ការជួបជុំថ្មីបំផុតក្នុងការជួបជុំតវ៉ាជាច្រើន ជុំវិញការបោះឆ្នោត ថ្ងៃទី ៥ ខែឧសភា ដែលក្រុមបក្សប្រឆាំងបាន និយាយថា រដ្ឋាភិបាលចម្រុះកំពុងកាន់អំណាច ៥៦ ឆ្នាំ បានឈ្នះឆ្នោតដោយលួចបន្លំនោះ គេបានឃើញមនុស្សដ៏ច្រើនបាន ប្រមូលផ្តុំនៅទីលានទំនេរមួយនៅខាងក្រៅទីក្រុងគូឡាឡាំពួរ ។
មនុស្សរាប់ម៉ឺននាក់បា់នជួបជុំគ្នានៅក្បែររដ្ឋធានី ប្រទេសម៉ាឡេស៊ី កាលពីរាត្រីថ្ងៃសៅរ៍ ដើម្បីតវ៉ាប្រឆាំងនឹងការ លួចបន្លំក្នុងការបោះឆ្នោត ដែលត្រូវបានចោទប្រកាន់ដោយបង្កើនកម្តៅនយោបាយថែមទៀត បន្ទាប់ពីការបោះឆ្នោត បែកបាក់គ្នាថ្មីៗកន្លងទៅនេះ ។
បន្ទាប់មនុស្សបួននាក់ត្រូវបានចាប់ខ្លួនក្នុងនោះ អ្នកនយោបាយបក្សប្រឆាំងពីរនាក់ ជាទង្វើមួយដែលបានបង្កការចោទប្រកាន់ពីបទបង្ក្រាបក្រោយបោះឆ្នោតលើក្រុមជំទាស់ ។ រដ្ឋមន្ត្រីមហាផ្ទៃរបស់ម៉ាឡេស៊ី លោក ហ្សា ហ៊ីដ ហាមីឌី មុននេះ បានហៅការជួបជុំនោះថា ជាការបង្កហេតុមួយ ។
ពុំមានរបាយការណ៍ណាមួយពីសកម្មភាពប៉ូលិសលើការជួបជុំថ្មីបំផុតនេះ ដែលមានទាំងសុន្ទរកថារបស់ឥស្សរជន បក្សប្រឆាំងកំពូល ក្នុងនោះ មានទាំងលោក អាន់ វ៉ា អ៊ីប្រាហ៊ីម ។
ក្រុមវាគ្មិនប្រឆាំងបានប្តេជ្ញាបង្ហាញការលួចបន្លំក្នុងការបោះឆ្នោត និងបន្តដាក់សម្ពាធលើរដ្ឋាភិបាលរណសិរ្សជាតិ ។
សមាជិកសភា នាង នូរ៉ូល អ៊ីហ្សា ជាកូនស្រីរបស់លោក អាន់ វ៉ា បានប្រាប់ហ្វូងមនុស្សថា ៖ “យើងមិនដែលខកចិត្តនោះទេ ព្រោះយើងបានដាច់ខាត និងជ័យជម្នះសីលធម៌។ ពេលវេលាដ៏តឹងតែងនឹងមិនទាន់ចប់ទេ មានតែក្រុមអ្នកខ្លាំង និងស្វិតស្វាញទេ ជាអ្នកធ្វើ ។ យើងនឹងបង្ហាញរដ្ឋាភិបាលថា យើងនឹងខ្លាំងនិងស្វិតស្វាញយ៉ាងណា” ៕