ភ្នំពេញ ៖ លោក លី សាវេត អភិបាលនៃគណៈ អភិបាលខណ្ឌសែនសុខ និងជាប្រធានកិត្តិយគណៈ កម្មាធិការអនុសាខាកាកបាទក្រហមកម្ពុជា ខណ្ឌ សែនសុខ, លោក ម៉ូវ ម៉ានិត អភិបាលរងខណ្ឌ សែន សុខ, លោក ទៀវ សំអឿន អភិរងបាលខណ្ឌសែនសុខ និងយុវជនខណ្ឌជាច្រើននាក់ នៅវេលាម៉ោង ៣និង ៣០នាទីរសៀលថ្ងៃទី២៦ ខែមីនា ឆ្នាំ២០១៥នេះបាននាំយកអំណោយ របស់ សម្ដេច កិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចែកជូនគ្រួសារចាស់ជរាចំនួន៥២ គ្រួសារស្ថិតនៅក្នុងបរិវេនវត្តក្រាំធ្នង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
លោកអភិបាលខណ្ឌ លី សាវេត បានលើកឡើងក្នុង ពិធីដែលបានធ្វើការចែកអំណោយនិង ចំពោះ អំណោយដែលបានចែកជូនគ្រួសារចាស់ជរាមាន៥២ គ្រួសារដោយក្នុង១គ្រួសារទទួលបានរួមមានគ្រឿងឩបភោគបរិភោគ អង្ករចំនួន២៥គីឡូ ម៊ីចំនួន១កេះត្រីខចំនួន១០កំប៉ុងនិងធីប១មានច្រកម៊ុងចំនួន១ភួយចំនួន១សារ៉ុង ចំនួន១ និងក្រម៉ាចំនួន១ និងមានថវិកាចំនួន២ម៉ឺនរៀល ដែលជាថវិការបស់សាលាខណ្ឌសែនសុខជូនដល់ គ្រួសារចាស់ជរាចំនួន៥២គ្រួសារដែលបានមក ពីភូមិផ្សេងៗគ្នាស្ថិតនៅក្នុង សង្កាត់ក្រាំងធ្នង់ ខណ្ឌ សែនសុខ រួមមាន៧ភូមិ ។ ព្រះចៅអធិការវត្ត ក្រាំងធ្នង់ ព្រះនាម ខៀវ ផន បានឧបតម្តនូវគ្រឿង ឧបភោគបរិភោគ និងបច្ច័យ បន្ថែមក្នុងមួយគ្រួសារ ១ម៉ឺនរៀលរៀលបន្ថែមទៀត។
អភិបាលខណ្ឌ លី សាវេត បានលើក ឡើងនៅក្នុងពិធីចែកអំណោយនិងចូលរួមចែករំលែកក៏ដូចជារំឡឹកទៅដល់ប្រជាពលរដ្ឋពាក់ព័ន្ធទៅនឹងការលេងល្បែងស៊ីសងពីព្រោះល្បែងស៊ីសងវាមិនមានអ្វីរីកចំរើនដល់គ្រួសារទេ។
ក្នុងឱកាសនោះដែរ លោក លី សាវេត អភិបាលខណ្ឌ សែន សុខបានពាំនំយកប្រសាសន៍ផ្តាំផ្ញើសួរសុខទុក្ខ របស់សម្តេចគតិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ថ្វីត្បិតតែអំណោយ នេះ វាតិចតួចក៏ពិតមែនប៉ុន្តែ វាអាចជួយបន្ធូរការ លំបាករបស់ប្រជាពលរដ្ឋបានមួយគ្រាផងដែរ ។ ដូចពាក្យស្លោកបានលើកឡើងថា ទីណាមានទីទាល់ ក្រលំបាក ជំនួយកាកបាទក្រហមជួយជានិច្ច ៕