគ្មានលេខទូរស័ព្ទ។បឋម
