ខេត្តកំពង់ចាម៖ តាមប្រភពសេចក្តីរាយការណ៍ពីប្រជាពលរដ្ឋរស់នៅក្នុងសង្កាត់ បឹងកុកបានអោយដឹងថា ទីតាំងល្បែង ជល់មាន់ខុសច្បាប់តាមប្រព័ន្ធអនឡាញ ច្រើនកន្លែងស្ថិតនៅក្នុងសង្កាត់បឹងកុក ក្រុងកំពង់ចាម ខេត្តកំពង់ចាម បើកដំណើរការអោយក្រុមញៀនល្បែងលេងយ៉ាងគគ្រឹកគគ្រឹង រីឯអាជ្ញាធរនិងសមត្ថ កិច្ចក្នុងមូលដ្ឋាន រក្សាភាពស្ងៀមស្ងាត់ មិនព្រមធ្វើការទប់ស្កាត់និងបង្រ្កាបនោះទេ!ធ្វើអោយពល រដ្ឋដាក់ការសង្ស័យថាទីតាំងល្បែងសុីសងទាំងនោះប្រហែ លជាឆ្នាំងបាយរបស់អស់ លោកអាជ្ញាធរនិងសមត្ថកិច្ចមូលដ្ឋានផងក៍មិនដឹង?។
ទីតាំងល្បែងជល់មាន់ខុស ច្បាប់តាមប្រព័ន្ធអនឡាញដែលបើកដំណើរការអោយក្រុមញៀនល្បែងបើកលេងរាល់ ថ្ងៃយ៉ាងពេញបន្ទុក គេមិនដែលឃើញអាជ្ញាធរនិងសមត្ថកិច្ចពាក់ព័ន្ធក្នុងមូល ដ្ឋាន ចុះមកទប់ស្កាត់និងបង្រ្កាបនោះទេ!ឬមួយខ្លាចបាត់បង់ផល ប្រយោជន៍ទេដឹង?ទើបមិនហ៊ានបង្ក្រាប។
ប្រភពដដែលបានអោយដឹងទៀតថា ទីតាំងល្បែងជល់មាន់ខុសច្បាប់តាមប្រព័ន្ធអនឡាញដែលមានទីតាំងខាង លើ បើកអោយក្រុមញៀនល្បែងលេងបង្កភាពអនាធិបតេយ្យរញេរញ៉ៃធ្វើអោយពលរដ្ឋរស់នៅមូលដ្ឋានខាងលើមានការភ័យ ខ្លាច និងព្រួយបារម្ភ បញ្ហាអសន្តិសុខ សង្គម និងអំពើចោរកម្ម ចោរលួច.ចោរឆក់ចោរប្លន់ .ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនជាដើមចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋស្នើដល់លោក អ៊ុន ចាន់ដា អភិបាល ខេត្តកំពង់ចាម.លោកឧត្តមសេនីយ៍ទោ ហេង វុទី្ឋ ស្នងការនគរបាលខេត្តកំពង់ ចាម និងឧត្តមសេនីយ៍ត្រី ថេង ឆេងលីម មេបញ្ជាការកងរាជអាវុធហត្ថខេត្តកំពង់ ចាម មេត្តាចាត់មន្រ្តីក្រោមឱវាទចុះទប់ស្កាត់និងបង្រ្កាប់ទីតាំងល្បែងសុីសងជល់មាន់ខុសច្បាប់តាមប្រព័ន្ធអនឡាញដែលស្ថិតក្នុងភូមិសាស្ត្រខាង លើអោយមានប្រសិទ្ធភាពស្របតាមគោលនយោបាយ ភូមិ.ឃុំ. សង្កាត់.មានសុវត្ថិភាព ទាំង៧ ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃ ដើម្បីដាក់ អោយមន្ត្រីថ្នាក់ក្រោមជាតិអនុវត្តទប់ស្កាត់និងបង្ក្រាប រាល់ល្បែងស៊ីសងអោយមានប្រសិទ្ធភាព។
គួរបញ្ជាក់ថា កាលនៅថ្ងៃទី ១៨ ខែកុម្ភៈ ឆ្នាំ២០២៤ កន្លង ទៅថ្មីៗនេះសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាច្រកកម្ពុជា បន្តវេនបានចេញបទបញ្ជាដល់អភិបាល រាជធានី ខេត្តទាំង អស់នូវទូទាំងប្រទេសត្រួត ពិនិត្យជាបន្ទាន់ទីតាំងបនល្បែងស៊ីសងផ្សងសំណាង គ្រប់ប្រភេទគ្មានការលើកលែង ។ ដោយឡែកអាជ្ញាធរនិងសមត្ថ កិច្ចមូលដ្ឋាន សង្កាត់បឹងកុក ក្រុងកំពង់ ចាម ខេត្តកំពង់ចាមបណ្ដោយអោយមានល្បែងសុីសងមាន់ជល់ខុស ច្បាប់តាមប្រពន្ធ័អនឡាញបើកលេងយ៉ាងគគ្រឹក គគ្រេងនៅក្នុងមូលដ្ឋានខ្លួនគ្រប់គ្រងមិនព្រមបង្រ្កាបប្រឆាំងបទបញ្ជានាយករដ្ឋមន្រ្តី៕មានត