ប្រភពពីប្រជាពលរដ្ឋរស់នៅក្នុងសង្កាត់អូរបែកក្អម ខណ្ឌសែនសុខ បានអោយដឹងថា មានទីតាំងបេីកល្បែងសុីសងហ្គេមបាញ់ត្រីខុសច្បាប់និងល្បែងជាច្រើនប្រភេទទៀតរបស់ជនជាតិចិនយីហោ”ចូសុីប៊ីយ៉ាក្ល”ស្ថិតនៅក្បែរស្ថានីយ៍ប្រេងឥន្ធន:ជាប់ស្តុបណតប្រីត នៅក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ កំពុងបើកដំណើរការលេងយ៉ាងគគ្រឹកគគ្រេង រីឯអាជ្ញាធរនិងសមត្ថកិច្ចមូលដ្ឋានរក្សាភពស្ងៀមស្ងាត់ មិនហ៊ានចាត់វិធានការទប់ស្កាត់និងបង្រ្កាបនោះទេ។
ប្រភពបន្តថា ទីតាំងល្បែងស៊ីសងហ្គេមបាញ់ត្រីនិងល្បែងខុសច្បាប់ច្រើនប្រភេទទៀតរបស់ជនជាតិចិនយីហោ”ចូសុីប៊ីយ៉ាក្ល”កំពុងបើកដំណើរការលេងយ៉ាងពេញបន្ទុក រីឯ អាជ្ញាធរនិងសមត្ថកិច្ចនៅក្នុងមូលដ្ឋានមិនហ៊ានបង្រ្កាបនោះទេ!ហ៊ានផ្គើនទៅនឹងបទបញ្ជា របស់សម្តេចតេជោ ហ៊ុន សែន អតីត នាយករដ្ឋមន្ត្រីនៃកម្ពុជា ស្តីពីការទប់ស្កាត់និងបង្ក្រាបរាល់បទល្មើសល្បែងស៊ីសងគ្រប់ប្រភេទ ទូទាំងប្រទេសអោយខានតែបានគ្មានការលើកលែង ។ដោយឡែកករណីល្បែងសុី សងហ្គេមបាញ់ត្រីខុសច្បាប់របស់ជនជាតិ ចិនខាងលើនេះលោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខ និងលោក ម៉ូវ ម៉ានិត អភិបាល ខណ្ឌសែនសុខ ហាក់ដូចមិនមានវិធានការទប់ស្កាត់និងបង្រ្កាបទាល់តែសោះ ឬមួយលោកមិនទាន់ជ្រាប.!។
ដូច្នេះហើយទើបប្រជាពលរដ្ឋរស់នៅមូល ដ្ឋានខាងលើសូមសំណូមពរដល់លោក ឃួង ស្រេង អភិបាលរាជធានីភ្នំពេញនិងលោកឧត្តមសេនីយ៍ឯក ជួន ណារិន្ទ ស្នងការនគរ បាលរាជធានីភ្នំពេញ មេត្តាចាត់មន្រ្តីក្រោមឱវាទចុះទប់ស្កាត់និងបង្ក្រាបល្បែងស៊ីសងហ្គេមបាញ់ត្រីនិងល្បែងច្រើនប្រភេទទៀតខុសច្បាប់របស់ជនជាតិចិនយីហោ”ចូសុីប៊ីយ៉ាក្ល” ខាងលើអោយមានប្រសិទ្ធភាពស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃផងទាន ៕ មានត
