ខេត្តមណ្ឌគិរី៖ តាមប្រភពសេចក្តីរាយការណ៍ ពីប្រជាពលរដ្ឋបានអោយដឹងថា មានឡានសាំងយ៉ុងដឹកឈើចេញពីស្រុកអូររាំងសុទ្ធ តែឈើប្រណិតពេញៗឡានសាំងយ៉ុង ប៉ុន្តែមន្ត្រីបរិស្ថានស្រុកកែវនឹងមេកងរាជវុធហត្ថស្រុកកែវសីមា ដូចជាមិនមានចំណាត់ការ ទប់ស្កាត់ និងបង្រ្កាបនោះទេ!នាំគ្នារក្សាភាពស្ងៀមស្ងាត់ទុកអោយឡានដឹកឈើរបស់ឈ្មោះចែសក់ក្រហមដឹកជញ្ជូនឈើដោយមិនរំខានដល់អាជ្ញាធរនិងសមត្ថកិច្ចជំនាញពាក់ព័ន្ធនៅតាមដងផ្លូវឡើយ។ជាការពិតបើនិយាយពីសមត្ថកិច្ចតាមដងផ្លូវវិញចាប់ពីស្រុកអូររាំងរហូតមកដល់ស្រុកកែវសី មា ស្នាក់ការមិនតិចជាងប្រាំពីកន្លែងនោះទេ!ហេតុអី្វបានអស់់លោកបណ្តោយអោយឈ្មួញដឹកឈើតាមតែអំពើចិត្តឡានដឹកឈើក្នុងមួយយប់ៗប្រហែ លប្រាំគ្រឿងដែលគេដឹងច្បាស់ ជារបស់ ចែ សក់ក្រហមនោះ។
ប្រភពបានបន្តថា បើគ្មានការបើកដៃពីសំណាក់មន្ត្រីអាជ្ញាធរនិងសមត្ថកិច្ចជំនាញពាក់ព័ន្ធមូលដ្ឋាននោះទេ!បទល្មើសព្រៃឈើក៏គ្មានដែរ គេសង្កេត ឃើញថា រយពេលមួយខែនេះឈ្មួញឈ្មោះចែសក់ក្រហម
នៅកែវសីមា កំពុងដឹកជញ្ជូនឈើយ៉ាងសកម្ម ។គេមិនទាន់ឃើញមន្ត្រីជំនាញទាំងនោះស្រុកអូររាំង នឹង ស្រុកកែវសីមា មានចំណាត់ការណាមួយទៅ លើក្រុមឡានដឹកជញ្ជូនឈើរបស់ឈ្មួញឈ្មោះចែសក់ក្រហមនៅឡើយទេ? ។បើតាមប្រភពព័ត៌មានពីមេប៉េអឹមស្រុកអូររាំងត្រូវជាបងថ្លៃរបស់មេឈ្មួញចាស់វស្សាឈ្មោះចែសក់ក្រហម បានអោយដឹងទៀតថាសមត្ថកិច្ចនិងមន្ត្រីជំនាញមិនហ៊ានបង្ក្រាបមេឈ្មួញឈើម្នាក់នេះឡើយទុកអោយដឹកជញ្ជូនឈើតាមអំពើចិត្ត។ឈ្មួញឈើឈ្មោះចែសក់ក្រហមដឹកឆ្លង ដែនយកទៅលក់នៅប្រទេសវៀតណាមតាមច្រកងាំ06ហៅងាំដី រាល់ថៃ្ង.សព្វថ្ងៃរកស៊ីដឹក ជញ្ជូនឈើកំពុងសប្បាយចិត្តយ៉ាងខ្លាំងគ្មានមន្ត្រីជំនាញណាម្នាក់មករំខានការរកស៊ីរបស់ខ្លួនឡើយ។សូម្បីលោកប៉ៃលិន មេប៉េអឹមមូលដ្ឋានកងរាជវុធហត្ថស្រុកកែវសីមា ធ្លាប់តែខ្លាំងខាងចាប់បង្រ្កាបបទល្មើសព្រៃឈើយ៉ាងសកម្ម នឹងបទល្មើសផ្សេងៗ ពេលនេះម៉ោងនេះក៍ស្ងំស្ងៀមផងដែរ ហេតុអ្វីលោកប៉ៃលិនទៅដល់ណាបានបណ្តែតបណ្តោយអោយក្រុមឈ្មួញដឹកជញ្ជូនឈើជារៀង រាល់យប់លោកធ្វើមិនដឹងមិនឮ ឬលោកបានសើមមាត់សើម ក នឹងគេដែរទេដឹង?បានរក្សាភាពស្ងៀមស្ងាត់ ។ ការដឹកជញ្ជូនឈើចេញពីស្រុកអូររាំងឆ្លង កាត់ប៉ុស្តិ៍ជាច្រើនកន្លែងហេតុអី្វបានឈើចេះតែមក បាន ? ប្រភពបានបន្ថែមទៀតថា មានស្នាក់ការមន្រ្តីជំនាញច្រើនកន្លែងណាស់ចុះហេតុអី្វ ឡាន ដឹកជញ្ជូនឈើជាហូរហែរ តែមន្រ្តីជំនាញទាំងអស់នោះមើល ឃើញឬមួយធ្វើមើលឃើញហើយចាប់ពីដើមទីរហូតដល់ចុងទីមើលអត់ឃើញដូចគ្នាមែនទេ? ប្រជាពលរដ្ឋបាននិយាយថា អស់លោកជា មន្ត្រីតែអសមត្ថភាព ដេកស៊ីប្រាក់ ខែពីរដ្ឋហើយនាំគ្នាបង្កើតអោយមានបទល្មើសព្រៃឈើដឹកចេញជារៀងរាល់ថ្ងៃ យប់ដើម្បីតែផលប្រយោជន៍ យកលុយដាក់ក្នុងហោប៉ាវរៀងៗខ្លួនធ្វើមានបានយ៉ាងសុខស្រួលមិនខ្វល់សម្បត្តិសាធា រណ:របស់រដ្ឋ។
ប្រជាពលរដ្ឋបានសំណូមពរដល់លោក ថង សាវ៉ុនអភិបាលខេត្តមណ្ឌលគិរីនិងលោកឧត្តមសេនីយ៍ត្រី ហែម បូណារ៉ែល មេបញ្ជាការកងរាជ អាវុធហត្ថខេត្តមណ្ឌល់គិរី មេត្តាមានវិធានការទប់ស្កាត់និងបង្រ្កាបបទល្មើសព្រៃឈើកំពុងតែដឹកជញ្ជូនឈើតាម ឡានសាំងយ៉ុងយ៉ាងកំហុក របស់មេឈ្មួញឈ្មោះចែសក់ក្រហមនៅស្រុកកែវសីមា នេះផងទាន៕
