ស្វាយរៀង៖ តាមប្រភពរបាយការណ៍ពីស្រុកកំពង់រោទិ៍បានអោយដឹងលោក ចាន់ តារា ប្រធានការិយាល័យគយច្រកទ្វារអន្តរជាតិព្រៃវល្លិ៍ ស្រុកកំពង់រោទិ៍ ខេត្តស្វាយរៀងដេក យោលជើងចាំយកលុយពីឈ្មួញដឹកទំនិញចេញចូលស្រុកយួនយ៉ាងស្រួលការ ដឹកទំនិញទាំងចេញទាំងចូលនៅច្រកទ្វារព្រំដែនអន្តរជាតិព្រៃវល្លិ៍ស្ថិតក្នុងស្រុកកំពង់រោទិ៍ខេត្តស្វាយ រៀងគឺជាប្រភពសេដ្ឋកិច្ចដ៏សំខាន់របស់មន្ត្រីគយដែលប្រចាំការនៅទីនោះ។ ពោលគឺ អ្វីៗអាស្រ័យទៅលើបបូរមាត់របស់លោកចាន់ តារា ប្រធានការិយាល័យគយច្រកព្រៃវល្លិ៍នោះផ្ទាល់តែម្ដង។ ចំណុចសំខាន់ពីរដែលកំពុងកើតឡើងនៅទីនោះគឺទំនិញទាំងឡាយមិនចាំបាច់ឆ្លងការ ត្រួត ពិនិត្យអ្វីទេនិងករណីជួលជនស៊ីវិលហើយ ជួយបំពេញការងារក្នុងការប្រមូលប្រាក់។
ប្រភពពីមន្រ្តីអង្គភាពផ្សេងៗដែលប្រចាំការនៅច្រកទ្វារអន្តរជាតិព្រៃវល្លិ៍ ស្រុកកំពង់រោទិ៍ បានឲ្យដឹងថា មានឈ្មួញធំៗច្រើននាក់រកស៊ីនាំចូលទំនិញគេចពន្ធ ឬទំនិញបង់ពន្ធមិនគ្រប់ និងទំនិញខុសច្បាប់នាំពីប្រទេសវៀត ណាមតាមច្រកនេះយ៉ាងរលូន។ ឈ្មួញធំៗទាំងនោះគឺម៉ូយដ៏សំខាន់របស់លោក ចាន់ តារា ប្រធានការិយាល័យគយច្រកទ្វារអន្តរ ជាតិព្រៃវល្លិ៍ ដែលកំពុងសាងភាពល្បីល្បាញខាងប្រព្រឹត្តរបៀបពុករលួយដោយគ្មានញញើតអ្វីទាំងអស់។ ចំណែកប្រធានសាខា គយខេត្តស្វាយរៀង មិនចាត់វិធានការទប់ ស្កាត់អំពើពុករលួយរបស់លោក ចាន់ តារា នោះទេ ហើយបណ្ដោយឲ្យលោក ចាន់ តារា ធ្វើអ្វីៗស្រេចតែអំពើចិត្តរបស់ខ្លួន។
ប្រភពដដែលបានឲ្យដឹងថា បន្ទាប់ពីលោក ចាន់ តារា ទទួលបានតំណែងជាប្រធានការិយាល័យគយច្រកទ្វារអន្តរជាតិព្រៃវល្លិ៍ កាលពីថ្ងៃទី០៦ ខែកក្កដា ឆ្នាំ២០២០ រហូត មកដល់បច្ចុប្បន្នគឺលោក ចាន់ តារា ប្រើតួនាទី និងអំណាចប្រមូលលុយតាមរបៀប ពុករលួយយ៉ាងពេញបន្ទុក។ ទំនិញដែលឆ្លងកាត់ក្នុងដែនសមត្ថកិច្ចរបស់លោក ចាន់ តារា គឺមិនចាំបាច់មានការត្រួតពិនិត្យអ្វីទេដោយគ្រាន់តែបង់លុយតាមការកំណត់របស់លោកប្រធានការិយាល័យគយចាន់ តារា ជាការស្រេច។
