ពិតមិនធម្មតា ករណីប្រធានមន្ទីររៀបចំដែន ដីខេត្តកំពង់ស្ពឺ ប្រើថ្នាំOKកែឯកសារប្រវត្តិរូបដើម្បីបន្ថយអាយុចូលនិវត្តន៍ លោក សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងដែនដីនគររូបនីយកម្មសំណង់និងសុរិយោដី ចាត់មន្ត្រីអធិការកិច្ចបើកការស៊ើបអង្កេតស្រាវជ្រាវអោយសុីជម្រៅទៅលើករណីលោក តាប់ ម៉ាឡៃ ប្រធានមន្ទីររៀបចំដែនដីនគរូប នីយកម្មសំណង់និងសុរិយោដី ខេត្តកំពង់ស្ពឺលេងប៉ាហ៊ីឆ្ពិនភ្នែកកុហក់ថ្នាក់ដឹកនាំកែប្រវត្តិរូបថ្ងៃ ខែ ឆ្នាំ កំណើត ដើម្បីពន្យល់ពីចូលនិវត្តន៍នោះបានដែរឬទេ?មិនតែប៉ុណ្ណោះទង្វើរបស់លោកប្រធានមន្ទីរត្រូវប្រឈមចំពោះមុខច្បាប់។
ប្រភពមន្រ្តីរាជការក្នុងមន្ទីរបានបន្តថា លោក តាប់ ម៉ាឡៃ ប្រធានមន្ទីររៀបចំដែនដីនគរូប នីយកម្មសំណងនិងសុរិយោដីខេត្តកំពង់ស្ពឺ បានរត់ការកែឆ្នាំកំណើត ដើម្បីពន្យារអាយុចូលនិវត្តន៍ខណះនៅសល់ត្រឹមតែ៣ខែទៀតនឹងត្រូវចូលនិវត្តន៍ បើតាមឆ្នាំកំណើតពិត ប្រាកដ។
ប្រភពមន្ត្រីម្នាក់បំរើការងារនៅមន្ទីររៀបចំដែនដីរូបនីយកម្មសំណង់នឹងសុរិយោដីខេត្តកំពង់ស្ពឺ សូមមិនបញ្ចេញឈ្មោះបានឲ្យដឹង ថា តាមការពិតលោក តាប់ ម៉ាឡៃ នៅសល់ រយះពេលតែជាង៣ខែទៀតនឹងត្រូវដល់គ្រប់អាយុចូលនិវត្តន៍ដោយថ្ងៃ ខែ ឆ្នាំ កើតពិត ប្រាកដ របស់លោក តាប់ ម៉ាឡៃ ថ្ងៃទី៥ ខែ៧ ឆ្នាំ១៩៦៤ ស្រាប់តែឈ្មោះលោក តាប់ ម៉ាឡៃ នៅក្នុងតារាងទូទាត់ប្រៀវត្យប្រចាំ ខែសីហា ឆ្នាំ២០២៣ កន្លងមកបែរជាឆ្នាំកំណើតលោក តាប់ ម៉ាឡៃ ថ្ងៃទី៥ខែ៧ ឆ្នាំ១៩៦៧ ទៅវិញ។ពោលគឺបន្ថយអស់រយៈពេល ៣ ឆ្នាំទៀត មានន័យថា៣ឆ្នាំទៀតទើបលោកចូលនិវត្តន៍ ។
ប្រភពបានបន្តទៀតថា មន្ត្រីជាច្រើនដែលបំរើការងារនៅក្នុងមន្ទីររៀបចំដែនដីនគររូបនីយកម្មសំណង់និងសុរិយោដីខេត្តកំពង់ស្ពឺម្នាក់ៗឆ្ងល់ថាធ្លាប់តែស្រីៗដែលប្រើថ្នាំOKប៉ុន្តែមក ដល់បច្ចុប្បន្ននេះមានប្រុសៗប្រើថ្នាំ OK ដែរដើម្បីបន្ថយអាយុអង្គុយកៅអីខ្លាញ់មួយនេះ ។
ប្រភពបន្ថែមទៀតថា បើប្រធានមន្ទីររបស់ពួកយើងអាចធ្វើរបៀបនេះបាន តើប្រធានអង្គភាពផ្សេងៗត្រូវចូលនិវត្តន៍ជាបន្តបន្ទាប់នោះ មានអារម្មណ៍យ៉ាងណាដែរ ?តើទង្វើបែបនេះសមស្របដែរឬទេ? ឬមួយថា លោកមានលុយអាចធ្វើអ្វីៗបានតាមអំពើចិត្តមែនទេ?។ គេនិយាយថា វាជាការឃុបឃិតគ្នាជាប្រព័ន្ធរវាងមន្ត្រីនៅសាលា ខេត្តកំពង់ស្ពឺនិងក្រសួងដែនដីនគរូបនីយកម្មសំណង់ និងសុរិយោដីនៅមុនពេលដែល អតីតឧបនាយករដ្ឋមន្ត្រី ជា សុផារ៉ា ចាកចេញ ។
យ៉ាងណាក៏ដោយក្រុមមន្ត្រី នៃមន្ទីរដែនដីខេត្តកំពង់ស្ពឺសង្ឃឹមថា លោកឧបនាយករដ្ឋមន្ត្រី សាយ សំអាល់ នីតិកាលទី៧ មិនបណ្ដោយឲ្យបញ្ហាអយុត្តិធម៌មួយនេះកើត នៅក្នុងស្ថាប័នលោកនោះឡើយ។ជាងនេះទៅទៀតនៅ ក្នុងអំណាចដ៏យូរលង់របស់លោក តាប់ ម៉ាឡៃ នៅខេត្តកំពង់ស្ពឺ នោះលោកប្រព្រឹត្តអំពើពុករលួយយូរច្រើនណាស់ មកហើយល្មមដើរចេញដោយអស់ចិត្តហើយ ។ គេជឿថាប្រសិនបើមានការស៊ើបអង្កេតស្រាវជ្រាវឲ្យស៊ីជម្រៅនោះលោក តាប់ ម៉ាឡៃ មានបញ្ហាជាច្រើនរួមទាំងបញ្ហានៃការកែថ្ងៃខែឆ្នាំកំណើតនេះផង។ពាក់ព័ន្ធព័ត៌មានខាងលើគេហទំព័រ(www.enn-tv.com) យើងខ្ញុំរងចាំនូវការពន្យល់បកស្រាយពីលោក រាប់ ម៉ាឡៃប្រធានមន្ទីររៀបចំដែនដីនគរូនីយកម្មសំណង់និងសុរិយោដីខេត្តកំពង់ស្ពឺផងទាន