ខេត្តត្បូងឃ្មុំ ៖ តាមប្រភពរាយការណ៍ពីពលរដ្ឋរស់នៅភូមិកោងកាង ឃុំកោងកាងបានអោយដឹងថា សង្វៀន ជល់មាន់ និងអាប៉ោងខុសច្បាប់របស់ឈ្មោះអុិន យ៉េងនៅ តែបន្តបើកអោយក្រុមញៀនល្បែងលេងយ៉ាងគគ្រឹកគគ្រេងដដែល ដែលស្ថិនៅភូមិ កោងកាង ឃុំកោងកាង ស្រុកពញាក្រែក ខេត្តត្បូងឃ្មុំ ជាមេល្បែងដុះស្លែប្រចាំស្រុកពញាក្រែកបើកលេងដោយរលូន រីឯអាជ្ញាធរនិងសមត្ថកិច្ចមូលដ្ឋានរក្សាភាពស្ងៀមស្ងាត់ ។ទីតាំងមួយកន្លែងនេះនៅចំណុចចំការកៅ ស៊ូ ស្ថិតនៅភូមិកោងកាង ឃុំកោងកាង ស្រុកពញាក្រែក នៅតែបន្តបើកអោយក្រុមញៀនល្បែងចេញចូលលេងជារៀងរាល់ថ្ងៃយ៉ាងគគ្រឹកគគ្រេងអនាធិបតេយ្យដដែលមិនខ្វល់ការបង្រ្កាបរបស់សមត្ថកិច្ចឡើយ ។ រីឯលោកអភិបាលស្រុកពញាក្រែកនិងលោកអធិការដ្ឋាននគរបាលស្រុកពញាក្រែក មិនហ៊ានចាត់ វិធានការទប់ស្កាត់និងបង្ក្រាបនោះទេបណ្តោយអោយឈ្មោះ អុិន យ៉េង ម្ចាស់សង្វៀនមាន់ជល់និងអាប៉ោងខុសច្បាប់មួយកន្លែងនេះបើកលេងដុះស្លែបានដោយរលូន ។
ប្រភពបានបន្តថា ម្ចាស់ទីតាំងល្បែងឈ្មោះ អុិន យ៉េង កំពុងកៀងគរប្រមូលក្រុមញៀនល្បែងមកជួបជុំគ្នាចូលលេង ល្បែងស៊ីសង ជល់មាន់ និងអាប៉ោងខុសច្បាប់នៅចំណុចចំការកៅស៊ូ ភូមិកោងកាង ឃុំកោងកាង ស្រុកពញាក្រែក ខេត្តត្បូងឃ្មុំ នៅតែបន្តបើកលេងបានដោយរលូនមិនរំខានដល់សមត្ថ កិច្ចឡើយ! មហាជនរិះគន់ដាក់ការសង្ស័យ ថា ប្រហែលម្ចាស់សង្វៀនល្បែងសុីសងខុសច្បាប់មួយនេះបានផ្ដល់ផលប្រយោជន៍ ដល់សមត្ថកិច្ចនិងអាជ្ញាធរទេដឹង?ជាថ្នូរមិនបង្រ្កាប។
សង្វៀនជល់មាន់និងអាប៉ោងខុសច្បាប់បើកភ្នាល់ចាក់ដាក់លុយចាញ់ឈ្នះរាប់លានរៀល រាប់ពាន់ដុល្លារ.ពិសេសអាប៉ោងសុីសាច់ហុត ឈាមនៅក្នុងសង្វៀនហើយស្រែកហ៊ោ កញ្រ្ចៀវកងរំពងយ៉ាងសប្បាយហាក់បីដូចមិនខ្លាចញញើតសមត្ថកិច្ចនិងអាជ្ញាធរអ្វីទាំង អស់ ។ មជ្ឈដ្ឋាននានាបានរិះគន់ទៅលើ អាជ្ញាធរនិងសមត្ថកិច្ចមូលដ្ឋានឃុំ.ស្រុក. មិនគួរបណ្តែតបណ្តោយធ្វើ ព្រងើយមិនមានចំណាត់ការបង្ក្រាបនោះទេ។ធ្វើអោយប្រជាពលរដ្ឋមានការព្រួយ បារម្ភភ័យខ្លាចអំពើបញ្ហាអសន្តិសុខសង្គមនិងអំពើចោរកម្ម.លួច .ឆក់.ប្លន់.គាស់ផ្ទះប្រើអំពើហិង្សាគ្រួសារ គ្រឿងញៀនដើមចមកើតចេញពីល្បែងសុី សងនេះឯង។
ប្រជាពលរដ្ឋក្នុងមូលដ្ឋានខាងលើសូមសំណូមពរដល់ថ្នាក់ដឹកនាំក្រសួងមហាផ្ទៃជាពិសេសលោកនាយឧត្តសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែងសុីសងខុស ច្បាប់មេត្តាចាត់មន្រ្តីក្រោមឱវាទខេត្តចុះទប់ស្កាត់និងបង្រ្កាបទីតាំងខាងលើអោយមាន ប្រសិទ្ធ ភាពផង។
ដូច្នេះហើយសូមលោក ជាម ច័ន្ទសោភ័ណ អភិបាល ខេត្តត្បូងឃ្មុំ.លោកឧត្តមសេនីយ៍ ទោ ម៉ុន មាគ៌ា ស្នងការនគរ បាលខេត្តត្បូង ឃ្មុំនិងលោកឧត្តមសេនីយ៍ត្រី រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ ចាត់កម្លាំងជំនាញចុះធ្វើការបង្ក្រាបជល់មាន់ និងអាប៉ោងខុសច្បាប់ដែលកំពុងបើកលេងនៅក្នុងមូលដ្ឋានភូមិ ឃុំ ខាងលើអោយមានប្រសិទ្ធ ភាពដើម្បីអោយស្របតាមគោលនយោបាយភូមិ ឃុំ សង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃផងទាន៕មានត
