ភ្នំពេញ ៖ ទីតាំងមេឆ្នោតវៀតណាមខុសច្បាប់មួយកន្លែងនេះ បើកដំណើរការលេងដុះស្លែជ្រកក្រោមស្លាក”លីហួរ” វេលុយ.ដាក់លុយ.ដកលុយ អាសយ ដ្ឋាន:ផ្ទះលេខ៣៤ ផ្លូវលេខ១៦៤ សង្កាត់ផ្សារអូរឬស្សីទី៣ ខណ្ឌ៧មករា បើកអោយក្រុមញៀនល្បែងឆ្នោតវៀតណាមចេញចូលចាក់កត់ភ្នាល់យ៉ាងគគ្រឹក គគ្រេង មិនទាន់ឃើញអាជ្ញាធរនិងសមត្ថ កិច្ចមូលដ្ឋានចាត់កម្លាំងក្រោមឱវាទចុះធ្វើការទប់ស្កាត់និងបង្រ្កាបនៅឡើយទេ!។ពលរដ្ឋរងចាំមើលកណ្ដាប់ដៃលោក ថេង សុថុល ចៅហ្វាយ ខណ្ឌ៧មករានិងលោកវរសេនីយ៍ឯក នេត សុីថុន អធិការខណ្ឌ៧មករា ហ៊ានបង្ក្រាបមេឆ្នោតវៀតណាមឈ្មោះ”ចែលីហៅអាលី” អាស័យដ្ឋាន:ផ្ទះលេខ៣៤ផ្លូវលេខ១៦៤ សង្កាត់អូរឬស្សីទី៣ ខណ្ឌ៧មករា ដែរឬ? ជៀសវាងពលរដ្ឋរិះគន់ដាក់ការ សង្ស័យថាអាជ្ញាធរនិងសមត្ថកិច្ចមូល ដ្ឋានមានហ៊ុន ហយ ជាមួយមេឆ្នោត វៀតណាម មួយនេះទេដឹង? បានជាមិនព្រមបង្រ្កាប តាមបទបញ្ជានាយករដ្ឋមន្ត្រី ហ៊ុន ម៉ាណែត ។
ប្រភពបានបន្តអោយដឹងថា មេឆ្នោត វៀតណាម ខុសច្បាប់ ជ្រកក្រោមស្លាក “លីហួរ”វេលុយ.ដាក់លុយ.ដកលុយ. ឈ្មោះ (ចែលីហៅអាលី) បើកឆ្នោតវៀត ណាមដុះស្លែប្រចាំ អូរឬស្សីឌឿងហែម បើកអោយក្រុមញៀនល្បែងចេញចូលចាក់កត់ភ្នាល់ដោយសេរី គ្មានការលាក់ លៀមអ្វីនោះទេ។ ប្រភពពីក្រុមញៀនល្បែងចេញចូលចាក់កត់ឆ្នោតវៀត ណាមបានបង្ហើបអោយដឹងថា បុគ្គលឈ្មោះ (ចែលីហៅអាលី) បានអួតអាងប្រាប់ក្រុមញៀនល្បែង ខ្លួនរត់ការបង់ សួយសារជូនអាជ្ញាធរនិងសមត្ថកិច្ចមូល ដ្ឋានពាក់ព័ន្ធរួចរាល់អស់ហើយ ? ទើបហ៊ានបើកឆ្នោតវៀតណាម និងឆ្នោតផ្សេងៗទៀតដំណើរការបានដោយរលូន មកដល់សព្វថ្ងៃនេះ!។
បើទោះបីមានបទបញ្ជាថ្នាក់ព្រះឥន្រ្ទក៍ទីតាំងមួយឆ្នោតវៀតណាមមួយកន្លែងនេះនៅតែបន្តបើកដំណើរការអោយក្រុមញៀនល្បែងលេងដោយរលូនដដែល រីឯអាជ្ញាធរនិងសមត្ថកិច្ចមូល ដ្ឋាន រក្សាភាពស្ងៀមស្ងាត់ មិនអើពើហាក់ត្រូវថ្នាំសណ្ដំបុគ្គលឈ្មោះ (ចែលី ហៅអាលី) ម្ចាស់ទីតាំងមេឆ្នោតវៀត ណាមដ៍ធំ ដុះស្លែប្រចាំ សង្កាត់អូរឬស្សី ទី៣ ខណ្ឌ៧មករា ។
