ខេត្តក្រចេះ ៖ មហាជនក៍ដូចប្រជាពលរដ្ឋកំពុងមានចម្ងល់ដូចៗគ្នាថា តើបុគ្គលឈ្មោះ ផល្លី ម្ចាស់សង្វៀនល្បែងស៊ីសងជល់មាន់ បៀ និងអាប៉ោងខុសច្បាប់ចល័តមួយកន្លែងទៅមួយកន្លែងបើកលេងដុះស្លែយ៉ាងគគ្រឹក គគ្រេងដោយរលូនរីឯអាជ្ញាធរនិងសមត្ថកិច្ចមូលដ្ឋានរក្សាភាពស្ងៀមស្ងាត់ ។ទីតាំងលេងសម្រាប់ផ្លាស់ប្ដូរចល័តរបស់ឈ្មោះ ផល្លី មាន ២ទៅ៣កន្លែង៖ទី១/ចំណុចចំការកៅស៊ូ និងចំការស្វាយចន្ទីក្នុងស្រុកព្រែកប្រសព្វខេត្តក្រចេះនៅតែបន្តបើកលេងបានយ៉ាងសកម្មជារៀងរាល់ថ្ងៃយ៉ាងគគ្រឹកគគ្រេងអនាធិបតេយ្យបំផុត ។ រីឯលោកអភិបាល ស្រុកព្រែកប្រសព្វនិងលោកអធិការដ្ឋាននគរបាលស្រុកព្រែកប្រសព្វ មិនហ៊ានចាត់ វិធានការទប់ស្កាត់និងបង្ក្រាបឡើយទុកអោយម្ចាស់សង្វៀនល្បែងខុសច្បាប់មួយនេះបើកលេងខុសច្បាប់បានដោយរលូន ។
ប្រភពប្រជាពលរដ្ឋរស់នៅមូលដ្ឋានបានបង្ហើបថា ម្ចាស់ទីតាំងល្បែងកំពុងកៀងគរក្រុមញៀនល្បែងមកជួបជុំគ្នាលេង ល្បែងស៊ីសងជល់មាន់ និងអាប៉ោងខុសច្បាប់លើ ទឹកដី ឃុំព្រែកប្រសព្វ ស្រុកព្រែកប្រសព្វ បន្តបើកលេងបានទៅដោយរលូន! មហាជនដាក់ការសង្ស័យថា ម្ចាស់សង្វៀនល្បែងសុី សងខុសច្បាប់បានផ្ដល់ផលប្រយោជន៍ ដល់សមត្ថកិច្ចនិងអាជ្ញាធរជាថ្នូរមិនធ្វើការបង្រ្កាប ។
សង្វៀនមួយកន្លែងនេះនាំគ្នាបើកលេងជល់មាន់និងអាប៉ោងខុសច្បាប់ភ្នាល់ចាក់ដាក់ លុយចាញ់ឈ្នះរាប់លានរៀល រាប់ពាន់ដុល្លារ.ពិសេសអាប៉ោងសុីសាច់ហុតឈាមនៅក្នុងសង្វៀនមួយនេះស្រែកហ៊ោកញ្រ្ចៀវកងរំពងយ៉ាងសប្បាយហាក់បីដូចមិនខ្លាចអ្វីទាំងអស់ ។ មជ្ឈដ្ឋាននានាបានរិះគន់ទៅលើ អាជ្ញាធរនិងសមត្ថកិច្ចមូលដ្ឋានឃុំ ស្រុកព្រែកប្រសព្វ ខេត្តក្រចេះ មិនគួរបណ្តែត បណ្តោយធ្វើព្រងើយមិនមានចំណាត់ការបង្ក្រាបសោះ។ ប្រជាពលរដ្ឋក្នុងមូលដ្ឋានកំពុងមានការព្រួយបារម្ភភ័យខ្លាចអំពើចោរកម្ម លួច ឆក់ ប្លន់ គាស់ផ្ទះនិងអំពើហិង្សាគ្រួសារ គ្រឿងញៀនកើតមានគួរអោយកត់សម្គាស់ដើមចមកើតចេញ ពីល្បែងសុីសងនេះឯង។ ប្រជាពលរដ្ឋក្នុងមូលដ្ឋានសូមអំពាវនាវដល់លោកនាយឧត្តសេនីយ៍ ស ថេត អគ្គស្នងការនគរបាលជាតិមេត្តាពិនិត្យមន្រ្តីថ្នាក់មូលដ្ឋានផងទានដែលបណ្ដោយអោយមានល្បែងសុីសងក្នុងមូល ដ្ឋានរបស់ខ្លួនមិនព្រមបង្រ្កាប។
ប្រជាពលរដ្ឋដែលរស់នៅក្នុងមូលដ្ឋានខាង លើសូមអំពាវនាវដល់លោក វ៉ា ថន អភិ បាលខេត្តក្រចេះ.លោកឧត្តមសេនីយ៍ទោ អ៊ូ សុបុណ្ណា ស្នងការនគរបាលខេត្តក្រចេះនិងលោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ គួរចាត់កម្លាំងជំនាញចុះធ្វើការបង្ក្រាប សង្វៀន ជល់មាន់ បៀ និងអាប៉ោងខុសច្បាប់ដែលកំពុង បើកលេងនៅក្នុងមូលដ្ឋាន ភូមិ ឃុំ ខាងលើ ចល័តពីកន្លែងមួយទៅកន្លែងមួយទៀតអោយមានប្រសិទ្ធ ភាពដើម្បីអោយស្របតាមគោលនយោបាយភូមិ ឃុំ សង្កាត់ មានសុវត្ថិភាព ទាំង៧ ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃ ៕មានត
