ភ្នំពេញ៖សូមរំលឹកថា កាលនៅថ្ងៃទី១៧ ខែកញ្ញា ឆ្នាំ២០២២ កន្លងទៅសម្តេចតេជោ ហ៊ុន សែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាអោយ អភិបាល រាជធានី ខេត្តទាំង២៥ ខេត្ត ក្រុង ត្រូវតែបង្រ្កាបទីតាំងបនល្បែងស៊ីសង គ្រប់ប្រភេទ នូវទូទាំងប្រទេសដោយគ្មានការលើកលែង។សម្ដេចតេជោ ហ៊ុន សែន បានបញ្ជាក់យ៉ាងដាច់ណាត់ផងទៀតថា បើអាជ្ញាធរនិងសមត្ថកិច្ចមូល ដ្ឋានស្រុក ក្រុង ខេត្ត ណាមិនអនុវត្តទប់ស្កាត់និងបង្រ្កាបទីតាំងបនល្បែងស៊ីសង គ្រប់ប្រភេទ នៅក្នុងដែនការគ្រប់គ្រង របស់ខ្លួនទេ? អាជ្ញាធរនិងសមត្ថកិច្ចមូលដ្ឋានទាំងនោះ? និងមានបញ្ហាប្រឈមនិងបាត់បង់ពីតំណែងទៀតផង។
ដោយឡែកទីតាំងល្បែងសុីសងជល់មាន់ និង អាប៉ោងខុសច្បាប់ស្ថិតនៅភូមិលូ សង្កាត់ស្វាយ ប៉ាក ខណ្ឌឬស្សីកែវ រាជធានីភ្នំពេញ បើកលេងយ៉ាងគគ្រឹកគគ្រេង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនធ្វើការទប់ស្កាត់និងបង្រ្កាបនោះទេ បែរជាបណ្តែតបណ្តោយអោយម្ចាស់បនល្បែងសុីសងខុសច្បាប់មួយកន្លែងនេះ បើកលេងយ៉ាងគគ្រឹកគគ្រេងយ៉ាងរលូន មិនរំខានដល់អាជ្ញាធរនិងសមត្ថកិច្ចឡើយ។
ប្រភពបានបន្តថា ទីតាំងល្បែងជល់មាន់ និងអាប៉ោងខុសច្បាប់នៅក្នុង សង្កាត់ស្វាយ ប៉ាក ខណ្ឌឬស្សីកែវ កំពុងបើកដំណើរការយ៉ាងពេញបន្ទុក បើកលេងរាល់ថ្ងៃ រីឯ.អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន មិនឃើញចុះអនុវត្តទប់ស្កាត់ និងបង្ក្រាបនោះឡើយ ទើបធ្វើមហាជនរិះគន់ដាក់ការសង្ស័យថា អាជ្ញាធរនិងសមត្ថកិច្ចមូលដ្ឋាន ទទួលបានលាភសក្ការៈ ពីម្ចាស់បនល្បែងមួយនេះ ហើយទេដឹង? បាននាំគ្នារក្សាភាពស្ងៀមស្ងាត់ មិនព្រមបង្រ្កាបសោះ។
ប្រភពដដែលបានបន្ថែមអោយដឹងទៀតថា ម្ចាស់ទីតាំងល្បែងជល់មាន់ និងអាប៉ោងដុះស្លែ ដែលមានទីតាំងខាងលើ បានកៀងគរប្រមូលផ្តុំក្រុម ញៀនល្បែងមកពីបណ្តាខេត្តក្រុងបើកលេងភ្នាល់ចាក់ដាក់លុយចាញ់ឈ្នះ រាប់លានរាប់ពាន់ដុល្លារ ហើយស្រែកហ៊ោ កញ្ជ្រៀវទ្រហឹងកងរំពងបង្កភាពអនាធិបតេយ្យ ធ្វើអោយប្រជាពលរដ្ឋរស់នៅក្បែរទីតាំងនោះមានការព្រួយបារម្ភភ័យ ខ្លាចយ៉ាងខ្លាំងអំពីបញ្ហាអសន្តិសុខ សង្គមនិងអំពើចោរកម្ម លួច ឆក់ ប្លន់ គាស់ផ្ទះនិងអំពើហិង្សាគ្រួសារគ្រឿង ញៀន ជាដើមចមកើតចេញពីល្បែងសុីសងនេះ ឯង។
ដូច្នេះហើយទើបប្រជាពលរដ្ឋរស់នៅក្បែរទីតាំងខាងលើសូមសំណូមពរដល់លោកលោក ឃួង ស្រេង អភិបាលរាជធានីភ្នំពេញនិងលោកឧត្តមសេនីយ៍ឯក ជួន ណារិន្ទ ស្នងការនគរ បាលរាជធានីភ្នំពេញមេត្តាចាត់កម្លាំងជំនាញក្រោមឱវាទចុះពិនិត្យទប់ស្កាត់និងបង្រ្កាបទីតាំងល្បែង សុីសងជល់មាន់និងអាប៉ោងខុសច្បាប់ដុះស្លែ ស្ថិតក្នុងភូមិសាស្ត្រខាងលើអោយមានប្រសិទ្ធភាពស្រប តាមគោលនយោបាយ ភូមិ ឃុសង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួង មហាផ្ទៃ៕មានត
