ខេត្តរតនគិរី ៖ ឈើប្រណិតដឹកតាមម៉ូតូយកទៅលក់នៅប្រទេសវៀតណាមតាមច្រកល្បៀងពាម អូរសាថី និងច្រកល្បៀងអូសាថី ស្ថិតក្នុងភូមិតាំងលោម ឃុំញ៉ាង ស្រុកអណ្តូងមាស ខេត្តរតនគិរី។
កាលពីថ្ងៃទី២៥ ខែសីហា ឆ្នាំ២០១៥ អ្នកសារពត៌មានប្រចាំខេត្តរតនគិរីបានចុះទៅផ្តិតរូបភាពក៏បានឃើញសកម្មភាពដឹកឈើប្រណិត៥០ទៅ៦០ម៉ូតូក្នុងមួយថ្ងៃៗ សមត្ថកិច្ចជំនាញកំពុងដាក់កុងត្រូលជជុះចាំជាច្រើនកន្លែងដូចជាប៉ូលិសសេដ្ឋកិច្ចខេត្ត អង្គការអភិរក្សការពារបរិស្ថាន មន្ត្រីកងរាជអាវុធហត្ថ ដាក់ពង្រាយគ្នាដូចខ្ចងចាំយកលុយក្នុង១ម៉ូតូ១ម៉ឺនរៀល។
បើតាមការអោយដឹងពីឈ្មួញរកស៊ីដឹកឈើទៅលក់នៅប្រទេសវៀតណាមនោះថា សមត្ថកិច្ចគ្រប់ស្ថាប័នបានដាក់កុងត្រូលចងអង្រឹងដេកតាមដងផ្លូវជាច្រើនកន្លែងចាំយកលុយពីឈ្មួញបទល្មើសព្រៃឈើយ៉ាងរលួនចំពោះម៉ូតូណាមិនចូលបង់អោយហើយមិនបានប្រាប់ពួកគេនិងផាក់ពិន័យម៉ូតូ១គ្រឿងចំនួន២០ម៉ឺនរៀលឯណោះ។
ប្រជាពលរដ្ឋនៅឃុំញ៉ាង បានរិៈគន់ថា ក្នុង១ថ្ងៃៗឈ្មួញរកស៊ីបទល្មើសព្រៃឈើគ្មានអាជ្ញាធរណាឫមន្ត្រីជំនាញណាបង្ក្រាបឡើយ ពួកគាត់ឃើញតែមន្ត្រីទាំងនោះចង់អង្រឹងដេកចាំតែយកលុយតែប៉ុណ្ណោះ។ ហេតុដូច្នេះសូមឯកឧត្តមគណៈបញ្ជាការខេត្តនិង ឯកឧត្តមឆេង គឹមស៊ុន ប្រតិភូរាជរដ្ឋាភិបាលទទួលបន្ទុកព្រៃឈើមេត្តាចាត់វិធានការមន្ត្រីទាំងនេះផង៕
គឹម នឿន
