ព្រះសីហនុ៖ តាមប្រភពពីមន្រ្តីសាខាគយបានឲ្យដឹងថា លោក នង សុខុម ប្រធានការិយាល័យគយច្រកកំពង់ផែអន្តរជាតិ ខេត្តព្រះសីហនុឡើងជំនួសលោក យុឹក យូរ ត្រូវបានសាងនូវភាពមិនប្រក្រតីពុកលួយច្រើន បើកដៃអោយឈ្មួញធំៗនាំទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់តាមលំហរសមុទ្រយ៉ាងពេញបន្ទុក។ហើយមេគយធំៗនៅ ក្នុងអគ្គនាយកដ្ឋានគយនិងរដ្ឋាករកម្ពុជា ក៍ដូចជាលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចហិរញ្ញវត្ថុ ធ្វើមិនដឹង មិនឮរក្សាភាពស្ងៀមស្ងាត់ផង ដែរ។ ហេតុហើយទើបលោក នង សុខុម មានសិទ្ធិអំណាចកាន់តែធំធេងក្នុងការឃុប ឃិតបើកដៃឲ្យឈ្មួញមួយចំនួននាំ ចូលទំនិញគេចពន្ធ ទំនិញបង់ ពន្ធមិនគ្រប់និងទំនិញខុស ច្បាប់កាន់តែច្រើនឡើងៗដើម្បីប្រមូលលុយធ្វើមានធ្វើបានផ្ទាល់ខ្លួនយ៉ាងសុខស្រួល។ ជាងនេះទៀតនោះលោក នង សុខុម បានឃុបឃិតគ្នាជាមួយមន្ត្រីគយចល័តលើផ្ទៃសមុទ្រដើម្បីគាបយកលុយពីក្រុមឈ្មួញនាំចូលទំនិញតាមទូកតាមកប៉ាល់ កាន់តែច្រើនឡើងៗភាពមិនប្រក្រតីពុករលួយរបស់លោក នង សុខុម និងបក្ខពួកត្រូវបានមហាជនលាតត្រដាងជាបន្តបន្ទាប់។
ប្រភពបានបន្តថា មួយរយៈចុង ក្រោយនេះលោក នង សុខុម ប្រើតួនាទីនិងអំណាចប្រព្រឹត្តអំពើពុករលួយដោយគ្មានញញើត អង្គភាពប្រឆាំងអំពើពុករលួយនោះទេ ? ព្រោះអាងមានខ្នងបង្អែករឹងមាំ នៅអគ្គនា យកដ្ឋានគយនិងរដ្ឋាករកម្ពុជា ទើបហ៊ាន ធ្វើអ្វីៗតាមអំពើចិត្ត។ប្រភពខ្លះបន្តថា លោក នង សុខុម ស្ទាត់ជំនាញខាងគាប សង្កត់ជំរិតយកលុយពីក្រុមអ្នករត់ការឯកសារនាំចូលនាំចេញទំនិញតាមច្រកទ្វារ កំពង់ផែអន្តរជាតិ ខេត្តព្រះសីហនុ ស្រេចតែអំពើចិត្តរបស់ខ្លួន ហើយបើអ្នករត់ការឯកសារក្រុមហ៊ុននាំទំនិញចេញចូលទាំងនោះមិនបង់លុយតាមការ កំណត់ត្រូវប្រឈមនឹងការរំខានឯកសារខុសនេះ ខុសនោះជាមិនខានឡើយ។
ប្រភពដែលស្និទ្ធនឹងលោក នង សុខុម បានបង្ហើបថា បច្ចុប្បន្ននេះលោក នង សុខុម មេការិយាល័យគយច្រកកំពង់ផែអន្តរជាតិ ខេត្តព្រះសីហនុបានរៀបចំបណ្ដាញពុករលួយយ៉ាងរឹងមាំ ដោយយកលេសប្រមូលពន្ធជូនរដ្ឋ ប៉ុន្តែតាមពិតមន្ត្រីគយរូបនេះកំពុងប្រព្រឹត្តអំពើពុករលួយស្រង់ដើមដើម្បីផលប្រយោជ ន៍ផ្ទាល់ខ្លួនយ៉ាងក្រអឺតក្រទមបំផុត។
ប្រភពពីតំណាងក្រុមហ៊ុនក៏ដូចជាក្រុមអ្នករត់ការឯកសារនាំចូលនាំចេញទំនិញតាមច្រកមួយនេះបានបន្ថែមអោយដឹងទៀតថា លោក នង សុខុម ប្រធានការិយាល័យគយចច្រកកំពង់ផែអន្តរជាតិ ខេត្តព្រះសីហនុ ប្រព្រឹត្តរបៀបអំពើពុក រលួយកាន់តែខ្លាំងឡើងៗដោយគ្មានញញើតអ្វីទាំងអស់។ ការគាប សង្កត់ជំរិតយកលុយពីក្រុមឈ្មួញនាំចូល នាំចេញទំនិញតាមច្រកកំពង់ផែអន្តរជាតិ ខេត្តព្រះសីហនុ កាន់តែច្រើនឡើងៗកំពុងធ្វើឲ្យលោក នង សុខុម ល្បីល្បាញក្នុងការប្រព្រឹត្តអំពើពុករលួយត្រូវបានមហាជនលាតត្រដាងជាបន្ត បន្ទាប់។ ប្រភពដដែលបានបន្ថែមថា លោក នង សុខុម និងបក្ខពួកឃុបឃិតគ្នាបើកដៃឲ្យឈ្មួញនាំចូលទំនិញគេចពន្ធទំនិញបង់ ពន្ធមិនគ្រប់ និងទំនិញខុសច្បាប់តាមច្រកកំពង់ផែអន្តរជាតិ ខេត្តព្រះសីហនុ កំពុងធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។ ដូច្នេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាមេគយធំៗនៅក្នុងអគ្គនាយកដ្ឋានគយនិងរដ្ឋាករកម្ពុជា មិនគួរមើលរំលងតទៅទៀតទេ ព្រោះមួយ រយៈចុងក្រោយនេះលោក នង សុខុម ឃុប ឃិតគ្នាប្រព្រឹត្តអំពើពុករលួយតាមច្រើនរូបភាព។ដូចនេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ធ្លាប់ប្តេជ្ញា លុបបំបាត់អំពើពុករលួយគួរដាក់ការស្រាវជ្រាវសេុីបអង្កេតអោយសុីជម្រៅទៅលើលោក នង សុខុម ប្រធានការិយាល័យគយច្រកកំពង់ផែអន្តរជាតិ ខេត្តព្រះសីហនុនេះផង។
ពាក់ព័ន្ធនិងការរិះគន់ខាងលើគេហទំព័រ (www.enn-tv.com)យើងខ្ញុំមិនអាចសុំការពន្យល់បកស្រាយពីលោក នង សុខុម ប្រធានការិយាល័យគយនិងរដ្ឋាករច្រកកំពង់ផែអន្តរជាតិ ខេត្តព្រះសីហនុបាននៅឡើយទេ? ព្រោះគ្មានលេខទូរសព្ទ៕