គួរបញ្ជាក់ថា កាលពីថ្ងៃទី១៨ ខែកុម្ភ:ឆ្នាំ ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា បន្តវេនបានចេញបទបញ្ជាដល់ អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជាបន្ទាន់ លើទីតាំងបនល្បែងសុីសងខុសច្បាប់គ្រប់ប្រភេទផ្សងសំណាងទាំងអស់គ្មានការលើកលែង។ ដោយឡែកមេឆ្នោត វៀតណាមឈ្មោះ(ចែលីហៅអាលី) អាស័យដ្ឋាន:ផ្ទះ ៣៤ផ្លូវលេខ១៦៤ សង្កាត់អូរឬស្សីទី៣.ខណ្ឌ៧មករា នៅតែបន្តបើកដំណើរការអោយក្រុម ញៀនល្បែងចេញចូលលេងចាក់កត់ភ្នាល់យ៉ាងគឃ្លើនផ្គើនទៅនឹងបទបញ្ជានាយករដ្ឋមន្រ្តី ហ៊ុន ម៉ាណែត ! រីឯ អាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់! មិនព្រមទប់ស្កាត់និងបង្ក្រាបអោយស្របតាមពាក្យស្លោក គោលនយោបាយ ភូមិ ឃុំ សង្កាត់ មានសុវត្ថិភាពទាំង៧ ចំណុចដែលរាជរដ្ឋាភិ បាលបានដាក់ចេញដោយក្រសួងមហា ផៃ្ទ ដែលបានដាក់អោយថ្នាក់ក្រោមជាតិអនុវត្តដើម្បីសុខសុវត្ថិភាពប្រជាពលរដ្ឋ នោះទេ។
ប្រជាពលរដ្ឋរស់នៅក្បែរទីតាំងមេឆ្នោត វៀតណាមបានស្នើដល់លោកនាយឧត្តមសេនីយ៍ ស ថេត អគ្គស្នងការនគរបាលជាតិ មេត្តាចាត់មន្ត្រីក្រោមចុះពិនិត្យទប់ស្កាត់និងបង្រ្កាបទីតាំងភូមិសាស្រ្តខាង លើនេះផងទានដើម្បីអោយស្របតាម គោល នយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុច។ ជាហេតុថាល្បែងសុីសងបង្កភាពអសន្តិសុខ សង្គមនិងអំពើចោរកម្មចោរលួច.ចោរឆក់.ចោរ ប្លន់.ចោរគាស់ផ្ទះ.គ្រឿងញៀននិងប្រើអំពើហឹង្សាក្នុងគ្រួសារដើមចមកើតចេញពីល្បែងសុីសងនេះឯង ។
ដូច្នេះទើបប្រជាពលរដ្ឋរស់នៅមូលដ្ឋានខាងលើស្នើដល់ លោក ឃួង ស្រេង អភិបាល រាជធានីភ្នំពេញលោកឧត្តមសេនីយ៍ឯក ជួន ណារិន្ទ ស្នងការនគរ បាលរាជធានីភ្នំពេញ និងលោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ មេត្តាចាត់កម្លាំងជំនាញក្រោមឱវាទចុះពិនិត្យទប់ស្កាត់និងបង្រ្កាប មេល្បែងសុីសងឆ្នោត វៀតណាមឈ្មោះ(ចែលីហៅអាលី)ដែលមានអាសយដ្ឋាន:ផ្ទះលេខ ៣៤ ផ្លូវលេខ ១៦៤ សង្កាត់អូរឬស្សីទី៣ ខណ្ឌ៧ មករា អោយមានប្រសិទ្ធភាពផងទាន!៕មានត