តាមប្រភពពីប្រជាពលរដ្ឋស្រុកគីរីវង់បានអោយដឹងថា ឈ្មួញបាននាំ ត្រីរ៉ស់ ត្រីចាបនិងត្រីឆ្តោចូលតាមច្រកអន្តរជាតិភ្នំដិនស្រុកគីរីវង់ខេត្តតាកែវ។ ប្រជាពលរដ្ឋបានបន្តទៀតថា ឈ្មួញទាំងនេះបានបញ្ជូនត្រីចូលទៅក្នុងទីផ្សារក្នុងខេត្តតាកែវនិងទីផ្សារមួយចំនួនតាមបណ្តារខេត្តក្រុងក្នុងដីទឹកដីនៃប្រទេសកម្ពុជា។
ប្រជាពលរដ្ឋបានបានបន្តទៀតថា ការនាំត្រីរ៉ស់ ត្រីចាបនិងឆ្តោចូលពួកឈ្មួញបានដឹកជញ្ជូននិងចែកចាយនៅវេលាម៉ោង២ដល់ម៉ោង៤ទាបភ្លឺដែលរំលស់ពីរថយន្តធំៗមកដាក់ក្នុងរថយន្តតូចសំរាប់ធ្វើការនាំចេញដាក់នៅតាមទីផ្សារគ្រប់រាជធានី ខេត្ត ដែលបានត្រូវរ៉ូវគ្នាជាមួយជំនាញ ។
មន្ត្រីជំនាញជលផលម្នាក់សូមមិនបញ្ចេញឈ្មោះ ខេត្តតាកែវ បានមានប្រសាសន៍ថា ពុំមានច្បាប់អនុញ្ញាតឲ្យនាំត្រីប្រភេទទាំងនោះទេ ប៉ុន្តែឈ្មួញទាំងអស់នេះ បានត្រូវរ៉ូវនឹងជំនាញនោះ ហើយបានដាក់ខែថ្ងៃអស់ហើយ ។
លោក សៅ កុសល ប្រធានជលផលខេត្តតាកែវបានមានប្រសាសន៍ថា ច្បាប់បានហាមឃាត់ប្រភេទត្រីរ៉ស់ ត្រីឆ្តោនិងត្រីចាបចូលក្នុងប្រទេសកម្ពុជានោះទេបើមានការនាំចូលមែនជាការខុសច្បាប់ ។
ទាក់ទិននឹងព័ត៌មានខាងលើ អ្នកសារព័ត៌មានយើងមិនអាចសូមការបំភ្លឺបានទេ ៕