កណ្ដាល ៖ ប្រភពពីក្រុមឈ្មួញ និងអាជីវករដឹកទំនិញឆ្លងកាត់ស្ថានីយ៍ជញ្ជីងថ្លឹងរថយន្ដផ្លូវជាតិលេខ៤ ស្រុកអង្គស្នួល បានបញ្ជាក់អោយយេីងដឹងថា សព្វថ្ងៃនេះប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៤ស្រុកអង្គស្នួល កំពុងសប្បាយចិត្តប្រមូលលុយចែកគ្នា ធ្វើមានធ្វើបាន យ៉ាងសុខស្រួល បើទោះបីរថយន្តធំៗទាំងនោះផ្ទុកលើសទម្ងន់ឬមិនលើសទម្ងន់នៅតែជៀសមិនផុតនៃការបង់លុយអោយក្រុមមន្រ្តីប្រចាំការស្ថានីយ៍ជញ្ជីងថ្លឹងរថយន្តផ្លូវជាតិលេខ ៤ ស្រុកអង្គស្នួលខេត្តកណ្តាលទាំងយប់ទាំងថ្ងៃ ចំណែក លោក ប៉េង ពោធិ៍នា រដ្ឋមន្ត្រីក្រសួងសាធារណៈការនិងដឹកជញ្ជូន និងលោក សេង ឈួន មេស្ថានីយ៍ ជញ្ជីងថ្លឹងរថយន្តទូទាំងប្រទេសបែរជាធ្វើមិន ដឹងមិនឮ អ្វីទាំងអស់។
ក្រុមអាជីវករតូច ធំ ដែលដឹកជញ្ជូន ដែក.ខ្សាច់.ថ្ម និងទំនិញផ្សេងៗឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ ៤ ស្រុកអង្គស្នួល បានឲ្យដឹងថា ពួកគេផ្ទុកលើសទម្ងន់ឬមិនលើសទម្ងន់យ៉ាង ណាក៏ដោយ ក៏ត្រូវតែបង់លុយតាមការ កំណត់របស់ប្រធានក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ ៤ស្រុកអង្គស្នួល ខេត្តកណ្តាល មិនអាចតវ៉ាបាន។ មេឈ្មួញនិងអាជីវករមួយចំនួនបានបន្ថែមទៀតថា ពួកគាត់ដឹកជញ្ជូនទំនិញ ឬកសិផលផ្សេងៗ ចេញពីទីក្រុងភ្នំពេញ ឆ្ពោះទៅបណ្ដាលខេត្តនានា ឆ្លងកាត់ស្ថានីយ៍ជញ្ជីងថ្លឹងរថយន្តស្រុកអង្គស្នួល ខេត្តកណ្ដាលដោយគោរពតាមច្បាប់កំណត់ក៏នៅតែចៀសមិនផុតពីបង់លុយឲ្យក្រុមមន្ត្រីពុករលួយ និងបក្សពួកប្រចាំស្ថានីយ៍ជញ្ជីងថ្លឹងរថយន្តនៅទីនោះដែរ ។
ហេតុនេះហើយទើបឈ្មួញនិងអាជីវករស្នើដល់លោក គួច ចំរើន អភិបាលខេត្តកណ្ដាល ទើបតែងតាំងថ្មីៗនិងលោក ប៉េង ពោធិ៍នា រដ្ឋមន្ត្រីក្រសួងសាធារណ ការនិងដឹកជញ្ជូនគួរមានវិធានការទប់ស្កាត់និងបង្ក្រាបអំពើពុករលួយរបស់ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៤ ស្រុកអង្គស្នួលខេត្តកណ្តាលនិងក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តខាងលើជាបន្ទាន់ផង ។
