ភ្នំពេញ ៖ តាមប្រភពពីអាជីវករលក់ដូរនៅក្នុងផ្សារទំនើបអូរឡាំព្យាបានអោយដឹងថា ល្បែងស៊ីសងហ្គេមបាញ់ត្រីនិងល្បែងជាច្រើនប្រភេទទៀតនៅតាមបណ្តាយផ្លូវលេខ ១៨២ សង្កាត់វាលវង់ ខណ្ឌ៧មករា កំពុង បើកពង្វក់សិស្សសាលាយ៉ាងពពាក់ពពូនគ្នានៅក្នុងផ្សារទំនើបអូរឡាំព្យាបើកលេងយ៉ាងគឃ្លើនផ្គើនបទបញ្ជា សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អោយ បិទបនល្បែងសុីសងខុសច្បាប់ទូទាំងប្រទេសអោយខានតែបានមិនអនុញ្ញាតឡើយ ។
ដោយឡែកអាជ្ញាធរនិងសមត្ថកិច្ចមូលដ្ឋាន សង្កាត់វាលវង់ ខណ្ឌ៧មករា បែជាបណ្តោយអោយបុគ្គលម្នាក់នោះបើកល្បែងសុីសងហ្គេមបាញ់ត្រីនិងល្បែងជាច្រើនប្រភេទទៀត បើកអោយក្រុមញៀនល្បែងលេងយ៉ាងគគ្រឹកគគ្រេងមិនធ្វើការទប់ស្កាត់និងបង្រ្កាបនោះទេ?គេសង្ស័យថា ឆ្នាំងបាយរបស់សមត្ថកិច្ចនិងអាជ្ញាធរមូលដ្ឋានទេដឹង? បាននាំគ្នាបំភ្លេចគោលនយោបាយភូមិឃុំមានសុវិត្ថភាព៧ ចំណុចដែល រាជរដ្ឋាភិបាលបានដាក់ចេញដោយក្រសួងមហាផៃ្ទ ក្រសោបយកចង្រៃសង្គមបែបនេះ។ មិនតែប៉ុណ្ណោះផ្គើនបទបញ្ជាលោក ឃួង ស្រេង អភិបាល រាជធានីភ្នំពេញនិងបទបញ្ជាលោកឧត្តមសេនីយ៍ឯក ជួន ណារិន្ទ ស្នងការនគរ បាលរាជធានីភ្នំពេញធ្លាប់ដាក់បទបញ្ជាដាច់ណាត់ឲ្យខណ្ឌទាំង១៤ ត្រូវយកចិត្តទុក ដាក់នៅក្នុងមូលដ្ឋានរបស់ខ្លួនគ្រប់គ្រងមិនត្រូវមានល្បែងសុីសងឡើយត្រូវតែបង្រ្កាបអោយខានតែបានមិនអនុញ្ញាតមានល្បែង សុីសងនោះទេ ។ប៉ុន្តែបច្ចុប្បន្ននេះល្បែងហ្គេមបាញ់ត្រីនិងល្បែងជាច្រើនប្រភេទទៀតនៅតែបើកលេងគគ្រឹក គគ្រេងពង្វក់ក្មេងៗប្រុស.ស្រីយ៉ាងអានាធិបតេយ្យនៅ ក្នុងផ្សារទំនើបអូរឡាំព្យា មិនទានឃើញអាជ្ញាធរនិងសមត្ថកិច្ចចុះមកទប់ស្កាត់និងបង្រ្កាបនៅ ឡើយទេ?។ អាជីវករលក់ដូរនៅក្នុងផ្សារទំនើបអូរឡាំព្យាសង្កាត់វាលវង់ ខណ្ឌ៧មករា មានការព្រួយបារម្ភភ័យខ្លាចអំពីបញ្ហាអសន្តិ សុខសង្គមនិងអំពើចោរកម្ម ចោរលួច. ចោរ ឆក់.ចោរប្លន់.ចោរ គាស់តូប គាស់ផ្ទះអំពើហិង្សាគ្រួសារបទល្មើសគ្រឿងញៀនដើមចមកើតចេញពីល្បែងសុីសងនេះឯង។
អាជីវករក៍ដូចប្រជាពលរដ្ឋរស់នៅ រាជធានីភ្នំពេញសូមអំពាវនាវដល់លោក ឃួង ស្រេង អភិបាលរាជធានីភ្នំពេញនិងលោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញមេត្តាដាក់មន្ត្រីក្រោមឱវាទចុះពិនិត្យទប់ស្កាត់និងបង្រ្កាបទីតាំងខាងលើអោយមានប្រសិទ្ធភាពផងស្របតាមគោលនយោបាយភូមិឃុំសង្កាត់មានសុវត្ថភាពទាំង៧ ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃផង។
ពាក់ព័ន្ធព័ត៌មានខាងលើគេហទំព័រ (www. enn-tv. com)យើងខ្ញុំរងចាំនូវការពន្យល់ បកស្រាយពីលោក ថេង សុថុល អភិបាលខណ្ឌ៧មករា និងលោក នេត សុីថុន អធិការខណ្ឌ៧មករា រាល់ម៉ោងធ្វើការ៕មានត
