មណ្ឌលគីរី ៖ មន្ត្រីអង្គការក្រៅរដ្ឋាភិបាលដែលឃ្លាំមេីល បទល្មេីសព្រៃឈេីក្នុងខេត្តមណ្ឌលគីរី ចាប់ពីថ្ងៃទី០៩ ខែកញ្ញា ឆ្នាំ ២០២៣ រហូតដល់បច្ចុប្បន្ននេះ ដែលក្រុមការងារថតផ្ដិតយករូបភាពផ្សព្វផ្សាយសកម្ម ភាពឈ្មួញដឹកជញ្ជូនឈើឈ្មោះ គោ ហៅ រ័ត្ន បន្តដឹកជញ្ជូនឈើ តាមរយៈរថយន្តធុនត្រា ដឹកចេញពីស្រុកអូររាំង និងចេញពីភូមិ ពូចា ឃុំស្រែព្រះ ស្រុកកែវសីមា យកទៅទម្លាក់នៅចំណុច៣៥ បន្តដឹកឆ្លងដែនទៅលក់នៅស្រុកយួនយ៉ាងពេញបន្ទុក រីឯ អាជ្ញាធរមន្រ្តីជំនាញសមត្ថកិច្ចពាក់ព័ន្ធក្នុងខេត្តមណ្ឌលគីរី រក្សាភាពស្ងៀមស្ងាត់។
មជ្ឈដ្ឋានខាងក្រៅ រិះគន់ចំៗទៅលេីមេរដ្ឋ បាលព្រៃឈេីខេត្តមណ្ឌលគីរី និងប្រធាន មន្ទីរបរិស្ថានខេត្តមណ្ឌលគីរី ជាអ្នកបេីក ភ្លេីងខៀវ អោយមេឈ្មួញឈេីឈ្មោះ គោ ហៅ រត្ន័ និងបក្សពួក ដែលមានខ្នងបង្អែករឹងមាំនៅពីក្រោយទេីបឈ្មោះ គោ ហៅ រ័ត្ន ហ៊ានធ្វើអ្វីៗតាមទំនេីងចិត្ត។
ព្រៃឈើក្នុងដែនជម្រកសត្វព្រៃស្រុកកែវសីមា រងការកាប់បំផ្លាញគួរឲ្យព្រួយបារម្ភបំផុតខណៈដែលលោក ថង សាវុន អភិ បាលខេត្តមណ្ឌលគីរី និងលោក ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគីរី និងលោក ឡោ សុខា ស្នងការនគរបាលខេត្តមណ្ឌលគិរី រក្សាភាពស្ងៀមស្ងាត់ បណ្ដែតបណ្ដោយឲ្យឈ្មួញឈើដុះស្លែប្រចាំស្រុកកែវសីមា ឈ្មោះ គោ ហៅ រត្ន័ ដឹកជញ្ជូនឈើចេញពី ដែន ជម្រកសត្វព្រៃកែវសីមា យកទម្លាក់នៅចំណុច ៣៥ រួចដឹកចេញបន្តយកទៅលក់នៅស្រុកយួនយ៉ាងសុខស្រួលបំផុត ។
ប្រជាពលរដ្ឋអំពាវនាវដល់លោក ឌិត ទីណា រដ្ឋមន្ត្រីក្រសួងកសិកម្មរុក្ខាប្រម៉ាញ់និងនេសាទ.លោក អ៊ាង សុផល្លែត រដ្ឋមន្ត្រីក្រសួងបរិស្ថាន ជាពិសេសនាយឧត្តមសេ នីយ៍ សៅ សុខា មេបញ្ជាការកងរាជអាវុធ ហត្ថលើផ្ទៃប្រទេសនិងជាប្រធានគណៈកម្ម ការថ្នាក់ជាតិដេីម្បីទប់ស្កាត់ធនធានធម្មថ្នាក់ជាតិ នីតិកាលទី៧ មេត្តាចាត់មន្រ្តីក្រោមឱវាទចុះត្រួតពិនិត្យទៅលើមេឈ្មួញឈើឈ្មោះ គោ ហៅ រត្ន័ និងបក្សពួកជាបន្ទាន់ ផង បេីមិនដូច្នោះទេព្រៃឈើដែលនៅសេស សល់ បន្តិចបន្តួចក្នុងដែនជម្រកសត្វព្រៃកែវសីមា ពិតជាវិនាសអស់ក្រោមស្នាដៃមេឈ្មួញឈ្មោះ គោ ហៅ រ័ត្ន ជាក់ជាពុំខាន់ឡើយ។ពាក់ព័ន្ធព័ត៌មានខាងលើគេហទំព័រ (www.enn-tv.com) យើងខ្ញុំរងចាំនូវការពន្យល់បកស្រាយពីសាមុីភាគីពាក់ព័ន្ធ រាល់ម៉ោងធ្វើការ៕មានត
