ភ្នំពេញ ៖ តាមប្រភពពីអាជីវករលក់ដូរនៅក្នុងផ្សារទំនើបអូរឡាំព្យាបានអោយដឹងថា ល្បែងស៊ីសងហ្គេមបាញ់ត្រីនិងល្បែងជាច្រើនប្រភេទទៀតនៅតាមបណ្តាយផ្លូវលេខ ១៨២ សង្កាត់វាលវង់ ខណ្ឌ ៧មករា កំពុងបើកពង្វក់សិស្សសាលាយ៉ាងពពាក់ពពូនគ្នានៅក្នុងផ្សារទំនើបអូរឡាំព្យា បើកលេងយ៉ាងគឃ្លើនផ្គើននឹងបទបញ្ជាសម្តេចតេជោ ហ៊ុន សែន អតីត នាយករដ្ឋមន្ត្រីនៃកម្ពុជា បានដាក់អោយ អភិបាល រាជធានី ខេត្ត ទាំង ២៥ ខេត្ត ក្រុង អោយបិទបនល្បែងសុីសងខុសច្បាប់ទូទាំងប្រទេសអោយខានតែបានមិនអនុញ្ញាតឡើយ ។
ដោយឡែកអាជ្ញាធរនិងសមត្ថកិច្ចមូលដ្ឋាន សង្កាត់វាលវង់ ខណ្ឌ៧មករា ហ៊ានបណ្តោយអោយបុគ្គលម្នាក់នោះបើកល្បែងសុីសងហ្គេមបាញ់ត្រីនិងល្បែងជាច្រើនប្រភេទទៀតបើកលេងយ៉ាងគគ្រឹកគគ្រេងមិនបង្រ្កាបនោះទេ? គេដាក់សង្ស័យថា ឆ្នាំងបាយរបស់សមត្ថកិច្ចនិងអាជ្ញាធរ មូលដ្ឋានទេដឹង? បាននាំគ្នា បំភ្លេចគោលនយោ បាយ ភូមិ ឃុំ សង្កាត់ មានសុវិត្ថភាព៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផៃ្ទ ក្រសោបយកចង្រៃសង្គមបែបនេះ។ មិនតែប៉ុណ្ណោះទេហ៊ានផ្គើនបទបញ្ជាលោក ឃួង ស្រេង អភិបាល រាជធានីភ្នំពេញនិងបទបញ្ជាលោកឧត្តមសេនីយ៍ឯក ជួន ណារិន្ទ ស្នងការរាជធានីភ្នំពេញធ្លាប់ដាក់បទបញ្ជាដាច់ណាត់ឲ្យខណ្ឌទាំង១៤ ត្រូវយកចិត្តទុកដាក់នៅក្នុងមូល ដ្ឋានរបស់ខ្លួនគ្រប់គ្រងមិនត្រូវមានល្បែងសុីសងឡើយត្រូវតែបង្រ្កាបអោយខានតែបានមិនអនុញ្ញាតឡើយ ។ ប៉ុន្តែបច្ចុប្បន្ននេះល្បែងហ្គេមបាញ់ត្រីនិងល្បែងច្រើនប្រភេទទៀតនៅតែបើកលេងគគ្រឹក គគ្រេងពង្វក់ក្មេងៗប្រុស.ស្រីយ៉ាងអានាធិបតេយ្យនៅ ក្នុងផ្សារទំនើបអូរឡាំព្យា មិនទានឃើញអាជ្ញាធរនិងសមត្ថកិច្ចចុះមកបង្រ្កាបនៅឡើយទេ? ។ អាជីវករលក់ដូរនៅក្នុងផ្សារទំនើបអូរឡាំព្យា សង្កាត់វាលវង់ ខណ្ឌ៧មករា មានការព្រួយបារម្ភភ័យខ្លាចអំពីបញ្ហាអសន្តិសុខសង្គម អំពើចោរកម្ម ចោរលួច.ចោរឆក់.ចោរប្លន់. ចោរគាស់ផ្ទះអំពើហិង្សាគ្រួសារបទល្មើសគ្រឿង ញៀនដើមចមកើតចេញពីល្បែងសុីសងនេះឯង។
អាជីវករក៍ដូចប្រជាពលរដ្ឋរស់ នៅ រាជធានីភ្នំពេញសូមអំពាវ នាវដល់លោក ឃួង ស្រេង អភិបាលរាជធានីភ្នំពេញនិងលោកឧត្តមសេនីយ៍ ឯក ជួន ណារិន្ទ ស្នងការនគរបាលរាជធានីភ្នំពេញមេត្តាដាក់មន្ត្រីក្រោមឱវាទចុះពិនិត្យទប់ស្កាត់និងបង្រ្កាបទីតាំងខាងលើអោយមានប្រសិទ្ធភាពស្របតាមគោលនយោបាយភូមិឃុំសង្កាត់មានសុវត្ថភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ផង។
ពាក់ព័ន្ធព័ត៌មានខាងលើគេហទំព័រ (www. enn-tv. com)យើងខ្ញុំរងចាំនូវការពន្យល់បកស្រាយពីលោក ថេង សុថុល អភិបាលខណ្ឌ៧ មករា និងលោក នេត សុីថុន អធិការដ្ឋាននគរខណ្ឌ ៧មករា រាល់ម៉ោងធ្វើការ៕មានត
