ភ្នំពេញ ៖ តាមសេចក្តីរាយការណ៍បានអោយដឹងថា ទីតាំងមេឆ្នោតវៀតណាមខុសច្បាប់មួយកន្លែងជ្រកក្រោមស្លាក”លីហួរ” វេលុយ .ដាក់លុយ.ដកលុយ អាសយដ្ឋាន: ផ្លូវលេខ ៣៤ ផ្លូវលេខ១៦៤ សង្កាត់ផ្សារអូរឬស្សីទី៣ ខណ្ឌ៧មករា នៅបន្តបើកអោយក្រុមញៀនល្បែងឆ្នោតវៀតណាមចេញ ចូលចាក់កត់ភ្នាល់យ៉ាងពេញបន្ទុក!មិនទាន់ឃើញអាជ្ញាធរនិងសមត្ថកិច្ចមូលដ្ឋាន ចុះមកធ្វើការទប់ស្កាត់និងបង្រ្កាបនៅឡើយទេ!ធ្វើអោយពលរដ្ឋដាក់ការសង្ស័យថា ប្រហែលមានហ៊ុន ហយជា មួយមេឆ្នោតវៀតណាម មួយនេះទេដឹង? បានជាមិនបង្រ្កាប ។
ប្រភពបានបន្តថា មេឆ្នោតវៀតណាម ខុសច្បាប់ ជ្រកក្រោមស្លាក”លីហួរ”វេលុយ.ដាក់ លុយ.ដកលុយ.មានឈ្មោះ (លីលី) កំពុង បើកអោយក្រុមញៀនល្បែងឆ្នោតវៀតណាម ដោយសេរី មិនមានការលាក់លៀមអ្វីនោះទេ។ព្រោះថា បុគ្គលឈ្មោះ (លីលី) បានរត់ការបង់សួយ សារជូនសមត្ថកិច្ចមូលដ្ឋានគ្រប់ជំនាញពាក់ព័ន្ធអស់ហើយ ទើបអាជីវកម្មឆ្នោតវៀតណាមរបស់គាត់ដំណើរការបានមក ដល់បច្ចុប្បន្ននេះ រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ដូចជាត្រូវថ្នាំសណ្ដំបុគ្គលឈ្មោះ(លីលី) ជាម្ចាស់ទីតាំងមេឆ្នោតវៀតណាមដ៍ធំ ដុះស្លែប្រចាំសង្កាត់អូរឬស្សីទី៣ ខណ្ឌ៧ មករា ។
សូមបញ្ជាក់ថា កាលពីថ្ងៃទី១៨ខែកុម្ភ: ឆ្នាំ២០២៤ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា បន្តវេនបានចេញបទបញ្ជាដល់អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងល្បែងសុីសងខុសច្បាប់គ្រប់ប្រភេទផ្សងសំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចមូលដ្ឋានសង្កាត់អូរឬស្សីទី៣. ខណ្ឌ៧ មករា បណ្ដោយអោយមេឆ្នោត វៀតណាមឈ្មោះ(លីលី)បើកអោយក្រម ញៀនល្បែងចេញ ចូលលេងចាក់ភ្នាល់ដោយសេរី ប្រឆាំងបទបញ្ជានាយករដ្ឋមន្រ្តីមិនព្រមបង្ក្រាបអោយស្រប តាមគោលនយោបាយ ភូមិ ឃុំសង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផៃ្ទនោះទេ។
ប្រជាពលរដ្ឋរស់នៅក្បែរទីតាំងមេឆ្នោត វៀតណាមបានស្នើដល់នាយឧត្តមសេនីយ៍ ស ថេត អគ្គស្នងការនគរបាលជាតិ មេត្តាចាត់មន្ត្រីក្រោមចុះទប់ស្កាត់និងបង្រ្កាបទីតាំងភូមិសាស្រ្តខាងលើនេះផងទានដើម្បីរក្សាសន្តិសុខសុវត្ថិភាពជួនប្រជាពលរដ្ឋ ស្របតាមបទបញ្ជាប្រមុខរាជរដ្ឋាភិបាលកម្ពុជា។ព្រោះល្បែងសុីសងបង្កជាបញ្ហាចោរលួច ឆក់ ប្លន់ គាស់ផ្ទះគ្រឿងញៀននិងប្រើអំពើហឹង្សាក្នុងគ្រួសារដើមចមកើតចេញពីល្បែងសុីសងនេះ ឯង ។
ដែលបញ្ហានេះលោក ឃួង ស្រេង អភិបាល រាជធានីភ្នំពេញនិងឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ ចាត់កម្លាំងជំនាញក្រោមឱវាទចុះទប់ស្កាត់និងបង្រ្កាប មេឆ្នោតវៀតណាមដែលមានអាសយដ្ឋាន: ផ្ទះ លេខ៣៤ផ្លូវលេខ១៦៤ សង្កាត់អូរឬស្សីទី៣ ខណ្ឌ៧ មករា រាជធានីភ្នំពេញ ជ្រកក្រោមស្លាក”លីហួរ”វេលុយ. ដាក់លុយ.ដកលុយ អោយមានប្រសិទ្ធភាពផងទាន!ពាក់ព័ន្ធល្បែងឆ្នោតវៀតណាមខាងលើគេហទំព័រ (www. enn-tv.com)បានសំុការពន្យល់ពីលោកនាយប៉ុស្តិ៍អូរឬស្សីទី៣ តាមប្រព័ន្ធ TeIegram លោកចូលមើល តែមិនឆ្លើយតប។សូមបញ្ជាក់ថា មេឆ្នោតវៀតណាមដ៍ធំដុះ ស្លែប្រចាំ អូរឬស្សីដែលមាន អាសយដ្ឋាន: ផ្ទះលេខ៣៤ផ្លូវលេខ១៦៤ សង្កាត់អូរឬស្សី ទី៣ ខណ្ឌ៧ មករា រាជធានីភ្នំពេញ នៅតែបន្តបើកអោយក្រុមញៀនល្បែងឆ្នោតវៀត ណាមចេញ ចូលចាក់កត់ភ្នាល់យ៉ាងគគ្រឹក គគ្រេងមិនញញើតសមត្ថកិច្ចណាឡើយ៕មានត
