ត្បូងឃ្មុំ៖ ប្រភពពីប្រជាពលរដ្ឋស្រុក ត្បួងឃ្មុំ បានអោយដឹងថា សង្វៀន ជល់មាន់និងអាប៉ោងខុសច្បាប់កំពុង បើកលេងយ៉ាងគគ្រឹកគគ្រេងពពាក់ពពូនដែលស្ថិតនៅចំណុចទួលកែវក្រោយវត្តទន្លេបិទ ភូមិទន្លេបិទ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ រីឯអាជ្ញាធរនិងសមត្ថកិច្ចមូលដ្ឋានហាក់ដូចរក្សាភាពស្ងៀមស្ងាត់! មិនចាត់វិធានការទប់សង្កាត់និងបង្ក្រាបអោយស្របតាមគោលនយោបាយ ភូមិ ឃុំ សង្កាត់ មានសុវត្ថិភាព៧ ចំណុចដែលរាជរដ្ឋាភិបាលបានដាក់ ចេញដោយក្រសួងមហាផ្ទៃនោះទេ។
ប្រភពបានបន្តថា ម្ចាស់សង្វៀនមាន់ ជល់និងអាប៉ោងមួយកន្លែងនេះបាន គៀងគរបក្សពួកប្រមូលផ្ដុំក្រុមអ្នក ញៀនល្បែងមកជួបជុំគ្នាបើកលេងល្បែងបានយ៉ាងរលូន មិនឃើញអាជ្ញាធរនិងសមត្ថកិច្ចមូលដ្ឋាន ឃុំ ស្រុក ចុះមកធ្វើការទប់ស្កាត់ឬមួយបង្ក្រាបនៅឡើយ?ឬមួយអាជ្ញាធរនិង សមត្ថកិច្ចមូលដ្ឋាន បានទទួលផលប្រយោជន៍ពីម្ចាស់សង្វៀនទេដឹង ? ទើបនាំគ្នារក្សាភាពស្ងៀមស្ងាត់បែបនេះ។
ប្រភពបន្ថែមថា ម្ចាស់សង្វៀនមាន់ ជល់និង អាប៉ោង មានឈ្មោះ សុខ និងឈ្មោះ ណាន ជើងខ្លាំងក្នុងការ បើកល្បែងសុីសងប្រចាំខេត្តត្បូងឃ្មុំហើនបានអួតអាងថា ទីតាំងមួយកន្លែងនេះគេបានរត់ការបង់សួយ សារជូនអាជ្ញាធរនិងសមត្ថកិច្ចថ្នាក់ក្រោមរហូតដល់លើទើបអាចឈរ ជើងបើកបានមកដល់សព្វថ្ងៃ!ដូច្នេះមិនខ្វល់ក្នុងការបង្រ្កាបអ្វីទាំងអស់។
ប្រជាពលរដ្ឋរស់នៅក្នុងមូលដ្ឋានខាងលើបានរិះគន់អាជ្ញាធរនិងសមត្ថកិច្ចមូលដ្ឋានថា ល្បែងសុី សងបើកលេងគគ្រឹក គគ្រេង មិនព្រមបង្រ្កាបនោះទេ?ធ្វើឲ្យប្ដីឬកូនៗពួកគាត់បោះបង់ការងារគិតតែលេងល្បែងចាញ់អស់ម៉ូតូ.ឡានសូម្បីទ្រព្យសម្បត្តិនៅក្នុងផ្ទះមានបន្តិចបន្តួច ក៍យកទៅបញ្ចាំអស់គ្មានសល់ សព្វ ថ្ងៃនេះពួកគាត់នាំគ្នាព្រួយបារម្ភអំពីបញ្ហាអសន្តិសុខសង្គមនិងបទល្មើសផ្សេងៗដូចជា លួច ឆក់ ប្លន់ គាស់ផ្ទះគ្រឿញៀននិងអំពើហិង្សាក្នុងគ្រួសារដើមចមកើតចេញពីល្បែងសុីសងនេះ ឯង។
ប្រជាពលរដ្ឋរស់នៅមូលដ្ឋានសូមអំពាវនាវដល់លោក ជាម ច័ន្ទសោ ភ័ណ្ឌ អភិបាលខេត្តត្បូងឃ្មុំនិងលោក ម៉ុន មាគ៌ា ស្នងការនគរខេត្តត្បូងឃ្មុំសូមមេត្តាចាត់កម្លាំងជំនាញក្រោមឱវាទចុះបង្រ្កាបសង្វៀនជល់ មាន់ និងអាប៉ោងខុសច្បាប់កំពុងដំណើរការបើកលេងនៅក្នុងមូល ដ្ឋានខាងលើនេះអោយស្របតាម គោលនយោបាយ ភូមិ ឃុំ សង្កាត់មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ៕មានត