រថយន្តដែលដឹកជញ្ជូនកំណាត់ ឈើខុសស្តង់ដារបច្ចេកទេសដែលធ្វើចរាចរណ៍តើអស់លោកមានជ្រាបទេ?រថយន្តដឹកជញ្ជូន កំណាត់ឈើខុសស្តង់ដារបច្ចេទេស ដែលអាចបង្កគ្រោះថ្នាក់ចរាចរណ៍ដល់ប្រជាពល រដ្ឋ ដែលកំពុងធ្វើដំណើរតាមដងផ្លូវ និងបង្កឲ្យមានការខូចខាតបាក់ស្រុតផ្លូវ ដោយសារ តែទម្ងន់ធ្ងន់លើសកំណត់ កំពុងតែធ្វើចរាច រណ៍លើដងផ្លូវបានដោយរលូន រីឯសមត្ថកិច្ច .មន្ត្រីជំនាញពាក់ព័ន្ធនិងស្ថានីយ៍ជញ្ជីងថ្លឹងរថយន្តតាមដងផ្លូវនាំគ្នារក្សាភាពស្ងៀមស្ងាត់ មិនព្រមទប់ស្កាត់និងបង្រ្កាបនោះទេ។
ប្រភពព័ត៌មានច្បាស់ការណ៍បានឲ្យដឹងថាកាលពីថ្ងៃទី២២ ខែកុម្ភៈ ឆ្នាំ២០២៤ រថយន្ត ធន់ធំដឹកជញ្ជូនកំណាត់ឈើខុសស្តង់ដារ បច្ចេទេសដែលអាចបង្កគ្រោះថ្នាក់ចរាចរណ៍ដល់អាយុជីវិតប្រជាពលរដ្ឋ នោះជាដើមចមក្នុងការបង្កឲ្យមានការខូចខាតបាក់ស្រុតផ្លូវ ប៉ុន្តែសមត្ថកិច្ចជំនាញពាក់ព័ន្ធមួយចំនួនហាក់បណ្តែតបណ្ដោយអោយរថយន្តនោះកំពុងធ្វើចរាចរណ៍បើកបរលើផ្លូវបានដោយរលូន គឺដោយសារតែមានការអនុញ្ញាតបើកភ្លើងខៀវពីមន្ត្រីស្ថានីយជញ្ជីងថ្លឹងរថយន្តត្រង់ចំណុចផ្លូវជាតិលេខ៣ ភូមិកំពង់ទួល ឃុំអន្លង់រមៀត ស្រុកកណ្តាលស្ទឹង ខេត្តកណ្តាល និងមន្ត្រីមួយចំនួនតូចដែលនូវប្រព្រឹត្តអំពើពុករលួយ។
ក្រោយពីបានឃើញសកម្មភាពនោះមកមហាជនជាច្រើនស្នើសុំឱ្យលោក ម៉ឹង យូឡេង ប្រធានមន្ទីរសាធារណការនិងដឹកជញ្ជូនខេត្តកណ្ដាល សូមមេត្តាកុំបណ្តោយឲ្យមន្ត្រីជញ្ជីងថ្លឹងរថយន្តត្រង់ចំណុចផ្លូវជាតិ លេខ៣ ភូមិកំពង់ទួល បន្តសកម្មភាពបើកភ្លើងខៀវឲ្យរថយន្តដឹកជញ្ជូនខុសស្តង់ដារបច្ចេកទេសបើកបរលើដងផ្លូវដោយអនាធិប តេយ្យតទៅទៀត។
ករណីរថយន្តធុនធំដឹកជញ្ជូនកំណាត់ឈើខុសស្តង់ដារបច្ចេកទេសដែលបណ្តែតបណ្ដោយពីសំណាក់សមត្ថកិច្ចជំនាញពាក់ព័ន្ធនិងមន្រ្តីជញ្ជីងថ្លឹងរថយន្តខាងលើនេះ តើរដ្ឋមន្ត្រីក្រសួងសាធារណការនិងដឹកជញ្ជូនលោក ប៉េង ពោធិ៍នា និងលោក សេង ឈួន មេស្ថានីយ៍ជញ្ជីងថ្លឹងរថយន្តទូទាំងប្រទេស គួរតែមានវិធានការទប់ស្កាត់បែបណា ចំពោះសកម្មភាពនិងទង្វើរបស់ ក្រុមន្ត្រីស្ថានីយ៍ ជញ្ជីងថ្លឹងរថយន្តមួយកន្លែងនេះ ដែលកំពុង តែបណ្តែតបណ្ដោយឲ្យរថយន្តធុនធំ ដឹក ជញ្ជូនឈើកំណាត់ខុសស្ដង់ដារបច្ចេកទេសបង្កហានិភ័យខ្ពស់ក្នុងការខូចខាតបាក់ស្រុតហេដ្ឋារចនាសម្ព័ន្ធផ្លូវថ្នល់មិនខ្វល់ពីរាជរដ្ឋាភិ បាលដែលខិតខំអភិវឌ្ឍន៍នោះឡើយ៕