ខេត្តកណ្តាល៖ តាមប្រភពសេចក្តីរាយការណ៍ពីប្រជាពលរដ្ឋរស់នៅឃុំសណ្ដាន់ បានអោយដឹងថា សង្វៀនជល់មាន់និងអាប៉ោងខុសច្បាប់ មួយកន្លែងនៅត្រង់ចំណុចផ្ទះឈ្មោះ “ជួរ” រស់នៅភូមិសង្គម ឃុំសណ្ដាន់ ស្រុកសំបូរ ខេត្ត ក្រចេះ បើកដំណើរការអោយក្រុមញៀនល្បែងលេងយ៉ាងគគ្រឹកគគ្រេង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនឃើញទាន់ចាត់កម្លាំងជំនាញទៅទប់ស្កាត់និងបង្រ្កាបនៅឡើយទេ។
បើតាមប្រភពបានបង្ហើបថា ទីតាំងសង្វៀនជល់មាន់និងអាប៉ោងខុសច្បាប់ នេះនៅចំណុចផ្ទះឈ្មោះ”ជួរ” ស្ថិតនៅក្នុងឃុំសណ្ដាន់ ស្រុកសំបូរ ខេត្តក្រចេះ កំពុងតែបើកដំណើរការអោយក្រុម ញៀនល្បែងលេងយ៉ាងពេញបន្ទុក រាល់ថ្ងៃតែម្តង គេមិនដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះ ទប់ស្កាត់និងបង្រ្កាបនោះទេ! ធ្វើអោយពលរដ្ឋដាក់សង្ស័យថា ទីតាំងបនល្បែងមួយកន្លែងនេះ ជាឆ្នាំងបាយ របស់អាជ្ញាធរនិងសមត្ថកិច្ចមូលដ្ឋានទាំងអស់នោះផងក៏មិនដឹង?។
ប្រភពបន្តអោយដឹងថា សង្វៀនជល់មាន់និងអាប៉ោងខុសច្បាប់ មួយកន្លែងដែលមានទីតាំងខាងលើ កំពុងបន្តបើកអោយក្រុមញៀនល្បែងចូលលេងភ្នាល់ដាក់ លុយចាញ់ឈ្នះ រាប់លានរៀល រាប់ពាន់ដុល្លារ ឯណ្ណោះ ហើយនាំគ្នាស្រែកហ៊ោ កញ្ជ្រៀវ យ៉ាងសប្បាយ បង្កការភ្ញាក់ផ្អើដល់ប្រជាពលរដ្ឋរស់នៅក្បែរៗនោះ មានការភ័យខ្លាចនិងព្រួយបារម្ភបញ្ហា អសន្តិ សុខ សង្គមនិងអំពើចោរកម្ម.ចោរលួច. ចោរឆក់. ចោរប្លន់.ចោរគាស់ផ្ទះ គ្រឿង ញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះឯង។
ប្រជាពលរដ្ឋក្នុងមូលដ្ឋានខាងលើបានលើកឡើងថា ឯណាទៅគោលនយោ បាយ ភូមិ.ឃុំ. សង្កាត់.មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួង មហាផ្ទៃ ដើម្បីដាក់អោយមន្ត្រីថ្នាក់ក្រោមជាតិអនុវត្ត ទប់ស្កាត់និងបង្ក្រាបបនល្បែងសុីសងមានប្រសិទ្ធនោះ?។
ដូច្នេះហើយទើបប្រជាពលរដ្ឋ ស្នើដល់ឧត្តមសេនីយ៍ទោ អ៊ូ សុបុណ្ណា ស្នងការនគរបាលខេត្តក្រចេះ .លោក វ៉ា ថន អភិបាលនៃគណៈអភិបាលខេត្តក្រចេះនិងលោកឧត្តមសេនីយ៍ត្រី សាក់ សារាំង មេបញ្ជាការកងរាជអាវុធហត្ថខេត្តក្រ ចេះ ចាត់កម្លាំងមន្រ្តីជំនាញក្រោមឱវាទចុះទប់ស្កាត់និងបង្រ្កាប បុគ្គលម្ចាស់សង្វៀនជល់មាន់និងអាប៉ោងខុសច្បាប់ មួយកន្លែងនៅត្រង់ចំណុចផ្ទះ ឈ្មោះ “ជួរ” ក្នុងភូមិសាស្ត្រខាងលើអោយមានប្រសិទ្ធស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ។
គួររំលឹកថាកាលពីថ្ងៃទី១៨ខែកុម្ភ:ឆ្នាំ ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា បន្តវេនបានចេញបទបញ្ជាដល់អភិបាលរាជធានីខេត្តនូវទូទាំងប្រទេសត្រួត ពិនិត្យជាបន្ទាន់លើទីតាំងល្បែងសុីសងគ្រប់ប្រភេទផ្សងសំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចមូល ដ្ឋាន ភូមិសង្គម ឃុំសណ្ដាន់ ស្រុកសំបូរ ខេត្តក្រចេះ បណ្តែត បណ្តោយអោយមានល្បែងសុីសងជល់មាន់និងអាប៉ោងខុសច្បាប់និងល្បែងជាច្រើនប្រភេទទៀតបើកដំណើរការអោយក្រុមញៀនល្បែងលេងយ៉ាងគគ្រឹកគគ្រេង មិនព្រមធ្វើការ ទប់ស្កាត់និងបង្រ្កាបល្បែងអោយស្របតាមគោលនយោបាយភូមិឃុំសង្កាត់មានសុវត្ថិភាពទាំ៧ចំណុចដែលរាជរដ្ឋាភិ បាលបានដាក់ចេញដោយក្រសួងមហា ផ្ទៃនោះទេ៕មានត