អ្វីដែលគេចាប់អារម្មណ៍នោះគឺមានជនស៊ីវិលត្រូវបានគេជួលមកឲ្យជួយធ្វើការក្រុមមន្ត្រី គយនៅច្រកព្រៃវល្លិ៍ ។ ពីព្រោះថា ជាមន្ត្រី គយដែលសល់លុយវាល់លានដុល្លារហើយនោះ មិនអាចទៅកើតឈ្ងោក មើលទំនិញនៅតាមរថយន្តដែលឆ្លងដែននោះបានឡើយ។ដោយសារតែជាមន្ត្រីធំបែបនេះហើយទើបទំនិញទាំង ឡាយមិនចាំបាច់ឆ្លងកាត់ការត្រួត ពិនិត្យនិងបើមានការត្រួត ពិនិត្យក៏មិនមែនជាមន្ត្រីជំនាញជាអ្នកត្រួតពិនិត្យនោះដែរ។ ផ្ទុយទៅវិញគឺជាជនស៊ីវិលដែលគយជួលឲ្យដើរមើលរថយន្តដឹកទំនិញឆ្លងកាត់តែ ប៉ុណ្ណោះ។
ប្រភពស្និទ្ធនឹងលោក ចាន់ តារា បានបន្ថែមឲ្យដឹងទៀតថា ប្រសិនបើគ្មានការបើកដៃពី សំណាក់មេសាខាគយ ខេត្ត ស្វាយរៀង ទេនោះគឺលោក ចាន់ តារា មិនអាចប្រព្រឹត្តអំពើពុករលួយតាមរបៀបជិះ សេះលែងដៃដូចសព្វថ្ងៃនេះទេ។ ភាពមិនប្រក្រតីពុករលួយរបស់លោក ចាន់ តារា ប្រធានការិយាល័យគយច្រកព្រៃវល្លិ៍ ស្រុកកំពង់ រោទិ៍ ខេត្តស្វាយ រៀង ដូចជា៖ច្រករបៀងដើម ស្នាយ ក្នុងភូមិដីថ្មី ឃុំថ្មី ស្រុកកំពង់ រោទិ៍ ជាច្រកប្រភពចំណូលដ៍សំខាន់របស់ មន្រ្តីគយដែលប្រចាំការនៅទីនោះដោយលំហូរទំនិញទាំងអស់មិនចាំ បាច់ឆ្លងការត្រួតពិនិត្យថែម ទាំងមានជនសុីវិលលបលួចធ្វើសកម្មភាពបាញ់នឹងជំពាមកៅស៊ូមកលើអ្នកសារព័ត៌មានដែលចុះថតផ្ដិតរូបភាពផ្សព្វ ផ្សាយនេះជារឿងមិនអាចបិទ បាំងបាននោះទេព្រោះបណ្ដាញព័ត៌មាននានាបានចុះផ្សាយភាពមិនប្រក្រតីរបៀបពុករលួយជាបន្តបន្ទាប់ ។ហេតុនេះហើយទើបមានការអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើ ពុករលួយ គួរដាក់មន្រ្តីក្រោមឱវាទចុះស្រាវជ្រាវសេុីបអង្កេតអោយសុីជម្រៅទៅលើលោក ចាន់ តារា ប្រធានការិយាល័យគយច្រកទ្វារអន្តរជាតិព្រៃវល្លិ៍ ស្រុកកំពង់រោទិ៍ ខេត្តស្វាយរៀងនេះផង។
ពាក់ព័ន្ធព័ត៌មានខាងលើ (www.enn-tv.com)យើងខ្ញុំរងចាំនូវការពន្យល់បក ស្រាយពីលោក ចាន់ តារា ប្រធានការិយា ល័យគយច្រកទ្វារអន្តរជាតិព្រៃវល្លិ៍ ស្រុកកំពង់រោទិ៍ ខេត្តស្វាយរៀងរាល់ម៉ោងធ្វើការ៕មានត
