ខេត្តក្រចេះ៖ បើគិតមកដល់ពេលនេះអស់រយ:ច្រើនឆ្នាំមកហើយពីស្រ្តីជើងខ្លាំងម្នាក់អតីតមេឈ្មួញឈើនៅភូមិភាគប៉ែកឥសាន្តដែលគេស្គាល់ឈ្មោះ ចែ មុំ រហស្សនាមចែស្បែកជើងហោះដែលសព្វថ្ងៃនេះកំពុងសប្បាយចិត្តរីកថ្លើមក្នុងការបំផ្លិចបំផ្លាញសម្បត្តិធនធានធម្មជាតិដំណាក់កាលចុង ក្រោយបាន គៀងគរប្រមូលទិញធ្យូងនៅតាមបណ្ដាស្រុករួចបន្តសកម្មភាពដឹកជញ្ជូនតាម រយ:រថយន្តតូច ធំ ទៅប្រទេសវៀត ណាមតាមច្រកជាយឃ្លាំងដោយរលូន!មិនរំខានដល់អាជ្ញាធរសមត្ថកិច្ចមន្រ្តីជំនាញគ្រប់លំដាប់ថ្នាក់ប្រចាំច្រកនិងប៉ុស្តិ៍តាមគោលដៅនោះឡើយ គឺអស់ លោកខាងលើបាននាំគ្នារក្សាភាពស្ងៀមស្ងាត់!ដោយមិនខ្វល់ខ្វាយពីកាតព្វកិច្ចនិងតួនាទីនោះឡើយ។
សព្វថ្ងៃនេះគឺឈ្មួញរកសុីដឹកធ្យូងដែលមានឥទ្ធិពលនៅជួរលំដាប់ទី១នៅក្នុងទឹកដីស្រុស្នួល ខេត្តក្រចេះទាំងសមត្ថកិច្ចនិងប្រជាពលរដ្ឋន៎ណាក៍គេបានដឹងបានស្គាល់ដែរឈ្មោះ ថែ មុំ រួមសហការគ្នានិងលោក ថៃ គា មួយអាងអំណាចខ្លួនជាមន្រ្តីយោធានិងម្នាក់ទៀតអាងស្វាមីជាមន្រ្តីកងរាជអាវុធហត្ថនិងជាប្រធានស្នាក់ការសន្តិសុខ៧០៩ ប្រចាំ ឃុំក្រញូង សែនជ័យស្រុកស្នួល ខេត្តក្រចេះ។ ការចាប់ដៃគ្នានេះធ្វើឡើងធ្វើអោយមតិមហា ជននៅតាមតុកាហ្វេលាន់មាត់ថាសម្បត្តិធនធានធម្មជាតិដំណាក់ការចុងក្រោយនេះត្រូវរលាយហិនហោចក្នុងពេលឆាប់ ៗនេះជាក់ជាមិនខានពិព្រោះថាបើខ្មោចស្រុកអោយដៃទើបខ្មោចព្រៃហ៊ានធ្វើអ្វីៗតាមតែអំពើចិត្តគ្មានមន្តគ្រូបាចារ្យណា មកបង្រ្កាបបានឡើយ។ដូច្នេះហើយបានទំនួញធ្យូងឆ្លងដែនរបស់លោក ថៃ គា និង ចែ មុំ ដឹកជញ្ជូនតាមរថយន្តធំៗបានយ៉ាងរលូន!មិនបង្កការរំខាដល់សមត្ថកិច្ចនិងជំនាញទាល់តែសោះ!កាលពីមុនលោក ថៃ គា និង ចែ មុំរហស្សនាមស្បែកជើងហោះ គឺដឹកជញ្ជូនធ្យូងតាមរថយន្តសាំយ៉ុងកែឆ្នៃ៤ ទៅ៥ គ្រឿងតែប៉ុណ្ណោះ ប៉ុន្តែមួយរយ: ក្រោយ គេសង្កេតឃើញថាចាប់តាំងពីរផ្លាស់ប្តូរមេបញ្ជាការកងរាជអាវុធហត្ថខេត្តក្រចេះមក គេឃើញការដឹកជញ្ជូនធ្យូងឆ្លង ដែនរបស់អ្នកទាំងពីរនាក់នេះហាក់បង្កើនទ្រុងទ្រាយធំដឹកតាមរថយន្ត V1ខ្នាតយក្សទៅវិញ។
បើតាមប្រភពព័ត៌មានបានអោយដឹងថា ឈ្មោះ ចែ មុំ និងលោក ថៃ គា គៀងគរប្រមូលទិញពីប្រជាពលរដ្ឋនៅតាមភូមិ ១០៥កន្ទួតម្តុំផ្ទះក្រហមភូមិរណែងហើយ យករថយន្តសាំយ៉ុងកែឆ្នៃប្រមូលតាមភូមិរួចដឹកយកមកផ្ទះលោក ថៃ គា ដើម្បីឡើងឡានធំ តែឥឡូវគេប្តូរមកទំលាក់នៅឃ្លាំងមួយនៅជិតនឹងផ្ទះលោក ថៃ គា ដោយមានសង្ក័សីពទ្ធ័ជុំវិញ។ជុំវិញករណីខាងលើប្រជាពលរដ្ឋនិងមន្រ្តីមិនបានផលមួយចំនួនមានការសោកស្តាយនូវសម្បត្តិធនធានធម្មជាតិក្រោមការបំផ្លិចបំផ្លាញពីសំណាក់ក្រុមមេឈ្មួញទាំងពីររូបខាងលើនេះតែងតែធ្វើ សកម្មភាពដឹកជញ្ជូនធ្យូងតាមក្បួនរថយន្តV1ខ្នាតយក្សឆ្លងដែនទៅលក់នៅប្រទេសវៀតណាមតាមច្រកជាយឃ្លាំងមិនរំខានដល់មន្រ្តីសមត្ថកិច្ចជំនាញប្រចាំច្រកនិងនៅតាមដងផ្លូវឡើយ។
ហេតុនេះហើយទើបប្រជាពលរដ្ឋស្រុកស្នួល ខេត្តក្រចេះ ស្នើដល់ ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផៃប្រទេសនិងជាប្រធានគណៈកម្មការទប់ស្កាត់និងបង្ក្រាបបទល្មើសធនធានធម្មជាតិទូទាំងប្រទេសនិងឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទមេត្តាដាក់មន្ត្រីជំនាញក្រោមឱវាទចុះទប់ស្កាត់និងបង្ក្រាបមេឈ្មួញទាំងពីររូបគឺឈ្មោះ ថៃ គា និងឈ្មោះ ចែ មុំ រហស្សនាមចែស្បែកជើងហោះខាងលើជាបន្ទាន់ផងទាន!បើមិនដូច្នេះទេព្រៃឈើដែលនៅសេសសល់បន្តិចបន្តួចត្រូវរលាយហិនហោចក្រោមស្នាដៃមេឈ្មួញទាំងពីរនាក់នេះជាក់ ជាមិនខានឡើយ៕