ប្រភពពីមន្ត្រីក្នុងមន្ទីរសាធារណការនិងដឹកជញ្ជូនខេត្តកណ្ដាល បានឲ្យដឹងថា ការដែលក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ៤ស្រុកអង្គស្នួល គាបយកលុយពីឈ្មួញនិងអាជីវករតាមអំពើចិត្តដោយ មានការឃុបឃិតបើកដៃពីមន្ត្រី ធំៗ នៅខាងលើផងដែរ។ ជាការពិតអាជីវករនិងពួកឈ្មួញមួយចំនួនបានប្រើប្រាស់រថយន្តវ៉េអងធំៗ រថយន្តសណ្ដោងកន្ទុយសណ្ដោងរ៉ឺម៉កផ្ទុកទំនិញលើសទម្ងន់ បើកបរឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ ៤ ស្រុកអង្គស្នួល ដោយគ្មានការព្រួយ បារម្ភនៃការផ្ទុកនោះទេ។ផ្ទុយទៅវិញមន្ត្រីទាំងនោះគ្រាន់តែតម្រូវឲ្យម្ចាស់រថយន្ត ខ្នាចធំ ដឹកជញ្ជូនទំនិញលើសទម្ងន់បង់លុយតាមការកំណត់ របស់លោកប្រធានស្ថានីយ៍ជញ្ជីងថ្លឹងរថយន្តនៅចំណុចនោះជាការស្រេចដោយមិនខ្វល់ ពីរឿងរថយន្តទាំងនោះធ្វើឲ្យខូចផ្លូវខូចស្ពាននោះឡើយ។
ប្រភពពីប្រជាពលរដ្ឋរស់នៅ ស្រុកអង្គស្នួល ខេត្តកណ្តាល បានឲ្យដឹងទៀតថា ពេលរថយន្តធំៗ ដឹកទំនិញលើសទម្ងន់បើកបរឆ្លងកាត់មុខស្ថានីយ៍ជញ្ជីងថ្លឹងរថយន្តផ្លូវជាតិលេខ៤ស្រុកអង្គស្នួល ខេត្តកណ្តាល គេតែងសង្កេត ឃើញព្រូរថយន្តឬអ្នកបើកបរ រថយន្ត រត់ឆ្លងថ្នល់យ៉ាងប្រសេចប្រសាចទៅបបង់លុយអោយប្រធានក្រុមស្ថានីយ៍ជញ្ជីងថ្លឹងរថយន្តនឹងក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ៤ស្រុកអង្គស្នួល តាមការកំណត់ដោយមិនអាចតវ៉ាបាននោះទេ។ប្រសិនបើឈ្មួញឬអាជីវករណាម្នាក់ហ៊ានតវ៉ាប្រាកដជាត្រូវក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ៤ក្នុងស្រុកអង្គស្នួល ខេត្តកណ្តាល រករឿងឲ្យរើទំនិញចុះឡើតាមទំនេីងចិត្ត របស់ពួកគេជាមិនខាន់ឡើយ ។ហេតុនេះហើយទើបរថយន្តធំៗ ដឹកជញ្ជូនទំនិញលើសទម្ងន់រាប់តោនហូរហៀរខុសលក្ខណៈបច្ចេកទេស នៅតែអាចបើកបរលើផ្លូវជាតិលេខ ៤ យ៉ាងគគ្រឹកគគ្រេង បណ្ដោលឲ្យខូចផ្លូវខូចស្ពានជាបន្តបន្ទាប់ ។
បញ្ហានេះដែលលោក ប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូន និង លោក សេង ឈួន ប្រធានស្ថានីយ៍ ជញ្ជីងថ្លឹងទូទាំងប្រទេស និងលោក មុឹង យូឡេង ប្រធានមន្ទីរសាធារណការនិងដឹកជញ្ជូនខេត្តកណ្តាល មិនគួរមើលរំលងតទៅទៀតនោះទេ ព្រោះថាក្រុមស្ថានីយ៍ជញ្ជីងថ្លឹងរថយន្តលើ ផ្លូវជាតិលេខ៤ស្រុកអង្គស្នួល កំពុងប្រែក្លាយទៅជាជញ្ជីងថ្លឹងលុយទាំងយប់ទាំងថ្ងៃ ប្រព្រឹត្តអំពើពុករលួយមិនញញើតអង្គភាពប្រឆាំងអំពើពុករលួយនោះឡើយ ៕បឋម
