ខេត្តកំពង់ចាម ៖ តាមប្រភពរាយការណ៍ពីប្រជាពលរដ្ឋភូមិសូសែនបានអោយដឹងថា ល្បែងសុីសងជល់មាន់តាមប្រព័ន្ធអនឡាញខុសច្បាប់ ដែលស្ថិតនៅភូមិសូសែន ឃុំស្វាយរក្ស ស្រុកព្រៃឈរ ខេត្តកំពុងចាម បើកដំណើរការល្បែងសុីសងចាក់ភ្នាល់ដាក់លុយចាញ់ឈ្នះរាប់លានរៀលក្នុងមួយថ្ងៃៗគគ្រឹក គគ្រេងស្រែកហ៊ោ កញ្ជ្រៀវត្រហឹងកងរំពងយ៉ាងអនាធិបតេយ្យរីឯអាជ្ញាធរនិងសមត្ថកិច្ចក្នុងមូលដ្ឋាន បាននាំគ្នារក្សាភាពស្ងៀមស្ងាត់ បណ្តោយអោយបុគ្គលម្ចាស់បនល្បែងបើកលេងសុីសងនៅក្នុងមូលដ្ឋានដោយសេរីយ៉ាងរលូនមិនព្រមបង្ក្រាប! ហ៊ានផ្គើនបទបញ្ជាសម្តេចតេជោ ហ៊ុន សែន ទៀតផង។
ប្រភពបន្តថា ទីតាំងបនល្បែងសុីសងជល់មាន់តាមប្រព័ន្ធ អនឡាញខុសច្បាប់នេះកំពុងបើកលេងគគ្រឹកគគ្រេងអនាធិបតេយ្យយ៉ាងរលូន រីឯលោក ខេង ម៉េងឈុន អភិ បាលស្រុកព្រៃឈរ ខេត្តកំពង់ចាមនិងលោក វរ:សេនីយ៍ឯក សេង ណា អធិការដ្ឋាននគរ បាល ស្រុកព្រៃឈរ ខេត្តកំពង់ចាម មិនព្រមបង្រ្កាប!អោយស្រប តាមគោលនយោបាយ ភូមិ ឃុំ មានសុវត្ថិភាព ៧ ចំណុចរបស់រដ្ឋាភិ បាលដែលបានដាក់ចេញដោយក្រសួងមហា ផ្ទៃនោះទេ។ ប្រជាពលរដ្នរស់នៅក្នុងភូមិសូ សែន ឃុំស្វាយរក្ស ស្រុកព្រៃឈរ មានការព្រួយបារម្ភភ័យខ្លាចបញ្ហាអសន្តិសុខសង្គមអំពើចោរកម្មចោរលូច.ចោរ ឆក់.ចោរគាស់ផ្ទះ. គ្រឿងញៀននិងប្រើអំពើហិង្សាគ្រួសារដើម ចមកើតចេញពីល្បែងសុីសងនេះឯង។
ប្រជាពលរដ្ឋរស់នៅក្នុងមូល ដ្ឋានខាងលើសូមអំពាវនាវដល់លោក អ៊ុន ចាន់ដា អភិបាល ខេត្តកំពង់ចាមនិងលោក ហេង វុទ្ធី ស្នងការដ្ឋាននគរបាលខេត្តកំពង់ចាម មេត្តាចាត់វិធានការទប់ស្កាត់បង្រ្កាបល្បែងសុីសងមាន់ជល់តាមប្រព័ន្ធអនឡាញខុសច្បាប់អោយមានប្រសិទ្ធភាពផង។ ដោយហេតុថាលោក ខេង ម៉េងឈុន អភិបាល ស្រុកព្រៃ ឈរនិងលោក សេង ណា អធិការដ្ឋាននគរ បាលស្រុកព្រៃឈរ រក្សាភាពស្ងៀមស្ងាត់ទុកអោយម្ចាស់បនល្បែងស៊ីសងមាន់ជល់តាមប្រព័ន្ធអនឡាញខុសច្បាប់បើកលេងសុីសងគគ្រឹកគគ្រេងនៅក្នុងមូល ដ្ឋានខ្លួនមិនព្រមបង្រ្កាប ទើបមហាជនដាក់ការសង្ស័យថា ជាឆ្នាំងបាយ ។
គួររំលឹកថា កាលនៅថ្ងៃទី១៧ ខែកញ្ញា ឆ្នាំ២០២២ បានកន្លងផុតទៅថ្មីៗនេះ សម្តេចតេជោ ហ៊ុន សែន បានដាក់បទបញ្ជាអោយ អភិបាល រាជធានី ទាំង ២៥ ខេត្ត ក្រុង ត្រូវតែបង្រ្កាបទីតាំងបនល្បែងស៊ីសងខុស ច្បាប់គ្រប់ប្រភេទ ទូទាំងប្រទេស គ្មានការលើកលែង។ សម្តេចតេជោ ហ៊ុន សែន បានបញ្ជាក់យ៉ាងដាច់ណាត់ទៀតថា បើ អាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការទប់ស្កាត់ និងបង្ក្រាបទីតាំងល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួនគ្រប់គ្រងនោះទេ ?អាជ្ញាធរនិងសមត្ថកិច្ចទាំងនោះនិងមានបញ្ហាប្រឈមនិងបាត់ បង់ពីតំណែងទៀតផង៕មានត
